Esdras 6:15 - Qullan Arunaca

¹⁵ Templosti tucuyatäjjänwa Adar sat phajjsita quimsa urunaca sarakataru, uqhamarac Persia marcana Darío reyejj sojjta maranaca apnakascäna ucqha.

Aymar Bibliia 1986

¹⁵ Templosti tucuyatäjjänwa Adar sat phajjsita quimsa urunaca sarakataru, uqhamarac Persia marcana Darío reyejj sojjta maranaca apnakascäna ucqha.

Qullan Arunaka DC

¹⁵ Tatitun utap lurañasti tukuyatäxänwa, Adar phaxsita, kimsa uru saraqataru, Darío reyix Persia marka suxta mara apnaqaskäna ukapacha.

Esdras 6:15 Jak'a apnaqawi uñst'ayäwi

1 Reyes 8:63

Ucatsti Salomonajj Tatiturojj loktänwa pä tunca payani waranka toronaca, uqhamarac pataca pä tuncani waranka ovejanaca, ucasti sumancthapïwi sacrificionacänwa. Uqhamwa loktapjjäna reyimpi take israelit jakenacampejja Tatitun templopana.

Esdras 4:24

Uqhamatwa Jerusalenan Diosan templopa lurañajja sayantäna, Persia marcanquir Darío reyin payïri marapcama.

Esdras 5:16

Sesbasar chachasti Jerusalenar purisinjja, Diosan templopan cimientopwa jakontäna jichhajj ucqhatwa wasitat lurasiscaraqui, ucampis janiw tucuyatäquiti.’

Esdras 9:9

Nanacajj esclavöpcchïyäta ucasa, janiw jumajja apanucupquistati esclavo cancañana t'akhesiñana. Jumajj qhuyapayasiñamjja uñacht'ayapjjestawa Persia marcanquir reyinac toke, ucatsti jacayapjjestawa temploma sayt'ayañataqui tucjata taypita, uqhamarac imapjjaraquista Judá orakena, uqhamarac Jerusalén marcansa.

Ester (hebreo) 3:13

Ucatsti take marcpachanquir provincianacarusti uca amtjja chasquinacampi apayapjjäna. Uca arsüwisti mä urunaqui takpacha judionacaru jiwarayañataquïnwa waynanacaru, awquinacaru, wawanacaru, warminacaru uqhama, ucat jiwarayasinjja yänacapa catuntasiñataqui. Uqhama lurañataqui amtatäqui uca urusti tunca payan phajjsinjja tunca quimsani uru sarakataru, ucasti Adar sat phajjsina.

Ester (hebreo) 3:7

Mara kallta phajjsina, jan ucajj Nisán sat phajjsina, cunapachatejj rey Asuerojj tunca payan mara marca apnakjjäna ucqhasti suerte wartapjjänjja Amán chachan nayrakatapanjja, cuna urusa, cuna phajjsinsa jupan amtäwipajj phokhasispa uca apañataqui. Ucatsti mistsünwa tunca payan phajjsinjja tunca quimsan uru sarakataru, ucasti Adar sat phajjsina.

Ester (hebreo) 8:12

Take acanacasti mä urunacwa lurasiñapänjja rey Asueron take provincianacapana. Uca amtata urusti tunca payan phajjsina tunca quimsa uru sarakataruw, ucasti Adar sat phajjsina.

Ester (hebreo) 9:1

Tunca payan phajjsina tunca quimsan uru sarakataru, Adar sat phajjsina, uca uruw amtatänjja, reyin ordenapajja phokhasiñapataqui, uca urwa judionacan uñisirinacapajj suyt'asipcäna jupanacaru apnakañataqui. Ucampis uca suyt'äwejj janiw phokhascjjänti jan ucasti judionacaquiw jupanacarojj apnakjjapjjänjja.

Ester (hebreo) 9:15

Susa marcan jacapqui uca judionacajj wasitat tantasipjjäna tunca pusin uru sarakatanjja, Adar sat phajjsina quimsa pataca jakenacampwa jiwarayapjjäna, ucampis janiw yänacapjja llamct'apcänsa.

Ester (hebreo) 9:17

Ucat tunca pusin urunsti jupanacajj samarasinjja mank'añ fiesta lurapjjäna wali cusisita.

Ester (hebreo) 9:19

Ucampis take marcanacana, estancianacana jan perkan marcan jaquir judionacajja, Adar sat phajjsina tunca pusin uru sarakatanwa cusisita lurapjjaraquejja mank'añ fiestjja ucatsti maynit maynicamaraquiw churäwinacjja apayasipjje.

Ester (hebreo) 9:21

Jupasti arsünwa sapa marana amtatäñapataqui fiesta lurapjjañapataqui Adar sat phajjsinjja, tunca pusini, tunca pheskani uru sarakatanjja.

Zacarías 1:1

Quimsakallko phajjsina pä mara Dariojj reyëjjäna ucqhaw Tatitojj aca arunac parlawayänjja Zacarías profeta, Berequiasan yokapa, Idon allchhiparu. Saraquïnwa:

Zacarías 1:16

Ucatwa, naya Tatitojja sistjja: Jichhajj qhuyapayasiñampiw cutt'antjja; Jerusalenaru wasitatwa lurayaraquï Tatitun utapsa, uqhamaraqui take marcpacha’ ” sasa.

Zacarías 4:9

‘Zorobabelaw aca templon cimientopjj uchawayejja, jupa quipcaraquiw tucuyaraquinejja. Ucatwa jumanacajj uñt'apjjätajja nayar qhitanquitu ucajj take ch'amani Tatitütapa.