Éxodo 16:32 - Qullan Arunaca

³² Ucat Moisesajj saraquïnwa: —Tatitusti aqham siwa: ‘Jumanacasti mä phuqhurojja pä litro maná t'ant'a uchapjjam, ucatsti imapjjam wawanacaman wawanacapataqui, jupanacajja uñjapjjañapataqui, nayasti Egiptot apsunisasti wasaranjja cuntejj jumanacaru mank'ayapcsma uca’ sasa.

Aymar Bibliia 1986

³² Ucat Moisesajj saraquïnwa: —Tatitusti aqham siwa: “Jumanacasti mä phuqhurojja pä litro maná t'ant'a uchapjjam, ucatsti imapjjam wawanacaman wawanacapataqui, jupanacajja uñjapjjañapataqui, nayasti Egiptot apsunisasti wasaranjja cuntejj jumanacaru mank'ayapcsma uca” sasa.

Qullan Arunaka DC

³² Uka qhipat Moisesax markar säna: —Tatitux akham siwa: “Pä kilo maná t'ant'a mä phukhur uchapxam, wawanakaman wawanakapataki, jumanakar Egiptot irpsunisin wasaran manq'ayapksma uka manq'a jupanakan uñt'apxañapataki” —sasa.

Éxodo 16:32 Jak'a apnaqawi uñst'ayäwi

Salmos 105:5

Muspharcañ luratanacapat amtasipjjam, muspcañ luräwinacapampi, arsutanacapamp amtapjjam;

Éxodo 16:16

Tatitusti aqham saraquiwa: ‘Jumanacasti apthapisipjjätawa kawkhtejj mank'añataqui munapcta, kawkha jakëpctatejj utanacamanjja uqhamarjama, pä litrjama sapa jaketaqui.’

Éxodo 16:31

Israelitanacasti apthapipcäna ucarusti sutichapjjänwa maná sasa. Ucasti jank'önwa, cilantro sat alin jathapjama, uqhamarac misq'impi lurat sillp'a t'ant'jam lurataraquïnwa.

Éxodo 16:33

Ucat Moisesasti, Aaronarojj saraquïnwa: —Mä phuqhurusti pä litro maná t'ant'a uchasin apam Tatitun nayrakataparu, uqhamata imatäñapataqui jumanacan wawanacaman wawanacapataqui.

Jeremías 7:23

Ucampisa jupanacarojj saraquïyätwa nayaru ist'apjjañapa; uqhamatwa nayajj jupanacan Diosapäyäjja, jupanacasti nayan marcajjaraquïniwa sasa. Ucatsti saraquïyätwa cunjämtejj nayajj siscta uqhamar sarnakapjjañapa, uqhamat take cunas sumaqui sarañapataqui.

Oseas 11:4

Suma koña chuymampi, munasiñampiwa lasumpjama nayarojj apcatasta; ajanojjaruraquiw apcatt'asta, ñuñuyañ wawanacäcaspas uqhama; jupanacar mank'ayañataquis waquichasiractwa,

Lucas 22:19

Ucatsti, t'ant'a irtasin Diosar yuspagari; pachjasinsti jupanacaruw churi, ucat saraqui: —Acajj janchejjawa, ucasti jumanac laycu catuyatäniwa. Acjja nayat amtasisin lurapjjam.

Hebreos 2:1

Ucatwa cuntejj ist'ctan ucarojj wali amuyu uchañasa, jan thaquit maysar saranucuñataqui.

Hebreos 9:4

Ucansti mä kori altaraw utjaraquïna, incienso naqhayañataqui, uqhamarac arust'äwi arca korimpi apaquipata. Uca arca mankhansti mä kori chatuw ucancäna, maná sat t'ant'araquiw uca chatu mankhancaraquïna, Aaronan ch'ojjñatatcänsa uca varapasa ucancaraquïnwa, uqhamarac arust'äwi kellkat kalanacasa.