Efesios 4:21 - Qullan Arunaca

²¹ jumanacatejj chekpachan juparu ist'apjjsta uqhamarac jupamp yatichatäpjjsta Jesusan asqui luräwinacaparjama ucajja.

Aymar Bibliia 1986

²¹ jumanacatejj chekpachan juparu ist'apjjsta uqhamarac jupamp yatichatäpjjsta Jesusan asqui luräwinacaparjama ucajja.

Qullan Arunaka DC

²¹ chiqpachansa jumanakax jupat yatiyäwi ist'apxtaxa, ukat jumanakax kunjämtix jupax munki ukham jakañ yatiqapxtaxa, Jesusankki uka chiqa kankañaparjama.

Efesios 4:21 Jak'a apnaqawi uñst'ayäwi

Salmos 45:4

Atipjañamp sarantam, cheka laycu ch'amachasisa, llamp'u chuymaninacar chekapar uñjasa. ¡Cupi amparamajj muspharcañanac luraypan!

Mateo 17:5

Pedron parlcañapcamasti, mä lliphipquiri kenayaw jupanacarojj muyuntäna. Uca kenaya taypitsti mä aruw ist'asi: “Acaw munat Wawajjajja, juparaquiw nayarojj wal cusisiyitu. Juparu ist'apjjam” sasa.

Lucas 10:16

“¡Qhititejj jumanacar ist'qui ucajj nayaruw ist'itu; qhititejj jumanacar jan ist'apctam ucasti nayaruw jan ist'quituti; nayaru jan ist'irïqui ucasti qhitanquitu ucaruw jan ist'quiti!.”

Juan 1:17

Moisés tokew leyejj churatäna, ucampis munasiñajj uqhamarac cheka arunacas Jesucristo tokew juti.

Juan 10:27

Nayan ovejanacajjajj arojj uñt'iwa, nayasti uñt'aractwa, jupanacasti arcapjjaraquituwa.

Juan 14:17

Ucajj cheka Ajayuwa, acapachanquirinacasti janiw jupar catokcaspati, jan uñjatapa ni uñt'atapa laycu, ucampis jumanacajj uñt'jjapjjtawa, jupasti jumanacampïsquiwa, ucatsti jumanacanwa jacani wiñayataqui.

Juan 14:6

Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Romanos 10:14

Ucampisa, ¿cunjämrac juparusti art'asipjjanisti jan jupar iyawsapcchi ucasti? ¿Cunjämrac juparusti iyawsapjjanisti jan jupat parlquir ist'qui ucasti? ¿Cunjämaraqui ist'apjjanisti jan qhitis jupat yatiyiri utjcchi ucasti?

2 Corintios 1:20

Jupanaracwa take Diosan arsutanacapajj phokhasejja. Ucatpï cunapachatejj Diosar yupaychctan ucqhajj “Uqhamäpan” sistanjja, Cristo Jesús toke.

2 Corintios 11:10

Cunjämatejj Criston cheka cancañapa sum uñt'tjja, uqhamaraquiw yatta janiw qhitis nayarojj aca cusisiñajj-jja apakquitaspati take Acaya tokenjja.

Efesios 1:13

Cunapachatejj jumanacajj Tatitun khespiyasiñ arunacap ist'apjjta ucqhajja, Cristorojj iyawsapjjtawa, juparuw mayachasjjapjjaractajja uqhamarac Diosanquirinacjamajj Kollan Ajayumpi sellatäjjapjjaractawa cawquïrtejj jupajj qhitaniñatac arsuwaycäna ucampi.

Efesios 2:17

Cristojj jutasinjja takeniruw sumancaña suma yatiyäwinacjja yatiyi, jumanacaru jayanquirirusa, uqhamarac judionacas jac'ancapqui ucanacarusa.

Colosenses 1:5

cuna suyt'äwtï jumanacajj suyasipcta uca laycu, ucasti jumanacataquejj alajjpachan imatäsquiwa. Uca suyt'äwsti jumanacajj catokapjjaractawa Diosan khespiyasiñ arunacap ist'apjjatam laycu.

Colosenses 1:6

Aca pachpa Diosan arunacapasti take chekanwa wali jiltasqui, take chekan parlataraquiwa, take chekanracwa apthapitäscaraqui. Uqhamaw jumanac taypinsa lurasiscaraquejja cunapachattï jumanacajj Diosan munasiñapat ist'apjjäyäta, uca munasiñapajj chekätap yatipjjaraquïyäta ucqhatpacha.

Colosenses 2:7

Jumanacan jacañanacamasti jupan saphintatäñapawa, jupjjaru suma utt'atäpjjañamaraquiwa iyawsäwi laycu, cunjämatï yatichatäpcäyäta uqhama, Diosaru yuspagarasapuni.

1 Juan 5:20

Yatiractanwa Diosan Yokapan jutatapa, uqhamarac amuyt'ayistu chekpach Diosar uñt'añataqui. Uca chekpach Jesucristo Yokapampejj mayanacwa jacaractanjja. Aca Diosajj chekawa, wiñay jacañaraquiwa.