Esdras 6:16 - Qullan Arunaca

¹⁶ Ucatjja Diosan templopjja cusisiñampiwa loktapjjäna israelitanacajja, sacerdotenacasa, levitanacasa, uqhamarac jaya marcaru apanucutäpcäna ucanacasa.

Aymar Bibliia 1986

¹⁶ Ucatjja Diosan templopjja cusisiñampiwa loktapjjäna israelitanacajja, sacerdotenacasa, levitanacasa, uqhamarac jaya marcaru apanucutäpcäna ucanacasa.

Qullan Arunaka DC

¹⁶ Ukatsti kusisiñampiw Tatitun utap luqtapxäna, israelitanakasa, sacerdotenakasa, levitanakasa, ukhamarak khitinakatix jaya markar apanukut uñjasipkatayna ukanakasa.

Esdras 6:16 Jak'a apnaqawi uñst'ayäwi

1 Reyes 8:62

Ucjjarusti reyimpi uqhamarac take Israel marcampejja Tatituruw sacrificionaca loktapjjäna.

1 Reyes 8:63

Ucatsti Salomonajj Tatiturojj loktänwa pä tunca payani waranka toronaca, uqhamarac pataca pä tuncani waranka ovejanaca, ucasti sumancthapïwi sacrificionacänwa. Uqhamwa loktapjjäna reyimpi take israelit jakenacampejja Tatitun templopana.

1 Crónicas 15:28

Take Israel marcawa Tatituna sumancäwiru mantat arcapa apapjjäna, cusisiñatsti jach'at arnakasipjjäna, uqhamaraquiw toct'asïna wajjranaca, trompetanaca, platillonaca, ucatjja salterionacana, arpanacana tocasitapampiraqui.

1 Crónicas 9:2

Qhitinacatejj israelitanacata nayrakata utt'asipcäna orakenacaparu, marcanacaparu ucanacasti acanacäpjjänwa: israelitanaca, sacerdotenaca, levitanaca, templon sirvirinacapasa.

2 Crónicas 29:30

Ucatjja Ezequías reyejja, autoridadanacampejja levitanacarojj sapjjänwa: Tatiturojj yupaychapjjam Davidana, Asaf profetana salmonacapampi, sasa. Jupanacasti wali cusisiñampiwa k'ochupjjäna, uqhamarac quillt'asipjjaraquïna yupaychasina.

2 Crónicas 30:23

take tantachäwiwa amtasipjjäna fiesta lurascañaqui, yakha pakallk urumpi, ucsti wali cusisiampiwa lurapjjäna.

2 Crónicas 30:26

Jerusalén marcanjja wali cusisiñawa utjäna, Israelana David Salomón reyinacan urunacapatpachjja, janiw cunapachasa uqhamajja Jerusalén marcanjja lurascänti.

2 Crónicas 7:5

Salomón reyisti sacrificionjja loktänwa pä tunca payan waranka orko vacanaca, uqhamarac pataca pä tuncani waranka ovejanacaraqui. Uqhamawa reyisa, take Israel marcasa Diosan templopa loktapjjäna.

Esdras 4:1

Cunapachatï Judá, uqhamarac Benjamín, ucanacan uñisirinacapajj, preso apatanacajj cuttanjjasina Israelan Tatitu Diosapan templopa wasitat lurapjjatapa yatisinjja,

Esdras 6:22

Jan levaduran t'ant'a mank'añ fiestjja, pakallk uruwa fiesta lurapjjäna, jupanacarusti Tatituw cusisiñampi phokt'atayna Persia marcanquiri reyin asqui luratapata, uqhamarac Israelanquir Diosan templopa wasitat lurañana yanapatap laycu.

Nehemías 12:27

Jerusalén perka loktañ uru purinïna ucqhajja, thaktapjjänwa levitanacarojja cawqha chekanacantejj jacapcäna ucqhanaca, ucatsti irpapjjänwa Jerusalenaru cusisiñampi, yupaychasina, uqhamarac k'ochusina loktapjjañapataqui, platillonacampi, arpanacampi, uqhamarac liranacampi cuna.

Nehemías 12:43

Qhaya urunjja walja sacrificionacawa loktasïna, jakenacasti walipuniwa cusisipjjäna Diosajj jupanacaru jach'a cusisiñampi phokt'atap laycu. Warminacasa, wawanacasa wali cusisitäpjjaraquïnwa, ucatsti Jerusalenana cusisiñajj utjcäna ucajja jayatpachwa ist'asïna.

Nehemías 7:73

“Ucatsti suma utt'ayatäjjänwa utjäwiparcama sacerdotenacasa, levitanacasa, puncu uñjirinacasa, k'ochurinacasa, marcanquir jakenacasa, templona sirvirinacasa, uqhamarac take Israel jakenacamppacha.”

Nehemías 8:10

Ucjjarojj Esdras chachajj sänwa: “Sarjjapjjam, mank'asinipjjam sumïri mank'anaca, umapjjaraquim mojjsa vinonaca, ucatsti churapjjaraquim qhitinacantejj jan mank'añapajj utjqui ucanacaru, jichhürusti Tatitusaru loktatätap laycu. Janiraqui llaquisipjjamti, Tatitusti cusisiñapampiw jiwasar ch'amañchistani” sasa.

Salmos 122:1

“Tatitun utapar sarañäni” sirinacampejj walpun cusista.

Daniel (hebreo) 5:13

Daniel chachasti reyin nayrakataparu irpataw uñjasïna, reyisti juparojj jisct'araquïnwa: —¿Jumajj Danielätati, cawquïrirutejj rey Nabucodonosor awquejjajj Judea oraket judionacampi chica preso apanqui ucajja?

Juan 10:22

Juyphi pachänwa Jerusalenansti templon urupwa fiestachasipcaraquïna.

Deuteronomio 12:7

Qhä chekanwa Tatitu Diosaman nayräjjapana mank'apjjaraquïta, ucatsti familianacamampi chicaw cusisipjjäta luräwinacaman achupa uñjasina, cunanacampitejj Diosamajj bendicipjjätam ucanacata.

Filipenses 4:4

Tatituncasajj cusisitäpjjapunim take urunacana. Wasitat sapjjsma, cusisipjjam.