Éxodo 18:10 - Qullan Arunaca

¹⁰ Ucat Jetrojj sänwa: —Bendicitäpan Tatitojj, jupawa juma israelitanacarojj khespiyapjjtamjja faraonana, uqhamarac egipcionacan ch'amapampi t'akhesiyatäñatjja.

Aymar Bibliia 1986

¹⁰ Ucat Jetrojj sänwa: —Bendicitäpan Tatitojj, jupawa juma israelitanacarojj khespiyapjjtamjja faraonana, uqhamarac egipcionacan ch'amapampi t'akhesiyatäñatjja.

Qullan Arunaka DC

¹⁰ Ukat jupax sarakïna: —¡Israelan Tatitupax jach'añchatäpan, jupaw juma israelitanakarux egipcionakampina, faraonampin amparapat qhispiyapxtamxa!

Éxodo 18:10 Jak'a apnaqawi uñst'ayäwi

Génesis 14:20

Alajjpachanquir Diosasti yupaychataraquïpan, jupaw enemigonacamarojj atipjaytam” sasa. Ucatsti Abramajj cuntejj aparancän ucanacatjja sapa tuncat maywa Melquisedecarojj churäna.

Génesis 24:27

saraquïnwa: “¡Kollanäpan Abraham uywirejjan Diosapajja, jupajj chekapapuniwa, qhuyapayasiriraquiwa Abraham uywirejjataquejja, thaquinsa juparaquiw irpasinquitu, uywirejjan familianacapan utapar puriñajjcama!” sasa.

2 Samuel 18:28

Ahimaasasti niya jac'achasinjjaraquïnwa, reyi nayräjjan orakcama alt'asisinsti, reyirojj aruntänwa, saraquïnwa: —Bendicitäpan Tatitojja, juma jach'a reyin Diosapajja, jichhasti jupajj, qhitinacatejj juma, jach'a rey, contra sayt'asipcän ucanacarojj apakjjewa —sasa.

1 Reyes 8:15

aqham sasa: “Bendicitäpan Israel marcan Tatit Diosapajja, jupajj phokhewa cuntejj David awquejjaru arscäna ucjja, cunapachatejj aqham arscäna:

1 Reyes 8:56

“¡Tatitojj bendicitäpan, jupawa Israel marcaparu samaraña churi, cunjämatï arscäna uqhamaru! Tatitusti janiw armasquiti Moisés sirvirip toke cuna arsüwinactï phokhañataqui arscäna uca laycu.

Salmos 41:13

¡Israelan Tatit Diosapajj jach'añchatäpan, jichhasa, wiñayan wiñayapansa! ¡Uqhamäpan!

Lucas 1:68

“Israelan Tatit Diosapajj bendicitäpan. Jupasti jiwasa marcaparuw juti, ucat khespiyistu.

Efesios 1:3

Yupaychañäni Diosaru, Tatit Jesucristosan Awquiparu, Cristompi mayachasitas laycuwa jupajj bendiciwayistu take casta ajayun bendicionanacampi alajjpachanacana.

1 Tesalonicenses 3:9

¿Cunjämatsa phokhat yuspagaräwi Diosar loktapjjerista jumanacata, uqhamarac ucqha suma cusisiñ jupa nayrakatapan churapjjesta ucatsa?

1 Pedro 1:3

Yupaychañäni Diosaru, Jesucristo Tatitun Awquiparu, jupasti jach'a qhuyapayasiñap laycuwa jiwasarojj machakat naciyistu, Jesucriston jiwatanac taypit jactatap toke. Ucasti jiwasanacarojj suyt'añanwa jacayaraquistu,

1 Samuel 15:6

Ucat quenitas sat jakenacarojj saraquïna: “¡Sartapjjam ucqhata! ¡Jumanacajj amalecita jakenac taypit mistuwayjjapjjam, jan nayan jumanacaru jupanacampi chica t'unjañajjataqui, jumanacasti sumaquiracwa uñjapjjayätajj israelitanacarojj, cunapachatejj Egiptot jutapcän ucapachajja!” sasa. Quenitas sat jakenacasti amalecitas sat jakenac taypitjja mistuwayjjapjjänwa.

1 Samuel 25:32

Davidasti saraquïnwa: —Israelan Tatitu Diosapasti kollanäpan. Jupaw jumaru nayampi jiquisiñataqui qhitantam.