Éxodo 17:4 - Qullan Arunaca

⁴ Ucatsti Moisesajj, Tatituruw arnakäna: —¿Cunsa luräjja aca marcampejja? Acat mä juc'ampirojja kalampi c'upjasawa jiwayapjjetani —sasa.

Aymar Bibliia 1986

⁴ Ucatsti Moisesajj, Tatituruw arnakäna: —¿Cunsa luräjja aca marcampejja? Acat mä juc'ampirojja kalampi c'upjasawa jiwayapjjetani —sasa.

Qullan Arunaka DC

⁴ Moisesasti Tatituruw yanap mayïna, juparusti sänwa: —¿Kamacharakï aka jaqinakampisti? Niyapuniw qalamp k'upjas jiwayapxitu —sasa.

Éxodo 17:4 Jak'a apnaqawi uñst'ayäwi

Salmos 99:6

Moisesamp Aaronampejj sacerdotenacap taypin aytatawa, Samuelojj sutip jach'añchirinac taypin aytatawa, jupanacajj Tatituruw art'asipjjäna, jupasti mayisitanacaparojj ist'änwa.

Éxodo 14:15

Ucatsti Tatitojj Moisesarojj sänwa: —¿Cunatsa nayaru arnakasinipjjesta? ¡Yatiyam israelitanacaru nayrakatar sarantapjjañapataqui!

Éxodo 15:25

Ucampis Moisesajj Tatituruw mayïna, ucatsti Tatitojj juparojj mä koka uñacht'ayi. Ucat Moisesasti uca kokampiw umar jakontäna, umajj mojjsaw tucuwayjjäna. Uqhamaw Tatitojj uca chekanjja iyawsañanacap yant'äna, uqhamarac churaraquïnwa leyinaca jupanacan suma sarnakapjjañapataqui.

Números 11:11

ucatsti Tatiturojj sänwa: —¿Cunatsa sirvirimaru jan wal uñjta? ¿Cunas juchäjje nayan aca marcampi acatak ch'am tucuñajjataquejja?

Números 14:10

Uqhamäquipansa, jakenacajj kalampiw jupanacar c'upjañ munapjjäna. Ucatwa Tatitun jach'a cancañapajj uñstäna, Jiquisiñ Carpana, take jaken uñjcata.

Números 16:19

Coré chachasti niyaw takpach marcaru tantachäna jupanac contra, Jiquisiñ Carpa uñcatasina. Ucapachasti Tatitun jach'a cancañapaw takpach marcaru uñacht'ayasïna.

Juan 10:31

Ucatsti judionacajj kalanac irtasisin wasitampiw c'upjañ munapjjäna.

Juan 8:59

Uc ist'asinjja Jesusarojj kalampiw c'upjañ munapjjäna, ucampis jupajj imantasisin templot mistuwayjjäna; jupanac taypi pasasinsti, sarawayjjaraquïnwa.

Hechos 14:19

Ucapachasti mä kawkha judionacaw purinipjjäna, Antioquiampita Iconiompita. Jakenacar amtayasinsti Pablorojj kalampiw c'upjayapjjäna, ucatsti: “Jiwatäjjew” sasaw marca ankäjjarojj katatnucunipjjäna.

Hechos 7:50

¿Janit take ucanacajj amparajjampi luratäquejja?

1 Samuel 30:6

Davidasti wali llact'ataw jicjjatasiraquïna, jakenacapasti juparojj kalampiw c'upjaña munapjjaraquïna, takenisa wali mayjt'ataraquïnwa, cunatejj wawanacaparu pascatayna ucanacata. Ucampisa jupajj Tatitu Diosaparuw confiasiraquïna.