Éxodo 17:1 - Qullan Arunaca

¹ Take israelitanacasti Sin sat wasarat sarawayjjapjjänwa, ucampis Tatitun arunacaparjamasti jupanacajj juc'at juc'atawa sarapjjäna. Ucatsti Refidim sat chekaru purisajja ucqharuw carpantasis utjantapjjäna, ucampis uca orakenjja jupanacasti umjja umt'añataquejj janiw jicjjatapcänti.

Aymar Bibliia 1986

¹ Take israelitanacasti Sin sat wasarat sarawayjjapjjänwa, ucampis Tatitun arunacaparjamasti jupanacajj juc'at juc'atawa sarapjjäna. Ucatsti Refidim sat chekaru purisajja ucqharuw carpantasis utjantapjjäna, ucampis uca orakenjja jupanacasti umjja umt'añataquejj janiw jicjjatapcänti.

Qullan Arunaka DC

¹ Israelitanakax taqiniw Sin sat wasarat sartawayxapxäna, jupanakasti Tatitun arunakaparjamaw juk'at juk'at sarapxäna. Refidim sat chiqar purisasti ukkharuw utjnuqtapxäna, ukampis janiw umt'añatak uma jikxatapkänti,

Éxodo 17:1 Jak'a apnaqawi uñst'ayäwi

Éxodo 15:22

Moisesasti israelitanacarojj Mar Rojo sat kotatjja irpjjänwa Shur sat wasararu, jupanacasti quimsa uruwa sarapjjäna wasaranjama jan uma jicjjatasina.

Éxodo 16:1

Take israelitanacajj Elim chekat mistuwayasinjja Sin sat wasararuw puripjjäna, acasti Elim, uqhamarac Sinaí uca pä kollunac taypinquiwa. Cunapachatejj Egiptot mistuwayapcäna uca uruta payïr phajjsinjja tunca pheskan uruw sarakjjäna.

Éxodo 17:8

Amalecita jakenacasti jutapjjänwa Refidim sat chekaru israelitanacampi nuwasiñataqui.

Éxodo 19:2

Jupanacajj Refidim sat chekat mistuwayasinsti, Sinaí wasararu purisinwa ucaru utjantapjjäna kollu uñcatasiru.

Números 20:2

Jakenacasti jan uma utjatapatsti, takpachani tantachasisinjja, Moisés uqhamarac Aarón contra arsusiñataquiw sartasipjjäna.

Números 9:17

Cunapachatejj kenayajj carpa patjjat sartawaycän ucqhajj, israelitanacajj sarjjarupjjaraquïnwa, ucatsti cawqharutejj kenayajj sayt'cäna ucqharuraquiw jupanacajj puripjjäna.

Números 9:23

Tatitu Diosan arsutaparjamaraquiw sayt'apjjäna, arsutaparjamaraquiw sarantapjjäna. Ucampisa Tatituruw sirvipjjäna, cunjämtejj jupajj Moisesaru arscatayna uqhamarjama.