Efesios 4:1 - Qullan Arunaca

¹ Ucatwa nayajj Tatit laycu presötjja, achict'apjjsmawa jumanacajj Diosan jawsatanacjama sarnakapjjam.

Aymar Bibliia 1986

¹ Ucatwa nayajj Tatit laycu presötjja, achict'apjjsmawa jumanacajj Diosan jawsatanacjama sarnakapjjam.

Qullan Arunaka DC

¹ Ukat nayax, Tatit layku katuntatäsin achikt'apxsma, khitinakatix Diosan jawsatäpkta ukanakasti, kunjämtix lurapxañamäk ukhamar sarnaqapxam.

Efesios 4:1 Jak'a apnaqawi uñst'ayäwi

Génesis 17:1

Cunapachatejj Abramajj llätunc tunca llätuncani maranëjjan ucqhaw Tatitojj jupar uñstäna, ucatsti saraquïnwa: —Nayätwa take ch'amani Diosajja; jumasti nayan nayrakatajjanjja cheka asqui sarnakam,

Génesis 5:24

Enocajj Diosan munañaparjam sarnakatapatjja, mä uruw chhaktjjäna, Diosaraquiw juparojj irpasjjatayna.

Jeremías 38:20

Jeremiasasti ucjjarojj saraquïnwa: —Juma jach'a reyejj janiw jupanacan amparaparu jalt'cätati. Jach'a rey, jumajj jaysam Tatitun arunacaparu cuntejj nayajj jumaru yatiycsma uca arunacaru, ucapachasti take cunas waliquïscaquiniwa, janiw jiwayatäcaraquïtasa.

Hechos 9:31

Ucapachasti jach'a samarañaraquiw iglesianacanjja utj-jjäna, Judeana, Galileana, uqhamarac Samariana. Jupanacasti wali ch'amaniraquiw tucjjapjjäna. Tatitur ajjsarasaraquiw sarnakapjjäna. Uqhamatwa Kollan Ajayun ch'amapampejj waljaniptapjjaraquïna.

Romanos 11:29

Cuntejj Diosajj churqui ucjja janiw aparasquiti, ni jupan jawsatapsa mayjt'ayquiti.

Romanos 12:1

Uqhamasti jilatanaca, Diosan qhuyapayasiñap laycuw achict'apjjsma, jumanacajj Diosarojj jacquir ofrendjamay loktasipjjam, Diosar cusisiyquiri loktata. Ucawa Diosataquejj ajayu token chekpach Diosar sirviñajja.

1 Corintios 4:16

Ucatpï achict'apjjsmajja: “Nayjam sarnakapjjam” sasajja.

2 Corintios 10:1

Naya Pablow jumanacarojj Tatitun munasiñap laycu achict'apjjsma. Cunapachatï jumanacampïcta ucqhajja: “Wali llamp'u jakew” sapjjetuwa. Ucampis jumanacat jayancjjta ucqhajja: “Khoru jakew” sapjjaraquituwa.

2 Corintios 5:20

Uqhamajj Diosan qhitanacapjamawa jumanacar jutapjjsma, Dios quicpas jumanacar achict'apquiristam nanac toke uqhama. Tatitun sutipjjaruw achict'apjjsma: sumancthapjjapjjamay Diosampejja.

2 Corintios 6:1

Nanacasti Diosan luräwipan irnakerinacjamajja, jumanacarojj achict'apjjsmawa, jan ina ch'usaru apt'apjjamti cuna qhuyapayasiñtï Diosajj uñacht'ayapctam ucjja.

Gálatas 4:12

Jilatanaca, achict'apjjsmawa nayjama tucupjjañamataqui, nayajj jumanacjamaw tucuwayta. Janiw nayarojj cuna jan walsa lurapquistati.

Efesios 2:10

Diosaw jiwasanacar luristu, Cristo Jesusampi asqui luräwinac lurañasataqui, jupan nayratpach waquicht'ataparjama.

Efesios 3:1

Ucatpï naya Pablojj Cristo Jesús laycu preso catutätjja jumanacataqui jan judiöpctas ucanacatac asqui.

Efesios 4:17

Acwa jumanacar sapjjsma uqhamarac ewjjt'apjjsma Tatitun sutiparu: Jan juc'ampejj Diosaru jan uñt'apqui uca jakenacjamajj sarnakapjjamti. Jupanacasti jan cunatac sirvir amuyt'anacaparjamaw jacapjje.

Efesios 4:4

Mä sapa cuerpoquiw utji, mä sapa Ajayuquiraqui, cunjämtejj Diosajj mä sapa suyt'añaruc jawsapctamjja uqhama.

Efesios 5:2

Munasiñan jacapjjam, cunjämtejj Cristo Tatitojj munasquistu uqhama. Jupajj jiwasanac laycuw jacañap apt'asi, mä wilañchat ovejar uñtata, Diosatac suma k'apquir ofrenda loktasa.

Filipenses 1:27

Take jumanacasti Jesucriston arunacaparjam sarnakapjjam. Nayasti jutcäsa jan ucajj jayanccäsa, yatiñwa munta jumanacatjja suma yatiyäwinaca, ch'amampi sarantasa mä jakjamaqui, uqhamarac khespiyasiña arunacar iyawsäwi laycusti takenisa mayaqui nuwasïwincasasa,

Filipenses 3:14

cawqharutejj puriñasäqui, ucar puriñataqui, alajjpachan chürawi catokañataqui, cunataquitejj Diosajj Cristo Jesús tokejj jawsquistu uc catokañataqui.

Colosenses 1:10

Mayipjjaractwa jumanacajj Tatitunquirjama sarnakapjjañamataqui, uqhamarac cunatejj jupataquejj asquïqui ucanac lurapjjañamataqui, uca suma luräwinacamajj mä suma cosechjama utjañapataqui, Diosarus juc'ampi sumrac uñt'apjjañamataqui.

Colosenses 2:6

Ucatpï cunjämtï Tatitur iyawsapctajja, uqhamaraquiw mayaqui jupampi jacapjjañamajja.

Colosenses 4:12

Epafras jilatasti Criston sirviripawa, jumanaca taypit misturiraquiquiwa, jupasti jumanacarojj aruntanipjjaractamwa. Jupasti jumanacataquejj walipuniw Diosatjj mayisqui jumanacan sum sayt'asipjjañamataqui, uqhamarac Diosan munañap lurañaru suma catuyatäpjjañamataqui.

1 Tesalonicenses 2:12

Ewjjt'apjjaraquïyäsmawa Diosanquirinacjama sarnakapjjañamataqui, cawquïritejj marcapataqui, c'ajquir cancañapataqui jawsapctama ucaru.

2 Tesalonicenses 1:11

Aca amtäwimpiw jumanacataqui Diosar mayipjjtjja Diosajj jumanacar asquit uñt'apjjañapataqui aca jupan jawsäwipana; uqhamaraquiw Diosar mayipjjaracta take suma amtäwinacamarojj ch'amapampi phokhasiñapataqui, cuna luräwinactï iyawsañ toke lurapcta ucanacasa.

2 Timoteo 1:9

Diosajj khespiyistuwa, jawsaraquistuwa juparu catuyata jacañasataqui, ucasti janiw jiwasan cuna asqui luratas laycuti, jan ucasti uqhamänwa jupan amtäwipajja, uqhamarac Cristompi mayachasitas laycuw munasiraquistu. Diosasti munasistuwa, aca orakejj janïra utjcän ucqhatpacha.

Tito 2:10

Janiraqui lunthatasipjjpasa, jan ucasti suma cheka jakenacäpjjpan, jacäwinacapajj takens uñjcata, Khespiyir Diosan yatichäwipajj sumätapa yatipjjañapataqui.

Hebreos 13:21

Diosasti jumanacarojj k'om tucuypan, sumaquiraqui take cunansa, munañapa lurasiñapataqui, jiwasampisti cuntejj lurañ munqui uc luristpan, Jesucristo toke. ¡Jesucristojj jach'achatäpan wiñayataqui! Uqhamäpan.

Hebreos 3:1

Uqhamajj Diosar catuyat jilatanaca, jumanacasti qhitinacarutï Diosajj jupatac jawsapctam ucanacäpjjtawa. Wal amuyapjjam Cristo Jesusatjja, jupasti iyawsañan arcäwisanjja mä apostolowa jilïri sacerdoteraqui.

1 Pedro 2:11

Munat jilatanaca, sarir jakenacarjamaw achict'apjjsma, jan janchin munañanacaparjamajj jacapjjamti, uca janchin munañanacapasti almas contraw nuwasiñ muni.

1 Pedro 3:9

Jan ñankhat ñankhjja cutt'ayapjjamti, ni jan wali arut jan wali arsa cutt'ayapjjaraquimti. Jan ucasti asqui arumpi cutt'ayapjjam, Diosasti bendición catokapjjañamataquiw jumanacarojj jawsapjjtam.

1 Pedro 5:10

Ucampis uca mä juc'a urunacana t'akhesipjjatama pasjjepansti, Diosajj jumanacarojj sumwa tucuyapjjätam, sum sayt'ayapjjaraquïtam. Uca Diosasti qhititejj take bendicionanac churquistu ucawa, uqhamarus Jesucristompi chicäñasataquiraquiwa jawsistu wiñayataqui.

2 Pedro 1:3

Diosaw jach'a ch'amapampi churistu take cuntejj jacañataqui munctansa ucanacjja, uqhamarac jupar munañsa churaraquistu, qhititejj jach'a ch'amapampi, uqhamarac muspharcañ luräwinacapampi jawsquistu ucar uñt'ayasajja.

2 Juan 1:5

Jichhasti cullaca, achict'assmawa maynit maynicam munasipjjañäni. Aca kellkanipcsma ucajja janiw machak camachïquiti, jan ucasti acajj kalltäwitpacha utjistäna ucawa.