Éxodo 12:23 - Qullan Arunaca

²³ Tatitusti egipcionacaru jiwarayir jutasinsti, uta puncuna wila uñjasinjja pasawayaquiniwa uca utjja, uqhamatwa Tatitojj jani jiwjja utanacamaru mantayancaniti jiwayañataquejja.

Aymar Bibliia 1986

²³ Tatitusti egipcionacaru jiwarayir jutasinsti, uta puncuna wila uñjasinjja pasawayaquiniwa uca utjja, uqhamatwa Tatitojj jani jiwjja utanacamaru mantayancaniti jiwayañataquejja.

Qullan Arunaka DC

²³ Tatitux egipcionakar jiwarayir sarakipkani ukapachasti, uta punkun wila uñjasinxa, uka uta sarakipawayxakiniwa, Tatitux janiw jumanakat maynin jiwañapsa munkaniti.

Éxodo 12:23 Jak'a apnaqawi uñst'ayäwi

2 Samuel 24:16

Cunapachatejj angelajj Jerusalén marcaru niya t'unjañampïscän ucapachasti, Tatitojj chuymapan amtaraquïnwa uca jach'a jan wali luratapa, ucatwa angelarojj saraquïna: “¡Ucqhacamaqui, jan juc'ampi lurcjjamti!” sasa. Ucapachasti Tatitun angelapajj cawqhantejj jebuseo Arauna jakejj trigo jawk'cäna ucqhanwa jicjjatasiraquïna.

Job 14:13

Walïspawa nayaru jiwañan munañaparu imantjjañamajja colerasiñaman pasañapcama, ¡ucatsti nayat amtasiñamataquejja mä uru amtasiraquisma!

Éxodo 11:4

Moisesajj faraonarojj sänwa: —Tatitojj aqham siwa: ‘Jichha chica arumaw nayajj take Egipto marcanjama pasawayäjja.

Éxodo 12:7

Uca uywa wilampisti cawqha utantejj mank'apcäta uca uta puncu amstaru, uqhamarac paypacha marconacaruw jawsupjjäta.

Isaías 26:20

Nayan marcajja, sartasim, ucatsti utamar mantam, ucatsti puncum jist'catasinim, imantasiraquim, Tatitun colerasiñapajj pasañapcama.

Isaías 37:36

Uca arumasti Tatitun angelapajj sarasin pataca quimsakallk tunca pheskani waranka jakenacwa asirionacan campamentopanjja jiwarayäna, khantatirusti takeniw jiwarat uñjasipjjaraquïna.

Ezequiel 9:4

Juparojj saraquiwa: “Jerusalén marca muytam, cawquïrinacatejj aca marcan jan wali luräwinacap laycu wali llact'atäsipqui ucanacaru mä chimpu paranacaparu uscuraquim” sasa.

1 Corintios 10:10

Janiraqui jumanacajj jupanacjam Dios contrajj parlapjjamti. Uqham lurapjjatapatsti jupanacarojj jiwayir angelaw jiwarayäna.

Hebreos 11:28

Iyawsäwi laycuraquiw Moisesajj Pascua luräna, ucat uta puncunacaru wilamp ch'allsuyaraquïna, jiwayir angelan jan cawquïr israelitanacan tayna wawanacaparus jiwarayañapataqui.

Hebreos 12:24

Uqhamarac Jesusarusa, jupawa machak arust'äwin arjjatiripajja, jupan k'omanchir wilapaw juc'amp suma parljjayistu Abel chachan wilapat sipansa.

Apocalipsis 7:3

aqham sasa: “¡Jan cuna ñankhsa lurapjjamti aca orakeru, ni kotarusa, ni kokanacarusa, janïr Tatit Diosan sirvirinacaparu paranacapat sellonacampi chimpt'casina!” sasa.

Apocalipsis 9:4

Uca t'ijut'ijunacasti janiraquiw cuna ch'ojjñanacarusa, ni kokanacarusa jan wali lurapjjañapäcänti, jan ucasti qhitinacatï Tatitun sellopampi paranacapan jan chimpt'atäpqui uca jakenacar t'akhesiyañataqui qhitanitäpjjänwa.