Éxodo 21:6 - Qullan Arunaca

⁶ uywiripajj Diosan ucar irpasinjja, uta puncuru jan ucajj uta puncu marcor saycatayasinwa mä p'iyañampi jinchjja p'iyjañapa, uqhamata uca sirvirejj wiñayatac jupan sirviripäñapataqui.

Aymar Bibliia 1986

⁶ uywiripajj Diosan ucar irpasinjja, uta puncuru jan ucajj uta puncu marcor saycatayasinwa mä p'iyañampi jinchjja p'iyjañapa, uqhamata uca sirvirejj wiñayatac jupan sirviripäñapataqui.

Qullan Arunaka DC

⁶ uywiripax Diosan nayraqataparuw irpani, ukatsti uta punkur irpkatasin mä p'iyañampiw uywat jaqin jinchup p'iysuni. Ukhamat uka uywat jaqix wiñayatak jupankxani.

Éxodo 21:6 Jak'a apnaqawi uñst'ayäwi

1 Reyes 12:7

Jupanacasti sapjjänwa —Jumatejj jichhüruna aca marcar sirviñataqui uchasïta ucajja, uqhamarac wali suma arunacampiraqui parlaraquïta ucajja, jupanacasti jumarojj wiñayataquiw sirvipjjätam —sasa.

Salmos 82:1

Diosajj alajjpach tantachasïwin sayt'asïna, angelanacan muyuntataw taripirinacarojj taripäna:

Éxodo 12:12

Uca arumasti nayajj Egipto marca chekwa pasawayäjja, ucatsti egipcionacan take jilïri tayna wawanacapwa jiwarayäjja, uqhamarac uywanacan nayrïr kallunacapsa. Uqhamatwa uñacht'ayäjja Egiptonquir diosanaca contra naya Tatitun arsutajj-jja.

Éxodo 21:22

“Uqhamarac pä jaketejj nuwasisa mä usur warmiru nuwatatasa janïr wawachasiñäquipana sullsuycani; ucampis jan uca warmejj jiwcchiniti ucajja, uca nuwatatir jakejja multa pagañapawa, uca warmin chachapajj kawkhtejj mayqui juezanac nayrakatanjja uqhamarjama.

Éxodo 21:5

Ucampis sirviritejj jan librëña muncchi warmiparu, wawanacaparu, uywiriparu munatap laycu ucajja,

Éxodo 21:7

“Uqhamarac maynitejj phuchapa sirviritac aljchi ucajja, jupasti janiw mistuñapäquiti sirvirïñatjja chacha sirvirjamajja.

Éxodo 22:28

“Janiw Dios contrajj jan walinac parlätati, uqhamarac marcaman apnakqui uca jilïrirusa janiw maldiciraquïtasa.

Isaías 1:26

Jichhasti, cunjämäcäntejj nayra juezanacamajj uc churjjaraquïma, amuyt'ayirinacamasti kalltanjamäjjaraquiniwa. Take ucanac lurcä uca khepatsti sapjjaraquïtamwa: ‘Asqui lurir marca’ ‘Cheka marca’ sasa.

Levítico 25:23

“Orakesti janiraquiw wiñayataqui aljatäñapäquiti, orakejj nayanquiwa; jumanacasti aca orakenjja sart'iri jakenacaquïpjjtawa.

Levítico 25:40

Juparusti utaman nacirïcaspasa, jan ucajj mä korpachasiri jakëcaspasa uqhamaru uñjam. Jumataquisti khespiyasiñ mara puriniñapcamaw irnakaraquini,

Sofonías 3:3

Jach'a jilïri jakenacapajj leonanacjamaw wararipjje; juesanacapas aruma sarnaker lobonacjamaw ch'aqhanacsa k'al mank'antapjje, khepärmanthitaqui jan maysa jilt'ayasa.

Deuteronomio 1:16

Uca quipcaraquiwa juezanacarus aca ewjjanac churayäta: ‘Takeniruraqui sum uñjapjjam, sapakat mayniruraqui suma cheka cancañampi uñjapjjam, marca masi jakenacamaru uqhamarac yakha marcat jutir jakenacarusa;

Deuteronomio 15:16

“Ucampis esclavomatejj jumat jan sarakañ muncätam, jumaru munatapa uqhamaraqui familiamaru munatap laycu, uqhamaraqui juman juparu sum uywatam laycu,

Deuteronomio 15:17

ucatsti mä p'iyañampi, uta puncumaru saycatayasin juparojj jinchupa p'iysüta; uqhamatwa jupajj wiñayataqui juman esclavomäni. Uca pachpa luraraquïta mä warmi esclavampisa.

Deuteronomio 16:18

“Utt'ayasipjjam juezanaca, jilïri jakenaca, take cawquïri marcanactejj Tatitu Diosamajj sapa tribunacaru churapcätam ucanacataqui, jupanacan suma cheka cancañampi uñjapjjañapataqui.

1 Samuel 1:22

ucampis Anajj janiw sarcänti, jan ucasti chachaparojj sänwa: —Janiw nayajj sarcäti, aca wawaru ñuñu t'akañajjcama. Ucapachaw nayajj wawarojj irpjjä Tatitur churjjañataqui, ucat ucan wiñaya kheparjjañapataqui.

1 Samuel 27:12

Aquis reyisti Davidarojj suma jaket uñt'araquïna, chuymapansti saraquïnwa: “Davidajj israelitanacarojj uñisjjewa, uqhamasti nayan servirijjapunïniwa” sasa.

1 Samuel 28:2

Davidasti saraquïnwa: —Waliquiwa. Jichhasti juma jach'a reyejj uñjätawa, aca sirvirimajja cuna lurañataquisa iyawsaquiwa —sasa. Ucjjarusti Aquis reyejj Davidarojj saraquïnwa —Uqhamajj jumarojj nayan guardiajjan jilïripat utt'ayäma —sasa.