Efesios 6:14 - Qullan Arunaca

¹⁴ Ch'amani sayt'asipjjam, cheka cancañampi wac'antata, ucatsti cheka sarnakañampi imt'atäpjjaraquim cunjämtejj mä soldadojj armadurampi pechopat imt'asquejj uqhama.

Aymar Bibliia 1986

¹⁴ Ch'amani sayt'asipjjam, cheka cancañampi wac'antata, ucatsti cheka sarnakañampi imt'atäpjjaraquim cunjämtejj mä soldadojj armadurampi pechopat imt'asquejj uqhama.

Qullan Arunaka DC

¹⁴ Ukhamasti ch'aman sayt'asipxam, chiqa kankañampi isintata, aski kankañampi isthapitaraki.

Efesios 6:14 Jak'a apnaqawi uñst'ayäwi

2 Reyes 3:21

Uccañcamasti moabita jakenacajj yatipjjänwa, reyinacajj purinipjjatapa jupanacar nuwantiri, ucatsti jupanacajj take waynanacaruwa ejercitoparu jawsthapiyäna, uqhamarac chachanacarusa soldadöñatac maranïpqui ucanacarusa, ucatsti korpawjanwa waquichrantasipjjäna.

Job 29:14

Cheka cancañampi jan lunthatasiñampisti nayan pachpa jacañajjänwa; ucanacasti nayataquejj mä isjamänwa.

Isaías 11:5

Chekaparu uñjaña cancañampi, suma chuymampi isthapitaw sararaquini.

Isaías 59:17

Atipjañampisti hierro chalecompjamaw isthapisi, khespiyasiñampejj p'ekepar mä cascompjamaw uchasi, phoksusiñampisti mä isimpjamaw isthapisi, colerasiñapampisti mä mantompjamaw llawuntasiraqui.

Lucas 12:35

“Waquicht'asit suyt'apjjam isthapita, lamparanacams khantayasisa.

Romanos 13:12

Sinti arumäjjewa, urusti niyaw jac'achasisinqui, ucatpï apanucuñasajja cunatejj ch'amacan lurasquis ucjja, ucatsti cunjämtejj mä soldadojj armantasqui uqhamaraquiw armantasiñasa khanan sarnakañataqui.

2 Corintios 6:7

ucatsti Diosan cheka arunacap jupan ch'amapampi parlapjjatajj laycuraqui, cunatejj chekapäqui ucampipuniw nuwantapjjta, uqhamarac sayt'asipjjaracta.

Efesios 5:9

Uca khanasti qhuyapayasiña, cheka cancaña uqhamarac suma jacañwa utjayaraqui.

Efesios 6:13

Uqhamajj catjjarupjjam kawkha armanactejj Diosajj churapctam ucanaca, uqhamat jan wali urun atipjapjjañamataqui, uqham lurasinsti juc'amp ch'amani sayt'apjjañamataqui.

1 Tesalonicenses 5:8

Ucampis jiwasanacajj urunquirjamajja, amuyasiñasapuniwa. Jarc'akasiñasawa iyawsañampi, uqhamarac munasiñampi, khespiyasiñataqui suyt'añajj mä cascjamawa p'ekesaru imantañapajja.

1 Pedro 1:13

Ucatpï jilatanaca, jumanacajj wali amuyt'asipjjam cuntï lurapcäta ucanacatjja, uqhamarac mä suma jacañan sarnakapjjaraquim. Take chuymaraqui suyt'apjjam cuntejj Diosajj qhuyapayasiñapanjja jumanacar churañataqui waquichasqui Jesucristojj jutcani ucqhajja.

Apocalipsis 9:17

Uqhamwa uca caballonacjja unañchäwinjja uñjta. Uca caballjjat saririnacasti pechonacaparojj mä guerra isi apapjjäna, ucasti wilampita, asulampita k'ellumpitänwa. Uca caballonacan p'ekenacapasti león p'ekenacaru uñtatänwa, lacanacapatsti ninampi jek'empi asufrempiraquiw mistüna.

Apocalipsis 9:9

Janchinacapasti mä hierro isimpi isthapitjamänwa, chhekhanacapasti wal chhullokeraquïna cunjämtï guerran jalir caballonacajj chhullokquis uqhama.