Éxodo 13:3 - Qullan Arunaca

³ Ucatsti Moisesajj israelitanacarojj sänwa: “Aca urutjja amtasipjjapunïtawa, aca uruwa Tatitojj ch'amapampi Egiptota apsunipjjtam, cawqhantejj t'akhesipcäyäta ucatjja. Uca laycusti janipuniwa levaduran t'ant'a mank'apjjätati.

Aymar Bibliia 1986

³ Ucatsti Moisesajj israelitanacarojj sänwa: “Aca urutjja amtasipjjapunïtawa, aca uruwa Tatitojj ch'amapampi Egiptota apsunipjjtam, cawqhantejj t'akhesipcäyäta ucatjja. Uca laycusti janipuniwa levaduran t'ant'a mank'apjjätati.

Qullan Arunaka DC

³ Ukat Moisesax israelitanakar säna: “Aka urut amtasipxapunïtawa, aka urun Tatitux jach'a ch'amapamp Egipto uraqit jumanakar irpsunipxtam, t'aqhisiyat jakapkäyät uka uraqita. Janiw levaduran t'ant'a manq'apxätati.

Éxodo 13:3 Jak'a apnaqawi uñst'ayäwi

Génesis 15:16

Ucampisa pusi generación pasatatwa wawanacamajj aca chekar cuttanjjapjjani, amorreonacan jucha luratanacapajj janïraw sinti jan walïquiti uca laycu —sasa.

1 Reyes 8:42

aca templomana oración lurañataqui ucqhajja (jupanacajja ist'apjjaniwa juman jach'a sutimata parliri, uqhamarac ch'amamampi luratamatsa),

1 Crónicas 16:12

Muspharcaña jach'a luratanacapata amtasipjjam, uqhamarac ewjja arunacapa arsutapatsa;

Nehemías 1:10

“Nanacawa juman uywatanacamäpjjta, uqhamarac marcamasa, qhitinacarutejj jach'a ch'amamampi, jach'a luräwinacampi khespiyapjjestajja.

Nehemías 9:10

Jumasti wali muspharcaya jach'a luräwinacwa Faraonataquejj lurtajja, uqhamarac sirvirinacapataquisa, marcapanquiri take jakenacapataquisa, jumajj amuyastawa cunja jach'a jach'a tucuñampisa israelita jakenacarojj apnakapjjäna uca laycu. Uqhamatwa jach'ar aytatätajja cunjämatejj jichhürunjama.

Salmos 105:5

Muspharcañ luratanacapat amtasipjjam, muspcañ luräwinacapampi, arsutanacapamp amtapjjam;

Salmos 114:1

Israel marcajj Egipto marcat mistuncän ucapachajja, jaken marcapat mistunjjäna,

Salmos 136:11

Israel marcanquirinacar Egiptot irpsuniriru: qhuyapayasiñapajj wiñayawa.

Salmos 136:12

Take ch'aman amparapamp irpsuniriru: qhuyapayasiñapajj wiñayawa.

Salmos 89:14

Chekapar uñjañampi, asqui cancañampiw reyi konuñamarojj thurjjäsiyi, munasiñamp, cheka cancañampiw jumar jicjjatirejj jutapjje.

Éxodo 12:15

Jumanacasti pakallko uruwa jan levaduran t'ant'a mank'apjjäta, nayrïr uruta kalltasinjja janiwa utanacaman levadurajj utjañapäquiti. Ucampis qhititejja aca pakallko uruna levaduran t'ant'a mank'ani ucajja Israel marcajjatjja apanucutäniwa.

Éxodo 12:17

Jumanacasti jan levaduran t'ant'a mank'añ fiestjja amtasipjjapunïtawa, uca uruwa nayajj jumanacarojj Egipto marcat irpsunipjjsma. Uca laycuwa jumanacasa, wawanacaman wawanacapasa aca camachi amtapjjañama.

Éxodo 12:19

Utanacamansti aca pakallko urunjja janiwa levadurajj utjañapäquiti. Ucampis qhititejj levaduran t'ant'a mank'ani ucajja Israel marcatjja apanucutäniwa, jaya marcanquirïscpasa jan ucajj israelitäscpasa.

Éxodo 12:2

“Aca phajjsisti jumanacataquejj mä suma jach'a phajjsïniwa, uqhamarac mara kallta phajjsiraquïniwa.

Éxodo 12:41

Uca pusi pataca quimsa tuncani marajj phokhasqui uca uruwa Tatitun take ejercitopajj Egipto marcat mistsuwayjjapjjäna.

Éxodo 12:42

Uca arumasti Tatitojj uñch'uquiscänwa Egipto oraketa apsjjañataqui. Uca arumasti Tatitutaqui satawa, ucatwa uca arumanjja israelitanacasa, uqhamarac wawanacapan wawanacapasa suyapjjaraquejja.

Éxodo 12:8

Uca arumasti mank'apjjätawa uca aychjja ninaru cancata, jan levaduran t'ant'ampi, uqhamarac jajjo ch'ojjña alinacampi uqhama.

Éxodo 13:14

Ucampisa khepärmanthitejj wawanacamajj jisct'apjjätam: ‘¿Cunatsa aqham lurapjjta?’ sasa, ucqhajja sapjjätawa: ‘Tatituw ch'amapampi Egipto marcana t'akhesis jacañatjja apsunipjjetu.

Éxodo 13:9

‘Jumanacasti amparanacamaru, uqhamarac para patanacamaruw mä unancha apapjjäta, ucawa amtayapjjätam Tatitun camachipat parlapjjañamataqui, jupawa jach'a ch'amapampi Egipto marcatjja apsunipjjtamjja.

Éxodo 20:2

“Nayätwa juman Tatitu Diosamajja, nayaw Egiptotjja apsunsma cawqhantejj sirviñampi t'akhesiscayäta ucqhatjja.

Éxodo 20:8

“Amtasïtaw samarañ urutjja, uca urojj Diosaru jach'añchañataqui,

Éxodo 23:15

Lurätawa jan levaduran t'ant'a mank'añ fiesta, ucsti lurätawa cunjämtejj nayajj siscsma uqhamarjama. Aca fiesta lurasinsti pakallko uruwa jan levaduran t'ant'jja mank'äta. Uqhamsti lurätawa Abib sat phajjsina, uca phajjsinwa Egiptota mistuntajja. Ucampis aca fiestanjja janiw qhitisa jan cunsa apanisajj uqhamaqui nayar uñstirejj jutañapäquiti.

Éxodo 3:20

Uca laycusti, nayajj ch'amajja uñacht'ayasawa Egipto marcarojj azot'ëjja cunayman jach'a muspharcañanacwa jupampi luräjja, ucatwa antutapjjätam sarjjapjjañanacamataqui.

Éxodo 34:18

“Jumanacasti lurapjjätawa jan levaduran t'ant'a mank'añ fiesta, cunjämtejj sapcsma uqhamarjama, pakallko uruwa jan levaduran t'ant'a mank'apjjäta. Abib sat phajjsina, jumanacajja uca Abib sat phajjsinwa Egiptota mistunipjjtajja.

Éxodo 6:1

Ucat Tatitusti Moisesarojj saraquïnwa: —Jichhaw uñjätajja cuntejj faraonampi lurcä ucjja. Cunapachatejj nayajj ch'amajja uñacht'aycä ucqhaquiw, marcapat sarjjapjjañamataqui antutapjjätamjja. Ucampis janiw sariricti antutapcätamjja, jan ucasti jupa pachpawa marcapat sarjjapjjam sapjjätamjja.

Éxodo 6:6

Jichhasti saram, israelitanacarojj aqham sätawa: ‘Naya Tatituwa khespiyapjjäma t'akhesis sirviñata, uqhamarac egipcionacajj sinti ch'ama irnakañanaca churapctam ucatsa, jach'a ch'amajja uñacht'ayasa, uqhamarac cheka asqui cancañajjampi.

Éxodo 6:7

Jumanacarusti nayan marcajjwa tucuyapjjäma, ucatsti nayawa jumanacan Diosamäyäjja. Uqhamatwa jumanacajj yatipjjäta nayajj jumanacan Tatitu Diosamätajja, uqhamat nayajj egipcionacan wali ch'ama lurañanacampi t'akhesiyapctam ucanacata khespiyätajja.

Éxodo 7:4

Faraonasti jumanacarojj janiw ist'añ munapcätamti, ucampis nayawa Egiptjjarojj ch'amajj uñacht'ayäjja, ucatsti jach'a muspharcañ cheka luräwinaca uñacht'ayasaraqui, nayaw Israel ejército marcajjaru Egiptot apsuniraquëjja.

Jeremías 34:13

“Naya Israelan Diosapaw, nayra awquinacamaru Egipto marcat apsuncta ucapachajj mä arust'äwi lurayäta, jupanacajj esclavöpcäna ucapacha.

Daniel (hebreo) 9:15

“Nanacan Diosajja, jumaw jach'a ch'amam uñacht'ayapjjesta, marcamaru Egiptot apsusajja, uqhamat juman jach'a sutimjja uca urunacatpachwa wali jach'aru tucuyaractajja, jichhürcama; ucampisa nanacajj juchanacaqui lurasipctjja, jan walinacaqui lurasipcaractjja.

Mateo 10:12

Utar mantcasinjja suma arumpi aruntapjjam.

Lucas 22:19

Ucatsti, t'ant'a irtasin Diosar yuspagari; pachjasinsti jupanacaruw churi, ucat saraqui: —Acajj janchejjawa, ucasti jumanac laycu catuyatäniwa. Acjja nayat amtasisin lurapjjam.

1 Corintios 11:24

yuspagarasinsti, pachjänwa, ucat säna: “Mank'apjjam, acajj janchejjawa jumanac laycuraquiw t'unjata. Acsti nayat amtasis lurapjjam” sasa.

1 Corintios 5:8

Uqhamajj jilatanaca, Pascua fiestasjja k'oma chuymampi chekpachanrac fiestachañäni, jan levaduran t'ant'äcaspas uqhama. Janiw jucha lurañanacampi fiestachañasäquiti, ucajj nayra merk'e levaduräcaspas uqhamawa.

Efesios 1:19

uqhamaraqui cunja jach'asa jan tucusquiriraquisa ch'amapajja, cawquïritejj lurqui jiwas iyawsirinacjjana. Aca muspharcañ ch'ama Diosajj uñacht'aycäna,

Deuteronomio 13:10

Kalampi c'upjam jiwayañcama, jumar Tatitu Diosamata armasiyaña munatap laycu, cawquïri Diosatejj Egipto marcat irpsuntam, cawqhantï esclavot sarnakascäyäta ucata.

Deuteronomio 13:11

Uqhamatwa take Israel marcajj yatipjjani uqhamarac ajjsarapjjanisa mayampi uqham jucha lurañjja.

Deuteronomio 13:5

Uca visionanac uñjir profetasti jiwayatäniwa jumanacaru Tatitu Diosam contra sartasina amtayatap laycu, cawquïri Diosatejj jumanacaru Egipto marcat esclavo sarnakañat khespiyanipjjtam, ucatsti Tatitu Diosaman thaquipat jithektayañ munatapata. Uqhamatwa saphitpacha jiq'inucupjjäta jumanac taypitjja take jan wali luräwinacjja.

Deuteronomio 13:6

“Jan ucajj pachpa jilamasa, yokall wawamasa, imill wawamasa, uca munat warmimasa, uqhamaraqui uca wali munat amigomasa, jan qhitin ist'caya yakha diosanacar yupaychañ amtayätamjja, cawquïri Diosarutejj jan uñt'apcta ni jumasa ni wawanacamasa,

Deuteronomio 15:15

Janirac Egipto marcan esclavo sarnakatamjja armasimti, ucatsti Tatitu Diosamaw khespiyaniractam. Ucatwa jichhajj jumaru aca ewjjanaca chursma.

Deuteronomio 16:1

“Cunapachatejj Abib sat phajjsejj purinini ucqhajj, jumanacajj Pascua fiesta lurapjjäta Tatitu Diosamar jach'añchasa; Tatitu Diosamajj uca phajjsinwa mä aruma Egipto marcat irpsuntam uca laycu.

Deuteronomio 16:12

Amtasipjjaraquim jumanacas Egipto marcanjja esclavöpjjaraquïyätawa, ucatsti take aca leyinacapjja phokhapjjamaya.

Deuteronomio 16:3

“Cawquïri uywtejj loktapcäta ucjja jan levaduran t'ant'ampwa mank'apjjäta, cawquïritejj t'akhesiñ t'ant'äqui uca, Egipto marcat wali janc'aqui mistunipjjatam laycu. Uqhamwa jumanacajj jaccasina Egipto marcat mistunipjjatam amtasipjjäta.

Deuteronomio 24:18

Jan armasipjjamti jumanacan Egipto marcan esclavöpjjatama, ucatsti Tatitu Diosamaw uca chekatjja khespiyanipjjtam, ucatwa ewjjapjjsma take ucanac phokhañanacamataqui.

Deuteronomio 24:22

Amtasipjjam jumanacas Egipto marcanjja esclavöpjjäyätawa, ucatwa ewjjapjjsma take ucanac phokhañanacamataqui.

Deuteronomio 26:8

Ucatsti Diosajj jach'a ch'amapwa uñacht'ayäna uqhamaraqui jach'a unanchanacampi, ajjsarcañ luräwinacampiw Egipto marcatjja irpsunipjjetu,

Deuteronomio 4:34

¿Utjaracpachati mä diosasa marcaparu ajlliri yakha marcanac taypita, wali yant'anacampi, unanchanacampi, milagronacampi, guerranacampi, ucatsti wali ch'aman amparampi catuntasaraqui, uqhamaraqui wali ajjsarcaña luräwinac lurasaraqui, cunjämatï Tatitu Diosajj jumanacataqui lurqui Egipto marcan uqhama?

Deuteronomio 5:15

Amtasiraquim Egipto marcan esclavot sarnakatama, ucatsti Tatitu Diosamaw apsuntam jach'a ch'amapampi, ucatwa Diosamajj amtaytam jumaru uca urun samarañamataqui.

Deuteronomio 5:6

‘Nayätwa juman Tatitu Diosamajja, nayaraquiw Egipto marcatsa irpsuniracsma, cawqhantejj esclavot sirviscäyät ucana.

Deuteronomio 6:12

Take ucanac pasjjani ucqhajj janipun jumanacajj Tatitu Diosat armasipjjamti, qhititï Egipto marcat irpsunipjjtam, cawqhantï esclavot sarnakascayäta ucata.

Deuteronomio 6:21

Jumanacasti jupanacarojj sapjjätawa: ‘Jiwasasti faraón reyin esclavopäyätanwa, Egipto marcanjja, ucatsti Diosaw irpsunipjjestu wali ch'amapampi.

Deuteronomio 7:8

Tatitu Diosasti Egipto marcatwa irpsunipjjtam, cawqhantï esclavot sarnakasipcäyäta, ucatsti jach'a ch'amapampiw khespiyanipjjtam faraón reyin apnakäwipata, jumanacaru take chuymapampi munasaraqui, cuntï awquinacamaru arupampi arsuwaycän ucanac phokhasa.

Deuteronomio 8:14

ucatsti jan jumanacajj jach'a jach'a tucupjjamti ni Tatitu Diosamatsa armasipjjamti, cawquïri Diosatï Egipto marcat irpsunipjjtam, cawqhantï esclavot sarnakasipcäyät ucata.

Deuteronomio 9:12

ucatsti sitänwa: ‘Janc'aqui aca chekat sarakawayam, cawquïri marctï Egipto marcat irpsuncta ucanacajj juchanwa jicjjatasi, janc'aquiw jupanacajj uca ewjja arunacajj phokhañjja apanucupjje, ucatsti mä diosa metalat lurasipjje’ sasa.

Josué 24:17

Diosaw jiwasaru Egipto marcat cawqhantï jiwasajj esclavot sarnakcäyätan, ucat irpsunistu. Juparaquiw wali jach'a muspharcañanac luri, uqhamaraqui thaquinsa take jan walt'añanacat imaraquistu, arjjataraquistu walja marcanac pasantan ucanacatsa.

Jueces 2:12

Israelitanacasti Diosatjja armasjjapjjänwa. Cawquïr nayra awquinacapan Diosapatejj Egipto marcat jupanacaru irpsuncäna ucarojja. Jupanacasti uca jac'an jaquir jakenacan diosanacaparu yupaychañaruw catuyasipjjäna, uqhama jan walinaca lurasinwa Diosarojj colerayapjjäna.

Jueces 6:8

Diosasti mä profeta qhithäna, ucatsti sänwa: “Israelan Dios Tatitupajj aqham siwa: ‘Nayawa jumanacarojj Egipto marcata irpsunipjjsma, cawqhantejj t'akhesisa sirvisina jacapcäyäta ucatjja.