Éxodo 25:8 - Qullan Arunaca

⁸ Nayataquisti mä kollana utjäwi lurarapipjjetäta, ucan nayajj jacañajjataqui.

Aymar Bibliia 1986

⁸ Nayataquisti mä kollana utjäwi lurarapipjjetäta, ucan nayajj jacañajjataqui.

Qullan Arunaka DC

⁸ Ukatsti nayatakix mä qullan utjäwi lurarapipxitäta, nayan jumanak taypin utjasiñaxataki.

Éxodo 25:8 Jak'a apnaqawi uñst'ayäwi

1 Reyes 6:13

ucatsti nayajj israelita jakenac taypinaracwa jacaraquëjja, ucatjja janiw apanuccäti Israel marcajjarojja” sasa.

1 Crónicas 22:19

Ucampisa jumanacajj take chuyma amtasipjjam Tatit Diosamar thakañataqui. Ucatsti waquichasipjjaraquim Tatit Diosan Kollan Templopa lurañataqui, uqhamata cawquïr templotejj jumanacajj lurapcäta ucaru Tatitun Sumancäwi arcapa, uqhamarac kollan yänacapa apatäjjañapataqui” sasa.

Éxodo 15:17

Tatitu, kollan kolluman jacañataqui irpapjjeta, cawqha oraktejj jumajj ajllcta jacañataqui ucaru. Uqhamarac cawqha kollan uttejj amparamampi waquichcaracta ucqharu.

Éxodo 15:2

Tatituw nayan k'ochuñajjajja, juparaquiwa ch'amañchirejjasa, uqhamarac khespiyirejjasa. Jupawa nayan Diosajjajja, ucatwa yupaychäjja; juparaquiw awquejjan Diosapasa, ucatwa jach'añcharaquëjja.

Éxodo 29:45

Uqhamaraqui nayajja israelitanac taypinwa jacäjja, nayawa jupanacan Diosapäyäjja.

Éxodo 29:46

Uqhamatwa jupanacajj yatipjjani naya Tatitu Diosajj jupanacana Diosapätajja, qhititejj Egipto marcat apsunqui jupanac taypin jacañataqui uca. Naya Diosawa jupanacan Tatitu Diosapätjja.

Isaías 12:6

Sionan utjasiranaca, cusisiñat arnakasipjjam, Israelan Kollan Diosapajj jumanac taypincatapata, take acapachan jach'a ch'amapampi.”

Ezequiel 37:26

Jupanacan jan cun ajjsarasa jacasipjjañanacapataquisti mä amtäwiruw mantäjja. Uca amtäwisti wiñaya amtäwïniwa. Jupanacarusti waljaniruw tucuyaraquëjja, jupanac taypirusti wiñayataquiw nayan kollan templojja ucharaquëjja.

Ezequiel 37:28

Cunapachatejj nayan kollan templojjajj jupanac taypin wiñayataqui ucancani ucapachaw yakha marcanacajj nayan Israel marcaru ajllisitajja yatipjjani, nayataquejja mä suma kollana ajllisitajjäcaspas uqhama.’ ”

Ezequiel 43:7

aqham sasa: “Aca chekajj nayan tronojjawa, cawqharutejj cayunacajjajj tact'qui uca chekawa; aca chekanwa nayajj israelitanac taypin wiñayataqui jacaraquëjja. Janipuniw jupanacasa, reyinacapasa nayan kollan sutejja juc'ampi jisc'achaycjjapjjaniti, uqham jan take chuyma nayaru arcatanacapampejja, cunjämatejj reyinacapar amtañataqui lantinacapa lurasipjjänjja uqhama, cunapachatejj uca reyinacapajj jiwarjjapjjän ucapacha.

Levítico 10:4

Ucat Moisesajj Misael, uqhamarac Elzafán sisqui uca jakenacaruw jawsäna, jupanacasti Aaronan tiopa Uziel sisqui uca jaken yokanacapänwa, ucat jupanacarojj saraqui: —Jutapjjam, ucatsti uca jumanacan familianacama apsusinjjapjjam uca kollana chekawjata, ucatsti campamentot ankäjjaru apasjjapjjam —sasa.

Levítico 21:12

Tatitun kollanawjapatsti janipuniw mistuñapäquiti, janiraquiw uca chekan kollanätapsa jisc'achayañapäquiti, jupjjaru cuna aceitetejj Tatituru loktatäqui ucajj warjjatatätap laycu. Nayätwa Tatitojja.

Levítico 26:11

“Nayaw jumanac taypin jacaraquëjja, janiraquiw jumanacarojj apanucupcämati,

Levítico 4:6

ucanwa luc'anapa wilaru juricht'asajja, pakallko cuti ch'allt'araquini Tatitun nayrakatapana, santuarion velop tokeru.

Zacarías 2:10

“¡Cusisiñat k'ochupjjam, Jerusalenanquirinaca, nayan jumanac taypin jaquiri jutatajjata!” Tatitun arsüwipawa.

Zacarías 8:3

Cutt'anïwa Jerusalenarojja, ucan jacañataqui. Ucqhaw Jerusalenajj Cheka Marca sutichatänejja; take ch'amani Tatitun kollupasa Kollana Kollu sataraquïnejja.

Números 5:3

Uca casta jakenacarojj campamentotjja ankaru jakonucupjjpan, chachäpasa, warmïpasa. Uqhamatsti janiw campamentoru k'añu tucuyapcaniti, nayan uca campamenton jacascatajj laycu.”

Hechos 7:44

“Awquinacasanjja utjänwa wasaranjja arust'äwi carpa, ucasti luratänwa cunjämtejj Diosajj Moisés toke arscäna uqhamaru, saraquïnwa cunapachatejj lurapcäta ucqhasti cunjämtejj uñjcta uqhamäñapawa.

2 Corintios 6:16

Jan ucajj ¿mayaquïspacha Diosan templopampi yakha diosanacampejja? Jumanacajj jacquir Diosan templopäpjjtawa, cunjämtï Dios quipcasa sisqui uqhama: “Jupanac taypinwa jacä, uqhamarac sarnakaraquï. Nayajj jupanacan Diosapäyäwa, jupanacasti nayan marcajjaraquïniwa.”

Deuteronomio 12:11

ucqhasti jumanacajj cawqha chekarutejj Tatitu Diosamajj ajllisini jumanacan yupaychapjjañamataqui, ucaruwa loktapjjäta take cunanactejj sapcsma ucanaca. Take uywanaca sacrificion loktasa juparu yupaychañataqui, diezmonaca, churäwinaca, uqhamaraqui take cuntejj Tatitu Diosamaru churañatac arsupcta ucanac sum ajllisinwa churapjjäta.

Hebreos 3:6

Ucampis Cristojj mä wawjamajj chekawa uca Diosan utapjjarojja. Uca utasti jiwasanac pachpätanwa, take chuymatejj sarascaquiñäni, uqhamarac tucuycama iyawsañäni cusisita suyt'äwisana ucajja.

Josué 22:31

Ucatsti Finees sutini Eleazar sacerdoten wawapajj jupanacarojj sänwa: —Jichhasti yattanwa Diosajj jiwasanac taypincascatapa; jumanacajj janiraquiw Dios contras sayt'asiñ amtapcatätati, uqhamatwa jichhajj Diosan mutuyawipat nanacar khespiyapjjesta —sasa.

Apocalipsis 21:3

Ucatsti mä jach'a aru ist'aracta alajjpachat art'asiniri: “¡Acajjay, Diosajj jichhajj jakenac taypinwa jaqui! Jupanacampiw jacani, jupanacasti marcapäniwa. Dios quipcaraquiw jupanacampïni, jupanacan Diosaparaquïniwa.