Esdras 7:6 - Qullan Arunaca

⁶ Esdras chachasti suma yatichirïnwa, Israelan Dios Tatitun leyipsa suma yatiraquïna, cuntï Diosajj Moisés toke churcäna ucanaca, ucatsti Esdras chacharojja Tatituw yanapascäna, uqhamatwa Artajerjes reyejj churäna take cuntï jupajj maycäna ucanaca.

Aymar Bibliia 1986

⁶ Esdras chachasti suma yatichirïnwa, Israelan Dios Tatitun leyipsa suma yatiraquïna, cuntï Diosajj Moisés toke churcäna ucanaca, ucatsti Esdras chacharojja Tatituw yanapascäna, uqhamatwa Artajerjes reyejj churäna take cuntï jupajj maycäna ucanaca.

Qullan Arunaka DC

⁶ Esdrasax mä sacerdotënwa, Diosax Moisés tuqi kamachinakap churkatayna ukanak sum uñt'ir yatichirirakïnwa; uka kamachinak yatxatapunïnwa, ukarus jaysarakïnwa, ukatsti judionakaruw yatichäna. Tatituw Esdrasarux yanapaskäna, kunanaktix jupax maykäna ukanak Artajerjes reyix churäna. Ukhamat Esdrasax Babilonia markat

Esdras 7:6 Jak'a apnaqawi uñst'ayäwi

Génesis 32:28

Uqhamasti jakejj sänwa: —Janiw jichhajj Jacob satäjjätati. Sutimajj Israel satäjjaniwa, Diosampiw ch'ajjwtajja, uqhamarac jakenacampisa, ucatsti atipjtawa uca laycu —sasa.

Esdras 5:5

Ucampis uca sarayir judionacarojja Diosaw imascäna, uqhamasti janiw lurañanacapjja jarc'apcänti, Darío reyiru yatiyäwinaca apayapcäna, uqhamat jupan arupa catokañcamajja.

Esdras 6:22

Jan levaduran t'ant'a mank'añ fiestjja, pakallk uruwa fiesta lurapjjäna, jupanacarusti Tatituw cusisiñampi phokt'atayna Persia marcanquiri reyin asqui luratapata, uqhamarac Israelanquir Diosan templopa wasitat lurañana yanapatap laycu.

Esdras 7:21

Naya Artajerjes reyisti arstwa Eufrates jawirata inti jalanta tokenquir kollke caturinacarojja jan armasisa churapjjañapataqui cuntï maycani ucanaca Esdras sacerdoteru, qhititejj alajjpachanquir Diosan leyiparu suma yatichata yatichirïcaraqui.

Esdras 7:28

uqhamarac qhuyapayasiñapsa nayar uñacht'ayitu reyin nayrakatapana, amuyt'ayirinacapan nayrakatapana, uqhamarac palacion wali aytat jakenac nayrakatansa, uqhamarac nayarus ch'amañchitu, jupan yanapapampisti wali aytat israelita jakenacwa tantachta nayampi chica cutt'anipjjañapataqui” sasa.

Esdras 7:5

Abisúa, Finees, Eleazar, uqhamarac Aarón kallta sacerdotetaraqui.

Esdras 8:1

Acaw familianacana jilïrinacapana sutinacapajja, sapa mayni jupanacan kellkatäqui uqhamaru, qhitinacatejj Artajerjes reyejj apnakcäna ucqhajja Esdras ucampi Babiloniata cutt'anipcäna ucanacajja.

Esdras 8:18

Diosarusti yuspagaratäpan, jiwasataquejj irpanirapistuwa Serebías suma yatiñani chacharu, jupasti Mahli sat mä levita familiata jutirïnwa, wawanacapampi, jilanacapampiraqui; takpachanisti tunca quimsakallkonïpjjänwa.

Esdras 8:22

Nayasti p'enkasïyätwa reyita caballería soldadonaca mayiña nanacar thaquin uñisirinacata imañapataqui, nanacajj reyirojj sapjjäyätwa: “Diosajj imiwa take qhitinacatejj jupar thakapqui ucanacarojja, ucampisa qhitinacatejj juparu apanucupqui ucanacarusti Diosan ch'amapasa, colerapasa jupanac contrawa” sasa.

Esdras 8:31

Kallta phajjsina tunca payan uru sarakataruwa Ahava sat jawiratjja sartanjjapjjta Jerusalén marca tokeru. Diosasasti yanapapjjetuwa thaquina uñisirinacata, lunthatanacatsa imasa.

Nehemías 12:26

Take acanacawa jacapjjäna Joiacim chachan urunacapana, jupasti Josué chachan yokapänwa, Josadac chachan allchhiparaqui, Nehemías gobernadoran urunacapana, Esdras sacerdote, yatichirina urunacapanaraqui.

Nehemías 12:36

uqhamarac familianacapa Semaías, Azarael, Milalai, Gilalai, Maai, Natanael, Judá uqhamarac Hanani ucaraqui, jupanacasti Davidan instrumentonacapwa tocapjjäna, Davidasti Diosanquir chachänwa. Jupanacan nayrakatapanjja yatichiri Esdras sataw sararaquïna.

Nehemías 2:12

arumaw sartasta mä kawkha chachanacampi sarañataqui, ucampisa janiw qhitirusa cunsa camscti cuntï Diosajj Jerusalenataqui luraña amuyt'ayquitäna ucjja. Nayajj janiw yakha uywa irpcäyätti, jan ucasti cawquïri uywarutejj lat'jjatata sarcäyäta ucacwa irpasïyäta.

Nehemías 2:18

Uqhamasti cunapachatï nayajj yatiyta, cunjamtï Diosajj qhuyapayasiñapampi nayar yanapitu, uqhamarac reyejj cuna arunactejj sisquitäna ucanacatjja, jupanacajj sapjjänwa: —¡Kalltapjjañäni wastata perka sayt'ayaña! —sasa. Uqhamaraqui maynis maynicamawa wali suma ch'amañchasipjjäna.

Nehemías 2:8

yakha carta kellkt'atsti churaraquita reyin ch'umipa uñjiri Asaf sat chachataqui, nayaru madera churañapataqui templona nayräjja perka puncunacapa wastat lurañataqui, uqhamarac marcan perkapataquisa, uqhamaraqui nayajj jacascä uca utataquisa —sasa. Reyisti take mayitajjaruwa churitu, Diosan qhuyapayasiñapajj nayampïtap laycu.

Nehemías 4:15

Cunapachatï uñisirinacajjajja yatipjjäna nanacan waquichasitanacajja, uqhamarac Diosas jupanacan amtäwinacapa mayjt'ayatapatjja take mayniw cuttjjapjjta perka luriri, lurañanacapawjarcama.

Nehemías 8:1

Pakallko phajjsïri purinjjäna ucqhajja, israelita jakenacajja lugaranacaparojja suma utjantatäjjapjjänwa. Ucatsti take jakenacawa plazana mayaqui tantacht'asipjjäna, Uma puncu satäqui uca nayräjjana, ucatjja yatichiri Esdrasarojja sapjjänwa: —Tatitojj Israel marcaru Moisesan leyipa churcäna uca libro aptanim —sasa.

Nehemías 8:13

Uca khepürusti tantacht'asipjjänwa yatichiri Esdrasampejja, familianacana jilïrinacapampi, sacerdotenacampi, uqhamarac levita chachanacampiraqui, Diosan leyipa sum yatjjatañataqui.

Nehemías 8:4

Yatichiri Esdrasasti maderata lurata plataforma patana sayt'atänwa, uca plataformasti uca amtäwimpi luratänwa. Uqhamaraquiw Esdrasan cupëjjapan sayt'atäpjjaraquïna: Matatías, Sema, Anías, Urías, Hilcías, uqhamarac Maasías ucanacasa. Ch'ekäjjapansti sayt'atäpjjaraquïnwa: Pedaías, Misael, Malquías, Hasum, Hasbadana, Zacarías, uqhamarac Mesulam ucacana.

Nehemías 8:9

Ucatsti Diosan leyipa ist'asinjja take jakenacajj jachapjjänwa. Gobernador Nehemías, yatichiri sacerdote Esdras, uqhamarac jakenacaru Diosan leyipa khanañchiri levita chachanacasa, jupanacajj takeniruwa sapjjäna: “Jan llaquisipjjamti, ni jachapjjaraquimsa, aca urojj Tatit Diosasar loktatätap laycu” sasa.

Nehemías 9:13

“Ucatjja Sinaí kolluruwa sarakaniractajja, uqhamarac jupanacampiraquiwa alajjpachatpacha parlaniractajja; jupanacarusti churtawa suma asqui arsüwinaca, cheka yatichäwinaca, uqhamarac leyinaca, suma camachi arunacampi.

Salmos 109:27

Tatay, jupanacajj yatipjjpan, amparamamp take acanac luratama.

Salmos 147:19

Tatituw Jacoborojj arunacap yatiyi, Israel marcarusti leyinacapamp arsutanacapamp churaraqui.

Salmos 45:1

Mojjsa arunacaw chuymajjan phullch'irasqui, mä reyitaquiw k'ochurapiscta: lajjrajjajj kellkerin suma kellkañapjamawa.

Salmos 80:18

nanacasti janipuniw mayampis jumat sarakapcäti; jacañay churapjjeta, juma saparuquiw aytasipjjäma.

Proverbios 3:6

Take luräwinacamanjja Tatitutjja amtasipunim, ucatsti jupajj cheka thaquinjamwa irpascätam.

Isaías 50:2

¿Cunatsa nayajj jutcta ucapachajj jan qhitirus jicjjatctjja? ¿Cunatsa jawsatajjarojj jan qhitis jaysquitojja? ¿Janit jumanacasti nayan khespiyañajjsti iyawsapcta? ¿Janit amuyctasti nayajj ch'amanïtajja jumanacar khespiyañataquejja? Nayataquejj janiw cunäquis mä aru arsuñajja, uqhamat kotar wañt'ayañataqui, uqhamaraqui jawiranacasa ch'usa wasarar tucupjjañapataqui, uqhamat chawllanacajj umatjam jiwarapjjañapataqui, umatjamasa ñusantapjjañapataquiraqui.

Isaías 59:1

Tatitun ch'amapajj janiw tucusquiti, jan khespiyañatacjamajja, janiraquiw jupajj okaras tuccaraquiti, jan ist'irjamajja.

Jeremías 8:8

Uqhamasti, ¿cunjämaraqui jumanacasti sapjjasmasti: ‘Take cunsa yattanwa, Tatitun leyipasti jiwasampiraquiwa’ sasasti? ¡Leyinac yatichirinacajj c'ari kellkanacapampiw maysaru k'ewiquipjjapjje!

Mateo 13:52

Jesusasti ucjjarojj saraquïnwa: —Cunapachatejj mä ley yatichirejj Diosan reinopata sum yatjje ucajja utan jakjamawa. Jupasti suma imat yänacapatjja yatiwa machak yänacsa, merk'e yänacsa apsuniñjja —sasa.

Mateo 23:2

“Ley yatichirinacajja, fariseonacasa Moisesan yatichäwinacap yatichañatac uscutäpjjewa.

Mateo 28:20

Yatichapjjaraquim take cuntejj nayajj jumanacar yatichapcsma ucanaca phokhaña. Amtasipjjapunim, nayajj sapürupuniw jumanacampïscta acapachan tucusiñapcama.”

1 Corintios 1:20

Jichhasti, ¿cunataquirac wali yatiñan jakesti?, ¿cunataquirac yatichiri jakesti? ¿cawquincaraqui acapach yatiñanacjjata ch'ajjwiri jakesa? Diosajj acapach yatiñanacjja mä lokhe cancañaruw tucuyi.

1 Corintios 15:1

Jichhajj jilatanaca, muntwa cuna khespiyasiñ arunactï yatiyapcsma ucanaca amtasipjjañama. Uca arunacjj jumanacaw catokapjjtajja, ucanaracwa jichhas sum sayt'asisipctajja.

Deuteronomio 28:1

“Chekpachansa Tatitu Diosamarutejj jaysätajja, phokharaquïta, uqhamaraqui cawquïri camachi arunactejj jichhüruna churapcsma ucarjama sarnakaraquïta, ucapachasti Diosajj take aca oraken marcanacjjaruw uchätam.

Deuteronomio 4:5

Nayasti jumanacarojj yatichapjjsmawa take cawquïri leyinactï Tatitu Diosajj ewjjawayquistu ucanaca, jumanacan uca leyinacarjam sarnakapjjañamataqui cawquïr oraktï churapcsma ucana.