Esdras 8:15 - Qullan Arunaca

¹⁵ Naya Esdrasaw take jupanacar tantachta Ahava jawiraru jicjjatqui uca jawira lacjjana, ucansti quimsa uruwa utjnoktapjjta. Ucansti jakenaca, uqhamarac sacerdotenaca taypina thaktasinjja janiw mayni levita chacharusa jicjjatcti.

Aymar Bibliia 1986

¹⁵ Naya Esdrasaw take jupanacar tantachta Ahava jawiraru jicjjatqui uca jawira lacjjana, ucansti quimsa uruwa utjnoktapjjta. Ucansti jakenaca, uqhamarac sacerdotenaca taypina thaktasinjja janiw mayni levita chacharusa jicjjatcti.

Qullan Arunaka DC

¹⁵ Naya Esdrasax Ahavá jawirar jikxatki uka jawir lakxan taqi jupanakar tantachthapta, ukawjan kimsa uruw utjnuqtapxarakta. Ukatsti, jaqinakampiru, sacerdotenakampir sutipatkam jawskäyäta ukkhasti, ukanak taypin janiw mayni levitarus jikxatkti.

Esdras 8:15 Jak'a apnaqawi uñst'ayäwi

Esdras 7:24

Yatipjjañamaraquiwa, janiw waquisquiti cuna impuestonaca churäwinacasa mayipjjañamajja take sacerdotenacaru, levitanacaru, k'ochurinacaru, puncu uñjirinacaru, templona sirvirinacaru, jan ucajj cawquïrisa Diosan templopana sirvchi ucarusa.

Esdras 7:28

uqhamarac qhuyapayasiñapsa nayar uñacht'ayitu reyin nayrakatapana, amuyt'ayirinacapan nayrakatapana, uqhamarac palacion wali aytat jakenac nayrakatansa, uqhamarac nayarus ch'amañchitu, jupan yanapapampisti wali aytat israelita jakenacwa tantachta nayampi chica cutt'anipjjañapataqui” sasa.

Esdras 7:7

Uqhamataracwa Esdras chachajj cutt'anïna Babilonia marcata Jerusalén marcaru mä tama israelitanacampi, uca tamansti utjänwa sacerdotenaca, levitanaca, k'ochurinaca, puncu uñjirinaca, uqhamarac templona sirvirinacasa, ucasti lurasïnwa Artajerjes reyejj pakallk mara apnakcäna ucqha.

Esdras 8:14

Utai, uqhamarac Zabud uca chachanacajja, Bigvai familiata jutirïpjjänwa, jupanacamp chicasti pakallk tunca chachanacaw jutapjjaraquïna.

Esdras 8:16

Ucatjja qhittwa acanacaru: Eliezer, Ariel, Semaías, Elnatán, Jarib, Elnatán, Natán, Zacarías, uqhamarac Mesulam ucanacaru, jupanacasti wali aytat chachanacäpjjänwa; uqhamaraquiw qhitaracta Joiarib, uqhamarac Elnatán uca yatichirinacaru.

Esdras 8:2

Gersón ucasti Finees familiata jutirïnwa; Daniel ucasti Itamar familiata jutirïnwa; Secanías chachan Hatús yokapasti David familiata jutirïnwa. Zacarías ucasti Paros familiata jutirïnwa, jupampi chicasti pataca pheska tuncani chachanacan sutinacapampi kellkatänwa.

Esdras 8:21

Ucatsti takeruw yatiyta Ahava sat jawira jac'ana ayunañataqui, uqhamata Diosan nayrakatapana juchanacajja uñt'asiñanacajjataqui, uqhamarac mayiñataqui sumaqui nanacar sarayañapataqui, familianacajjaru, uqhamarac yänacajjarusa.

Esdras 8:31

Kallta phajjsina tunca payan uru sarakataruwa Ahava sat jawiratjja sartanjjapjjta Jerusalén marca tokeru. Diosasasti yanapapjjetuwa thaquina uñisirinacata, lunthatanacatsa imasa.

Salmos 137:1

Babilonia jawir lacanacan kont'ataw Sión marcat amtasisajj jachapjjäyätan.

Ezequiel 1:1

Naya, sacerdote Ezequiel, Buzi sat jaken yokapa, mä uruw nayajj Quebar sisqui uca jawira thiyan sayt'ata, ucancascäyäta, Babilonia orakena, cawquïrinacatejj uca jaya marcaru preso apatäpcäna ucanacampi chica. Uqhamäquiriruw alajjpachajj jist'artäna ucatsti Diosarojj tronopjjan kont'ata uñjaracta. Uca urojj pheska uru sarakatänwa pusïri phajjsita, quimsa tunca mararaquïnwa Joaquín reyejj preso apatäcän ucatjja niya pheska mararaquejjänwa. Tatitusti nayjjaruw amparapjja lokjjatitu.

Ezequiel 3:15

Ucatsti Tel Abib sisqui uca chekaruw puriracta, Quebar sat jawira thiyaru, cawqhantejj jaya marcaru apanucuta israelitanacajj jacapcäna uca chekaru, ucansti jupanacampi chicaraquiw ucanjja pakallko urunaca kamararacta, jan cunsa lurasa jan cunsa sasaraqui.

Hechos 16:13

Mä samarañ urunjja, marca ankäjjaruw mistupjjta mä jawir lacaru, cawqharutejj oración lurir sarañäqui ucqharu. Ucan kont'asisinsti, nanacajj Tatitun arunacap parlapjjta ucawjan tantacht'at warminacaru.