Éxodo 1:21 - Qullan Arunaca

²¹ Parteranacajja Diosar ajjsarapjjatanacap laycusti, Diosajj jupanacarojj qhuyapt'ayänwa, uqhamarac wawanacsa churaraquïnwa.

Aymar Bibliia 1986

²¹ Parteranacajja Diosar ajjsarapjjatanacap laycusti, Diosajj jupanacarojj qhuyapt'ayänwa, uqhamarac wawanacsa churaraquïnwa.

Éxodo 1:21 Jak'a apnaqawi uñst'ayäwi

1 Reyes 11:38

Jumatejj ist'itäta take cuntejj luram siscäma ucanaca, uqhamarac luratanacamas nayan nayrakatajjana chekapäni, ucatsti phokharaquïta leyinacajjsa, camachi arunacajjsa, cunjämatï David sirvirejjajj lurquejja uqhama, nayajja jumampïyäwa, uqhamaraqui familiamsa ch'aman sayt'ayäjja, cunjämatï Davidaru lurcta uqhama; ucatsti Israeljja jumaruwa catuyäma.

1 Reyes 2:24

Nayajj Tatit laycuw juramento lurta, David awquejjana tronoparojja jupawa uchitu, uqhamarac utt'ayaraquitu, mä uta tucuyaraquitu cunjämatï sisquitäna uqhama, Adoniasasti jichhürpachawa jiwani” sasa.

Salmos 112:1

¡Tatitojj jach'añchatäpan! Tatitur ajjsartir jakejj cusisiñaniwa, arsutanacapar munasir jakejj cusisiñaniwa.

Salmos 127:1

Tatitutejj jan utachcaspajja, inamayaquiw utachirinacajj ch'am tucusipcaspa; Tatitutejj marcar jan imcaspajja, inamayaquiw marc uñjirinacajj uñch'uquisipcaspa.

Salmos 127:3

Yurirapquistu uca wawanacajj, Tatitun asqui churäwinacapawa.

Salmos 37:3

Tatiturojj take chuymamp alcatam, asc luraraquim, oraken jacasim, chekaparac jacam;

Éxodo 1:17

Ucampis parteranacajja Diosar ajjsarapjjatanacap laycusti janiw lurapcänti cuntejj Egiptonquir reyejj arscäna uqhamarojja, jan ucasti take yokall wawanacaruw jacayapjjäna.

Proverbios 24:3

Yatiñ cancañampiwa utajj lurata, cimientonacapasa ch'iqhi cancañampiwa uchantataraqui.

Eclesiastés 8:12

Uqhamasti jucharar jakejj walja cuti juchanaca lurcasasa, walja maranacawa jacascaraqui. (Nayajj yatiraquïyätwa, qhitinacatejj Diosar jach'añchapqui, uqhamarac ajjsarapqui ucanacajj sumaqui jacasipjjatapa.

Jeremías 35:2

“Recabita jakenacan ucaru saram ucatsti jupanacampi parlaraquim. Templon utjquis ucanacat mä utaru irpantaraquim take jupanacaru, ucansti vino umarayaraquim” sasa.

1 Samuel 2:35

Ucatsti nayajj mä suma sacerdote, chekapar uñjiri, uqhamarac nayan munañajj phokheri uscuraquï, ucan wawanacaparusti wiñayataquiw churaraquï, cawquïri reytejj nayajj ajllcä ucar sirviri tucuyaraquëjja.

1 Samuel 25:28

Ucatsti jumajj naya sirvirimarojj perdont'asiraquita. Chekpachansa Tatituw jumana, uqhamarac wawanacaman reyïñapsa jan tucusiycaniti, jumajj Tatitutaqui ch'ama tucutam laycu. Take jacaña urunacamansti janiraquiw cuna jan walt'añas jumjjarojj jutcaniti.