Éxodo 16:31 - Qullan Arunaca

³¹ Israelitanacasti apthapipcäna ucarusti sutichapjjänwa maná sasa. Ucasti jank'önwa, cilantro sat alin jathapjama, uqhamarac misq'impi lurat sillp'a t'ant'jam lurataraquïnwa.

Aymar Bibliia 1986

³¹ Israelitanacasti apthapipcäna ucarusti sutichapjjänwa maná sasa. Ucasti jank'önwa, cilantro sat alin jathapjama, uqhamarac misq'impi lurat sillp'a t'ant'jam lurataraquïnwa.

Qullan Arunaka DC

³¹ Apthapipkän uka t'ant'asti janq'ünwa, cilantro alin jathapar uñtata, misk'impi lurat t'ant'jam muxsarakïnwa. Israelitanakasti ukarux “maná” sasaw sutichapxäna.

Éxodo 16:31 Jak'a apnaqawi uñst'ayäwi

Éxodo 16:14

Cunapachatejj sullajj wañsjjäna ucqhasti, wasara orak patanjja uñstänwa kakawarar uñtata jisc'a morok'onaca.

Éxodo 16:15

Ucampis israelitanacajj jan cunätapsa yatisinjja maynit maynicamaw jisct'asipjjäna “¿Acajj cunasa?” sasa, ucatsti Moisesajj sänwa: —Acasti t'ant'awa, Tatituw uc churapjjtam mank'apjjañamataqui.

Éxodo 16:30

Ucatsti jakenacajj takpachaniw pakallko urunjja samarapjjäna.

Éxodo 16:32

Ucat Moisesajj saraquïnwa: —Tatitusti aqham siwa: ‘Jumanacasti mä phuqhurojja pä litro maná t'ant'a uchapjjam, ucatsti imapjjam wawanacaman wawanacapataqui, jupanacajja uñjapjjañapataqui, nayasti Egiptot apsunisasti wasaranjja cuntejj jumanacaru mank'ayapcsma uca’ sasa.

Cantar de los cantares 2:3

Chachanac taypinjja, nayan munatajjajj yakha kokanac taypinquir manzano aljamawa. ¡Cunja sumas nayataquejj ch'iwipar kont'asiñajja! ¡Achupasti lacajjataquejj sinti mojjsaraquiwa!

Deuteronomio 8:16

Ucatsti wasaranjja maná sat mank'a mank'ayapjjtam, cawquïri mank'tï jumanacan awquinacamajj jan uñt'apcäna, jupanacan llamp'u chuymanïñ yatekapjjañapataqui, uqhamwa ucanacajj jumanacan asquimataquiraquïnjja.

Deuteronomio 8:3

Diosajj walsa t'akhesiyapcchïyätam mank'atsa awtjayasa, jupajj maná sat mank'aña churapjjäyätam, cawquïri mank'añtï jan jumanacasa ni awquinacamasa uñt'apcän ucanaca, uqhamat jumanacar uñacht'ayañataqui jakejj jan t'ant'a sapampiqui jacatapa jan ucasti take cawquïri arunacatï Tatitu Diosan lacapat mistqui ucanacampi jacataparaqui.