Esdras 4:4 - Qullan Arunaca

⁴ Ucatsti uca orakenquir jakenacajja Judá jakenacar mayjt'ayiriw jutapjjäna, uqhamata luraña apanucuyañataqui.

Aymar Bibliia 1986

⁴ Ucatsti uca orakenquir jakenacajja Judá jakenacar mayjt'ayiriw jutapjjäna, uqhamata luraña apanucuyañataqui.

Qullan Arunaka DC

⁴ Ukhamasti, uka tuqin jakir jaqinakax judionakar mayjt'ayapxänwa, Tatitun utap jan utachapxañapataki.

Esdras 4:4 Jak'a apnaqawi uñst'ayäwi

2 Samuel 4:1

Saúl reyin yokapa, Is-boset jakejj, Abner chachan Hebrón chekan jiwatap ist'asinjja, ch'amwa thayjtayasïna, take Israel jakenacasti wali ajjsarapjjaraquïna.

Esdras 3:3

Altarsti suma utt'ayapjjäna, jupanacajj uca oraken jaquir jakenacar ajjsarapjjatap laycu, ucatsti sapa alwanaca, uqhamarac sapa jayp'unacawa uca patjjar nact'at loktäwinaca loktapjjerïna, Tatitur jach'achasina.

Esdras 4:5

Ucjjarusti marca apnakerinacan yakhep yanapirinacaparusti kollke chilltapjjäna, uqhamatwa jupanacan amtanacapjja aynacht'ayapjjäna Persia marcanquir Ciro reyejj apnakascäna uca maranacana, ucatsti Persia marcanquir Darío reyejj apnakcäna uca maranaccamaraqui.

Nehemías 4:11

Uñisirinacajjajja amuyapjjpachänwa nanacajj janis amuyasipquirista, ni cunsa uñjapquirista uqhama, ucatsti jupanacajj nanac taypiruwa mantanipjje jiwayañataqui, uqhamata lurañanaca sayt'ayañataqui.

Nehemías 4:2

masinacapa nayrakatanjja, uqhamarac Samarianquir ejército nayrakatansa, aqham sasa: —Aca mank'at jiwat judionacasti ¿cunjämaraqui amuyasipjje? ¿Jupanacasti amuyasipcaquiti sacrificionaca wastat loktañjja? ¿Jan ucajj uca lurañjja mä urunaccha tucuyapjjaspajja? ¿Jan ucasti uca naqhantata allthapitanacatcha machak kalanaca apsupjjanejja? —sasa.

Nehemías 6:9

Jupanacasti nanacarojj sustjañwa munapjjetäna nanacar mayjt'ayaña amuyasina, uqhamata lurañanaca apanucusin jan tucuyañanacajjataqui; ucampis nayajj juc'ampwa ch'amachäyäta.

Jeremías 38:4

Ucatsti jilïrinacajj reyirojj sapjjaraquïnwa: “Aca jakerojj jiwayañawa, uqham parlatapampejja cawquïri soldadonacatejj marcar kheparapqui, cawquïri jakenacatejj aca marcancapqui ucanacaruw ch'ama thayjtayi. Aca jakejj janiw aca marcan asquipa munquiti jan ucasti aca marcan aynacht'añapwa thake” sasa.

Daniel (hebreo) 10:13

Persia marcaru arjjatiri angelasti pä tunca mayani uruw naya tokejj sayt'asi; ucampisa Miguel sat mayni angelaw nayar yanapt'irejj jutaraquitu, nayasti Persianquiri reyinacampi chicaraquiw sapaqui uñjasïyätjja.

Daniel (hebreo) 10:20

Ucatsti jupajj saraquituwa: ‘¿Yattati cunatsa jumar uñjiri jutta ucjja? Jichhajj Persia marcar arjjatiri angelampi nuwasiri sarañajjawa. Cunapachatejj nayajj jupampi nuwasiña tucuyjjä ucjjarusti Grecia marcanquiri angelaraquiw naya tokejj jutani.