Esdras 3:5 - Qullan Arunaca

⁵ sapüru loktañ nact'at loktäwinaca, uqhamarac machak phajjsita wact'qui Tatitur loktata fiesta lurañanacajj utjqui ucanacata, uqhamarac qhitinacatejj take chuymapata Tatitur loktcäna ucanacaraqui.

Aymar Bibliia 1986

⁵ sapüru loktañ nact'at loktäwinaca, uqhamarac machak phajjsita wact'qui Tatitur loktata fiesta lurañanacajj utjqui ucanacata, uqhamarac qhitinacatejj take chuymapata Tatitur loktcäna ucanacaraqui.

Qullan Arunaka DC

⁵ sapüru luqtañ nakt'at luqtäwinaka, ukhamaraki machaq phaxsi amtäwi uruta, Tatitur luqtat phunchhäwi lurañanakax utjki ukanakata, ukhamarus khitinakatix chuymanakapatjam Tatitur churapkäna ukanakata.

Esdras 3:5 Jak'a apnaqawi uñst'ayäwi

2 Crónicas 31:14

Inti jalsu tokenquir puncu uñjiri Imna chachan Coré yokap levitasti, Diosar take chuymampi churat ofrendanacata, uñjir uchataraquïnwa, uqhamarac Tatitur churatäqui ucanaca lacjañataqui, uqhamarac Diosar loktatanacäqui ucanacatsa.

Esdras 3:6

Pakallkür phajjsita kallta urutpachwa Tatitur nact'at loktäwinac loktañ kalltapjjäna, janïras Tatitun templopajj lurayatäña kalltascäna ucqhatpacha.

Nehemías 10:34

Uqhamaraquiw sacerdotenacasa, levitanacasa, uqhamarac take jakenacasa suerte jaktapjjta Diosasan temploparu lawa apañataqui sapa mara cuna horasaru waquisitaparjama, Tatit Diosasana altarapana naqhantayañataqui, cunjämtï leyina kellkatäqui uqhamarjama.

Jeremías 33:18

uqhamaraqui Leví tribut jutiri sacerdotenacas utjapuniniwa, sapa uru nayaru loktäwinaca loktañataquejja, grano loktäwinaca nayan sutejj-jjaru naqhayañataqui, uqhamaraqui yakha loktäwinaca nayaru loktañataquisa.”

Levítico 1:2

“Israelitanacampi parlam, jupanacarusti saraquïtawa cunapachatejj maynejj nayaru uywanac loktañataqui apaninejja, ucsti orko vacapatwa jan ucajj orko ovejanacapatwa apaniñapajja.

Levítico 1:3

“Naqhantayañatac loktat uywatejj orko vacänejja ucasti suma c'umaräñapawa. Catokatäñataquejja, loktatäñapawa Tatitun nayrakatapana, Tatitump Jiquisiñ Carpar mantañäquis ucawjana.

Levítico 23:2

“Israelitanacarusti aqham saraquim: Acnïri urunacaw Tatitutaqui sata yakhachata urunacajja, jumanacasti uca urunacanwa kollana tantachasïwinaca lurasa tantacht'asipjjäta.

Números 28:14

Vino ofrendasti pä litröniwa sapakat vaca kallutjja, mä litro chicaniraqui sapakat orko ovejatjja, uqhamarac mä litro sapakat mä marani oveja kallutjja. Take aca nact'ayat ofrendanac loktapjjäta, sapa phajjsina, marpachanjja.

Números 28:19

Tatiturusti mä nact'ayat ofrendjama pä vaca kallunaca, mä orko oveja, pakallko orko ovejanaca, ucanacasti mä marani ovejanacäñapawa jan usuchjataraqui loktapjjäta.

Números 28:27

Tatiturusti loktapjjätaw mä suma k'apquir nact'ayat ofrendjama pä vaca kallunaca, mä orko oveja, uqhamarac pakallko orko ovejanaca ucanacasti mä maranïñapawa.

Números 29:13

Kallta urusti Tatitu Diosarojj loktapjjätaw, mä suma k'apquir nact'ayat ofrendjamjja, tunca quimsani vaca kallunaca, pä orko ovejanaca, uqhamarac tunca pusin mä marani orko oveja kallunaca, jan cuna usuchjata.

Números 29:2

Tatituru mä suma k'apquir nact'ayat ofrendjama loktapjjäta mä vaca kallu, mä orko oveja, uqhamarac pakallko orko ovejanaca, ucanacasti mä maranïñapawa, jan cuna usuchjata.

Números 29:39

“Aca sacrificionacwa Tatiturojj loktapjjäta, jach'a fiestanacamanjja, arunacamampi arsusina ofrenda loktañäni sapcta ucat sipansa, naqhantayat ofrendäpansa grano achunacata, vinota ofrendäpansa, uqhamarac sumancayaña sacrificiöpansa.”

Números 29:8

Tatiturusti mä suma k'apquir nact'ayat ofrendjamjja mä vaca kallu loktapjjäta, mä orko ovejampi, uqhamarac pakallko orko ovejanaca, ucanacasti mä maranïñapawa, jan cuna usuchjata.

Deuteronomio 12:17

“Jumanacasti janiraquiw marcanacamanjja: Trigo, vino, aceite uca diezmonacjja, ni vacanacamana, ovejanacamana jilïri kallunacapsa ni jumanacas chuymanacamat ofrendanac churä sapcta ucanac mank'apjjañamäquiti.

Deuteronomio 12:6

Uca chekanwa jumanacajj uywanaca sacrificiot jupar yupaychasa loktapjjäta, diezmonaca apasa, churäwinacama Diosaru churasa, arsutanacama, ofrendanacama, uqhamaraqui vacanacamana, ovejanacamana nayrïr kallunacap apasa.