Éxodo 14:28 - Qullan Arunaca

²⁸ Umasti cunjämäcäntejj uqhamar tucusinsti chhakhayänwa israelitanacar arctapcäna uca faraonan take ejercitoparu, carronacaparu, uqhamarac caballonacaparusa. Janiwa mayni soldadosa jacquir jilt'cänti, takeniw jiwarapjjäna.

Aymar Bibliia 1986

²⁸ Umasti cunjämäcäntejj uqhamar tucusinsti chhakhayänwa israelitanacar arctapcäna uca faraonan take ejercitoparu, carronacaparu, uqhamarac caballonacaparusa. Janiwa mayni soldadosa jacquir jilt'cänti, takeniw jiwarapjjäna.

Qullan Arunaka DC

²⁸ Umax wasitat pachpar kuttasin, nuwasiñ carronakampiru, caballeriampir chhaqtayäna, israelitanakar arktir mantapkatayna uka taqpach ejercitompiru. Janiw maynis faraonan soldadonakapat qhispkänti.

Éxodo 14:28 Jak'a apnaqawi uñst'ayäwi

Génesis 50:9

Uqhamaraquiw jakenacajj carronacata, caballonacata Josearojj compañapjjäna. Jakejj waljapunïnwa.

Génesis 7:18

Umasti juc'ampiraquiw maqhatjjäna, arcasti uca patanwa tuyuscaraquïna.

2 Crónicas 20:24

Cunapachatï Judá marcanquiri jakenacajj cawcqhattï wasarajj utascäna ucqhar purinisajja, uisirinacapan ejercitopa uñtasinjja, jiwatanacaqui oraker liwirtatcamacwa uñjapjjäna; ¡janiw maynis khespcataynati!

Nehemías 9:11

Jupanacan nayrakatapanjja kotsa payaruwa jaljtaytajja, ucatsti jupanacajj uca chekjja waña orakenjam maqhatapjjäna; ucatsti jupanacar arctirinacarojja kota mankheruraquiw utjantaytajja, cunjämatï mä kalajj uma mankheru utjantqui uqhama.

Salmos 106:22

Cam oraken muspharcañanac lurquipansa, Mar Rojo kotan muspharcay luräwi lurquipansa.

Salmos 136:15

Mar Rojo kotar Faraonan jakenacapar jakontiriru: qhuyapayasiñapajj wiñayawa.

Salmos 78:53

Wali thuriñchat jupanacarojj irpäna, jan ajjsarayasipjjañapataqui, timanacaparusti lamar kotaw p'amp'antäna.

Éxodo 14:13

Ucampis Moisesajj jupanacarojj sänwa: —Jan ajjsarapjjamti, mayjancapjjaquim. Jichhawa uñjapjjäta Tatitojj cuntejj lurcani jichhüru jumanacaru khespiyañataqui ucjja. Ucampis jichhüru egipcionacar uñjapcta uqhamjja janiw mayampsa uñjcjjapjjätati.

Éxodo 15:10

Ucampis jumajj may phust'asaw kotampi chhaktaytajja, jupanacasti plomo sat metaljamaw uma mathapi mankherojj chhakhantawayjjapjje.

Éxodo 15:19

Faraonan carronacapampi, uqhamarac caballeriapampejj kotaruw mantanipjjäna, ucatsti Tatitojj kotanjja umampiw chhaktayäna. Ucampis israelitanacajj kotjja waña orakenjam maqhatanipjjäna.

Habacuc 3:13

Jumasti mistuntawa marcamaru yanapt'iri, juma quipca ajllisctasa uca reyimpiru. Jan wali amtañani jakenacan jilïripsa tucjaractawa, takpachaniruw k'alala jan cunani tucjaractajja.

Deuteronomio 11:4

ucatsti cunjämtï lurqui egipcio ejercitoru, caballonacaparu, nuwasiñ carronacaparu uqhamaraqui cunjämsa Mar Rojo sat umanacaru chhaktayäna, cunapachatï jupanacajj jumanacaru khepat arctanipjjayätam ucqhajja. Diosaw jupanacarojj jan mayampitaqui t'unjäna.

Hebreos 11:29

Iyawsäwi laycuraquiw israelitanacajj wañäcaspas uqhama Mar Rojo sat kotjja pasapjjäna; cunapachatejj egipcionacajj uqham pasañ munapjjaraquïn ucqhajja, umaw jupanacarojj jiwarayjjäna.

Jueces 4:16

Ucañcamasti Barac sat chachajj arctascaquïnwa carronacaru, soldadonacaru Haroset-goim sat chekacama. Uca urusti Sisaran ejercitopatjja soldadonacajj janiw maynis jilt'cänti jan ucasti takeniw jiwarapjjäna.