Efesios 5:18 - Qullan Arunaca

¹⁸ Jan machjasipjjamti, machjasiñasti jiwañaruw api; antisas Kollan Ajayumpi phokt'atäpjjam.

Aymar Bibliia 1986

¹⁸ Jan machjasipjjamti, machjasiñasti jiwañaruw api; antisas Kollan Ajayumpi phokt'atäpjjam.

Qullan Arunaka DC

¹⁸ Jan machjasipxamti, machjasiñax jan waliruw puriyi; ukatsipana Qullan Ajayumpi phuqhantasipxam.

Efesios 5:18 Jak'a apnaqawi uñst'ayäwi

Génesis 9:21

Mä uruw Noejj vino umantäna, ucatsti umjasïnwa, carpapa taypin k'alalpacha liwisiscaraquïna.

Salmos 69:12

take jaken parlasitaw sarnakta, umatanacasti nayjjat warurupjje.

Proverbios 20:1

Vinojj jakerojj jan amuyun tucuyi, machjasiña umañanacasti jan walinacwa parlayaraqui; qhititejj uqhama machjasiñana sarnakqui ucajja, janiw yatiñ cancañampi cuns lurquiti.

Cantar de los cantares 1:4

¡Janc'aqui jumamp chica irpita! ¡Oh, rey, utamar irpita! Jumampejj wali cusisitäñäniwa; munasiñamatsti vinot sipansa juc'ampwa amtasiñäni. ¡Ucatpï warminacajj munapjjaractamjja!

Cantar de los cantares 7:9

arunacamasti, suma koña vinor uñtataw lacamatjja, uqhamarac laca ch'aqhanacam taypitsa mistuni.

Isaías 25:6

Sión kollunsti take ch'amani Tatitojj take marcanacataquiw waquicharaquini, mä suma mank'äwi suma imat vinonacampi, sinti suma mank'anaca uqhamaraqui suma ajllit vinompi.

Isaías 5:22

¡Ay, cunaquïcani jumanacataquejja wali chacha chacha vino umasa tucupqui, alcohol umañanaca waquichasiñsa sum yatipjjaraqui ucanacataquejja!

Isaías 55:1

“Take qhitinacatejj umat pharjata sarnakapjjta ucanacajj umt'ir jutapjjam, jan kollkeninacajj jutapjjam, inaqui trigo mayisipjjam, ucatsti mank'apjjaraquim, vinompi, lechempi inaqui mayisipjjam.

Levítico 10:9

“Cunapachatejj jumasa, uqhamarac wawanacamasa Tatitumpi Jiquisiñ Carparu mantañataquïpjjäta ucapachasti janiw vino umapjjätati ni cuna casta p'osktata umañanacsa, ucataraqui jiwarasipcasma. Aca arsüwisti mä leyiwa, wawanacaman wawanacapataqui,

Mateo 23:25

“¡Ay, camachapcaquït jumanacajja ley yatichirinaca, fariseonaca, c'ari chuymaninaca! Jumanacajja ankäjjacwa phisqhuraptajja vasonacsa, platonacsa; ucampis chuymanacamajja wali k'añuwa, jumanacasti lunthatasiñampi mich'asiñampi phokhantatäsipctawa.

Mateo 24:49

ucat mayni uywatanacarojj chhojjriñchjaraquini, ucatsti mank'araquini umaraquini machatanacampi,

Lucas 1:15

Aca wawajj Dios nayrakatanjja jach'äniwa. Janiraquiw umcaniti vinsa, ni cuna casta umañanacsa. Jupajj janïr nasquis ucqhatpacha Kollan Ajayun phokt'atäniwa.

Lucas 11:13

Jumanacatejj khorücasin wawanacamarojj sumanac churirïpjjstajja, ¡kawkha juc'amps alajjpachanquir Awquimajj Kollan Ajayjja churanejja mayipqui ucanacarojja!

Lucas 12:45

Ucampis uca uywatatejj utanin jayat purisincañap amuychejja, ucatsti yakha warmi chacha uywatanacarus nuwarchejja, ucatsti mank'añaru, umañaru, machantañaru uchasiscchejja,

Lucas 21:34

“Amuyasipjjam, jan chuymanacamjja vicionacampi machañanacampi kalarayasipjjamti, uqhamarac aca jacañan llaquisiñanacampisa jan qhä urun jumanacajj acatjamat catjayasipjjañamataqui,

Juan 2:10

Ucatsti saraquïnwa: —Takeniw nayrakat suma vino sirviñ yatipjje, cunapachatejj jawsatanacajj vino umsjjapjje, ucjjaruw jan suma vinöc ucjja umapjje. Ucampis jumajj jichhacamaw suma vinjja imatätajja —sasa.

Hechos 11:24

Jupasti asqui jakënwa, Kollan Ajayun phokt'ata, iyawsañaniraqui. Uqhamïpanwa walja jakenacajj Tatiturojj mayachasjjapjjäna.

Romanos 13:13

Sarnakäwinacasajj khananquirinacanjamäñapawa, jan machañanacanjj jacañäniti, janiraqui jach'a mank'äwinacansa, ni wachoka jucha lurañanacansa, ni cuna casta quejanacansa, ni envidiasiñanacansa.

1 Corintios 11:21

Mank'añ horasasti sapa mayniwa jumanacatjja nayrakata mank'jje, mayninacasti mank'at awtjatäsipcaraquiwa, mayninacasti uccañcamajj niyaw macharatäjjapjje.

1 Corintios 5:11

Jan ucasti sapjjäyäsmawa: “Jan chicachasipjjamti qhititejj iyawsirïcasina wachoka juchan sarnakasqui, mich'asisqui, yakha diosanacar yupaychasqui, arunac apnakasqui, machasqui, lunthatasisqui ucanacampejja. Janiraquiw ucanacampejj mank'apjjañamäquisa.”

Deuteronomio 21:20

Ucatsti aqham sapjjaniwa: ‘Aca nanacan wawajjajja jan ist'asiri kallasiriraquiwa; janiw cunansa ist'apquituti, jan ist'asisa sarnakeriwa uqhamarus machiriraquiwa’ sasa.

1 Tesalonicenses 5:7

Iquirinacajj arumaw iquipjje, machjasirinacasti arumaw machjasipjjaraqui.

Tito 1:6

Mä jilïri irpirejj jacañapawa jan qhitin cuns camscaya. Mä sapa warminiquïñapawa. Wawanacapajj iyawsirinacäñaparaquiwa, janiraquiw jan walitsa ni jan wali sarnakeritsa uñt'ayasipjjañapäquiti.