Éxodo 12:21 - Qullan Arunaca

²¹ Moisesasti, jilïri israelitanac jawsayanisasti sänwa: “Jumanacasti familianacamampejja mä orko oveja jan ucajj mä cabritsa qharsusina pascua fiesta lurapjjam.

Aymar Bibliia 1986

²¹ Moisesasti, jilïri israelitanac jawsayanisasti sänwa: “Jumanacasti familianacamampejja mä orko oveja jan ucajj mä cabritsa qharsusina pascua fiesta lurapjjam.

Qullan Arunaka DC

²¹ Moisesasti, israelitanakan taqpach jilïrinakaparuw jawsayanïna, jupanakarusti sänwa: “Utamankirinakatak mä urqu oveja, jan ukax mä cabrito katupxam, uka uywarusti Pascua uruyañatakiw jiwayapxäta.

Éxodo 12:21 Jak'a apnaqawi uñst'ayäwi

2 Reyes 23:21

Reyisti take marcaruwa yatiyäna Pascua fiesta lurapjjañapataqui Tatit Diosapar jach'achañataqui, cunjämatï sumar mantäwi libron kellkatänacäna uqhamaru.

Esdras 6:20

Sacerdotenacasa, levitanacasa k'omachasipjjänwa, takenisa leyirjamajja k'omäpjjänwa. Ucjjarojja take qhitinacatejj jayar apayatäpcäna ucanac laycojja Pascuana sacrificionacwa loktapjjäna, sacerdote masinacapana, uqhamarac jupanac pachparaqui.

Éxodo 12:11

Aqhamaw mank'apjjät; isinacamampi isthapita, cayunacamarusa wisqhumpi wisqhuntata, uqhamarac amparanacamarus thujru ayt'ataraqui. Jumanacasti mäquiw mank'antapjjäta Tatitojj uca pascua fiestan jilïri wawanacar jan jiwarayatap laycu.

Éxodo 12:20

Janipuniwa cunsa levaduranjja mank'apjjätati, jan ucasti utanacamanjja jan levaduran t'ant'acwa mank'asipjjäta.’ ”

Éxodo 12:3

Ucat take israelitanacarojj sapjjaraquim: “Aca phajjsina tunca uru sarakatarusti sapakat familiawa mä orko oveja, jan ucajj mä cabrito waquichapjjäta, sapa utan maya.

Éxodo 17:5

Ucat Tatitojj Moisesarojj saraquïnwa: —Jumasti israelit jakenac nayrakatar pasam, Israelanquir jilïr jakenacampi compañt'ata, uqhamarac jawiraru jisctcayätajj uca jach'a thujrum ayjjarusiwayasin sarantam.

Éxodo 19:7

Ucat Moisesasti jutasinjja Israel marcanquir jilïrinac jawsasinjja ucanacaruw yatiyäna cuntejj Tatitojj siscäna ucjja.

Éxodo 3:16

Jichhasti jumajj saram, ucatsti israelitanacan jilïrinacap tantachthapisin sätawa: ‘Abraham, Isaac, Jacob uca nayra awquinacaman Tatitu Diosapaw nayarojj uñstasina aqham situ: ‘Nayajj jumanacarojj ist'apjjsmawa uqhamarac uñjaractwa cunjämtejj Egipton jumanacarojj lurapctam ucanacsa.

Números 11:16

Ucampis Tatitojj juparojj sänwa: —Tantacham pakallk tunca israelitanacan jilïriparu, cawquïrinacatejj marcar apnakerjamäqui ucanacaru, ucatsti irpanim Tatitumpi Jiquisiñ Carparu, ucan suyapjjpan jumamp chica.

1 Corintios 10:4

takeniraquiw pachpa ajay uma umapjjäna. Jupanacasti karkat jalsuri umat umapjjänjja, uca karkaw jupanacampi chicäscäna. Uca karkasti Cristo Tatitünwa.

Hebreos 11:28

Iyawsäwi laycuraquiw Moisesajj Pascua luräna, ucat uta puncunacaru wilamp ch'allsuyaraquïna, jiwayir angelan jan cawquïr israelitanacan tayna wawanacaparus jiwarayañapataqui.

Josué 5:10

Israelitanacajj Gilgal sat chekaruw puripjjäna, ucatsti phajjsit tunca pusini urunac sarakataruw jupanacajj Pascua fiesta amtapjjäna, Jericó marca thiyana.