Efesios 6:18 - Qullan Arunaca

¹⁸ Acanacsti oracionampipuni lurapjjam, Diosar mayisina Kollan Ajayu toke. Uc lurañataquisti janc'aquïpjjam, jan pächasisa, uqhamarac take qhitinacatejj Diosancapqui ucanacataquis Diosatjj mayipjjaraquim.

Aymar Bibliia 1986

¹⁸ Acanacsti oracionampipuni lurapjjam, Diosar mayisina Kollan Ajayu toke. Uc lurañataquisti janc'aquïpjjam, jan pächasisa, uqhamarac take qhitinacatejj Diosancapqui ucanacataquis Diosatjj mayipjjaraquim.

Qullan Arunaka DC

¹⁸ Diosat mayisiñ jan armasipxamti: Qullan Ajayun irpatax Diosar mayipxapunim. Jank'akïpxam, jan ch'am laq'ayasipxamti, qullan markatakix taqinitak Diosat mayipxam.

Efesios 6:18 Jak'a apnaqawi uñst'ayäwi

1 Reyes 8:52

“Ist'itaya sirviriman oracionapa, uqhamarac Israel marcamana mayisitapa. ¡Dios Tata, cunapachatï jumar art'asipjjäma ucqhajja ist'apjjetaya!

1 Reyes 8:54

Cunapachatï Salomonajj Tatituru mayisiñampi aca oraciona luraña tuct'ayäna ucqhajja, sayt'asïnwa altar nayrakatana quillt'atäcäna ucqhata, ucatsti alajjpach tokeru amparanacapa aytasinsti,

1 Reyes 8:59

Take acanacjja Tatit Diosaru maycta ucanacsti jupajj amtascaquiñapataqui uruy aruma, uqhamata sirviriparu chekaparu uñjañapataqui uqhamarac Israel marcaparusa, cunjämarutejj waquisqui uqhamaru.

1 Reyes 9:3

Ucatsti sänwa: “Nayajj ist'smawa oración luratama, uqhamarac nayar mayisitamsa, nayasti k'omachtwa aca templo lurarapquista sutejja ucancañapataqui ucjja. Nayasti uñtanïwa, uqhamarac chuymajjasa ucancaraquiniwa.

Ester (hebreo) 4:8

Uqhamajja churaraquïnwa Susa marcan judionaca jiwarayañataqui ordenajj yatiyascäna uca kellkatanaca Esteraru churañapataqui, uqhamata jupajj suma yatiñapataqui. Uqhamarac ewjjaraquïnwa Esterajj reyimpi jupa quipca parlt'asa achict'añapataqui, marcapan uqhamata khespitäñapataqui.

Job 27:10

Jupajj janiw take ch'amani Diosan cusisiñjja jicjjatquiti, janiw cunapachasa art'ascaraquiti.

Salmos 4:1

Arjjatir Diosajjay, mayisinsma ucapachajj ist'aquitaya, jumaw llaquisiñajjan chuymajj khanartayista, ¡nayat qhuyapt'ayasita, mayisitajjarojj ist'aquimaya!

Salmos 6:9

Tatitojj achict'asitajjarojj jaysiwa, Tatitojj mayisitajjarojj catokewa.

Isaías 26:16

Tata, t'akhesiñanjja jumaruw thakhapjjsma, cunapachatejj jumajj may tokenokasaqui asquichapjjetäta ucqha.

Daniel (hebreo) 6:10

Daniel chachasti, uca arsüwi uqham luratätap yatïn ucapachasti, utaparuw saräna, uta ventananacapa jist'arasïna, uca ventananacasti Jerusalén marca toker uñtanitänwa, quillt'asisinwa Diosat mayisïna, uqhamaraqui yupaycharaquïna. Ucsti Daniel chachajj quimsa cutiw ucjja urunjja luräna, cunjämatejj luriricän uqhamarjama.

Daniel (hebreo) 9:20

“Nayasti mayiscaquïyätwa Diosatjja, juchanacajjsa arsusisaraqui, uqhamaraqui Israel marcajjan juchanacapsa arsusina, Tatitu Diosajjan nayrakataparuw mayisitanacajjsa uscuraquïyäta, jupan kollan kollup laycu.

Oseas 12:4

Mä angelampiw nuwasïna, ucatsti atipjaraquïnwa; jacht'asisaraquiwa, bendicionsa mayisïnjja. Diosasti juparojj Betel chekanwa jicjjataraquïnjja, ucanracwa jupampejj parlänjja.

Zacarías 12:10

“Qhuyapayasiñampi oración lurañampi ajayumpiw phokt'äjja Davidat jutiri familiampiru Jerusalenan jaquirinacampirojja. Ucqhawa uñcatapjjanejja qhitirutï chhojjriñchapqui ucarojja, ucatsti llaquisipjjaniw, jachapjjaraquiniwa mä sapa wawatjama, jan ucajj jilïri wawatjama.

Mateo 17:21

[Aca casta ajayusti oracionampi, uqhamarac ayunompiquiw alissutäspa.]

Mateo 26:41

Jichhajj jan iquipjjamti, jan ucasti Diosatjja mayisipjjamaya, jan yant'äwir puriñataqui. Chekpachansa ajayojj lurañatakejj janc'aquiwa, ucampis janchejj t'uqhawa.

Marcos 13:33

“Uqhamasti jumanacajj suyapjjam, amuyasipjjam, [Diosat mayisipjjaraquim] janiraquiw yatipctati cuna horasar puriniñapsa.

Marcos 14:38

Jan iquipjjamti; Diosat mayisipjjam, jan yant'ar mantañataqui. Chekpachansa ajayojj lurañataquejj janc'aquiwa, ucampis janchejj t'uqhawa.

Lucas 21:36

Jumanacajj janc'aquïpjjamaya, uqhamarac orapjjam, take horasana uqhamat take acanac pascani ucat jaltapjjañamataqui, uqhamarac Jaken Yokap nayrakatan uñstapjjañamataquisa.”

Lucas 22:46

Ucapachaw discipulonacaparojj saraquïna: —¿Cunatsa iquisipcta? Sartasipjjam, mayisipjjam jan yant'äwir mantapjjañamataqui —sasa.

Lucas 3:26

Maatasti Matatiasan yokapänwa, Matatiasasti Semeian yokapänwa Semeiasti Josean yokapänwa, Joseasti Judan yokapänwa,

Lucas 3:37

Lamecasti Matusalenan yokapänwa, Matusalenasti Enocon yokapänwa, Enocosti Jaredan yokapänwa, Jaredasti Mahalaleelan yokapänwa, Mahalaleelasti Cainanan yokapänwa, Cainanasti Enosan yokapänwa,

Hechos 1:14

Jupanacasti mayaquiw tantachasipjjerïna, Tatitut oracionan mayisiñataqui. Ucancaraquïnwa Jesusan jilanacapajja, María taycapasa, yakha warminacampi cuna.

Hechos 10:2

Jupasti Dios chuyma jakënwa, uqhamaraquiw Diosar ajjsartas sarnakerïna, takpach familiapampi. Jupasti judionac taypit pobrenacar walja limosna churirïnwa, Diosar jan armt'asis oracionan mayisiriraqui.

Hechos 12:5

Uqhamaw Pedrojj carcelan soldadonacampi wali uñjatäscäna. Ucampis Tatitur arquirinacajj Diosat oracionan jan inact'asaw jupatac mayipjjäna.

Hechos 6:4

Nanacasti Diosat mayiñaruw juc'amp uscusipjjä, uqhamarac jupan arunacap yatichañaru —sasa.

Romanos 12:12

Suyt'añanjja cusisitaquïpjjam; t'akhesiñanaca utjipanjja llamp'u chuymanïpjjaraquim. Janirac Diosat oracionan mayisiñjja armasipjjamti.

Romanos 8:15

Janiw esclavo tucuyir ajayu catokapctati ajjsaratac sarnakascañataqui, jan ucasti catokapjjtawa Diosan wawapa tucuyquistu uca Ajayu, ucat jupajj arsuyistu: “Nayan Awquejja” sasa.

Gálatas 4:6

Uqhamajj jupan wawapätasa uñacht'ayañataquejja, Diosajj Yokapan Ajayupwa chuymanacasar qhitaniraqui, uca Ajayusti arsuwa: “¡Awquejja!” sasa.

Efesios 1:16

nayajj oracionanacajjanjja jumanacat amtasisinjja yuspagarapuntwa.

Efesios 2:22

Uca pachparaquiw jumanacajj Cristoru mayachatäpjjta, takenimpis mayachasisa mä utaru tucuñataqui, uca utanwa Diosajj Ajayup toke jaqui.

Efesios 3:18

jumanac iyawsir purajj suma chuymamp jacapjjañanacamataqui, Criston munasiñapajj take tokeru sinti jach'ätapa amuyt'apjjañamataqui.

Efesios 3:8

Diosancapqui uca jisc'anacat sipansa nayajj pisïtwa. Ucampis jupaw acqha suma yatiyañ churitu, jan judiöpquis ucanacaru Criston jan jact'cañ kamir cancañapat suma yatiyäwinac yatiyañajjataqui.

Efesios 6:19

Nayataquis Diosatjja mayipjjaraquim, parlcta ucapach Diosajj nayar arunac churañapataqui, uqhamat take ch'amampi parlañajjataqui, imantatäqui uca khespiyasiñ arunac mayninacar yatiyasa.

Filipenses 1:4

Cunapachatejj oración lurcta ucapachajja, take jumanacataquejj cusisiñampiw mayirapipjjsma.

Filipenses 4:6

Jan jumanacajj cunats llaquisipjjamti, take cunsa Diosar sapjjam oracionana, mayipjjam yuspagarapjjaraquim.

Colosenses 1:3

Jesucristo Tatitusan Dios Awquiparojj yuspagarapjjapuntwa jumanacatac Diosat maycasinjja.

Colosenses 1:4

Yatipjjaractwa jumanacan Jesucristor iyawsapjjatama, uqhamarac take Diosanquirinacarus munapjjatama,

Colosenses 4:2

Oracionjj lurapjjapunim, suyt'apjjaraquim Diosar yuspagarasa.

1 Tesalonicenses 5:17

Jan inact'as orapjjam.

1 Timoteo 2:1

Nayrakatajj ewjjt'apjjsmawa Diosat mayipjjam, oración lurapjjam, Diosarus yuspagarapjjam take jaketa.

2 Timoteo 1:3

Diosarojj yuspagartwa jumat amtasisina uruy aruma oracionanacajjanjja, qhitirutejj nayajj k'oma chuymajjampi sirvctjja, cunjämatejj awquinacajjajj lurcäna uqhama.

Filemón 1:5

Nayajj yattwa jumajj Tatit Jesucristor munatama, iyawsatamsa, uqhamarac take qhitinacatï Diosancapjje ucanacar munatamsa.

Hebreos 5:7

Cunapachatï Cristojj oraken jacascän ucqhasti, jach'atwa oracionanacsa wali achict'añampi luräna, Diosaru wali jacht'asisaraqui, qhititejj jiwañat khespiyañataquis ch'amanïcäna ucaru; Diosasti ist'änwa Dios chuymätapata.

1 Pedro 4:7

Take cunan tucusiñapajj jac'anquiwa, ucatpï jumanacajj wali amuyt'ampi sarnakapjjañamajja, uqhamarac oracionsa jan jaytas lurapjjañamajja.

Judas 1:20

Jumanacasti munat jilatanaca, uca kollana iyawsäwinacamanjja ch'aman sayt'asipjjam, Kollan Ajayun ch'amapampirac Tatitut mayisipjjam.

1 Samuel 1:12

Cunjämatejj Anajj Tatitu nayrakatan wali jaya mayisiscänjja, Elí sacerdotesti lacapwa uñji;