Efesios 2:5 - Qullan Arunaca

⁵ Ucatwa Cristomp chica jacañ churistu, juchanacasan jiwatascchïyätan ucasa. Uqhamajj jumanacajj Diosan qhuyapayasiñapatwa khespiyatäpjjtajja.

Aymar Bibliia 1986

⁵ Ucatwa Cristomp chica jacañ churistu, juchanacasan jiwatascchïyätan ucasa. Uqhamajj jumanacajj Diosan qhuyapayasiñapatwa khespiyatäpjjtajja.

Qullan Arunaka DC

⁵ Ukat Cristompi chika jakañ churistu, juchanakasan jiwataskchïyätan ukasa. Jumanakax Diosan khuyapayasiñapat qhispiyasiñ katuqapxtaxa.

Efesios 2:5 Jak'a apnaqawi uñst'ayäwi

Lucas 15:24

Aca wawajjasti jiwatänwa, jichhasti jactanjjewa; chhakatänwa, jichhasti jicjjatatäjjewa’ sasa. Ucat fiesta lurañ kalltapjjäna.

Juan 5:21

Cunjämtejj Awquejj jiwatanacar jactayejja, uqhamarac jacañ churi, Yokapajj qhitinacarutejj munqui ucanacarojj jacañjja churaraquiwa.

Juan 6:63

Ajayuw jacañ churi, janchejj janiw cunataquis asquïquiti. Cunanactï nayajj jumanacar parlapcsma ucajja chekpach ajayun jacañ churir arunacawa.

Hechos 15:11

Ucatsipana jiwasanacajj yatipjjtanwa: Tatit Jesusan qhuyapayasiñapat khespiyatätasjja, jupanacjamaraqui —sasa.

Romanos 16:20

Samarañ churir Diosajja janc'aquiw supayarojj ch'usaru tucuyani, jumanacampi uca supayaru takjjatayasa. Jesús Tatitusajj jumanacarojj bendispan.

Romanos 3:24

Ucampis Diosajj jupan jach'a munasiñapanjja ina ch'usatacwa catokestu, Jesucristo tokwa jiwasanacarojj khespiyaraquistu.

Romanos 4:16

Abrahamar arsutäcäna wawanacapataquisa ucajja, iyawsäw tokew phokhasiñapäna mä wajjt'asïwjama catokañataqui. Ucasti janiw leyirjam sarnakerinacataquïquiti, jan ucasti Abrahamjam iyawsirinacataquiraquiwa. Ucatwa jupajj take jiwasanacan awquisajja.

Romanos 5:10

Diosan uñisiripäcasinsa Dios quipcaw sumancthapiyistu jupan Wawapan jiwatap toke, ucataracwa jichhajj uca Wawapan jacäwip toke khespiyatäñäni, jupampi sumancthapitas laycu.

Romanos 5:6

Cunapachatejj jiwasanacajj jan ch'amanïcäyätan jiwaspacha khespiyasiñataquejja, ucapachaw Cristo Tatitusajj horasapar jiwawayi jiwasan juchanacas laycu.

Romanos 5:8

Ucampis Diosajj munasiñapwa uñacht'ayistu, cunapachatejj jiwasanacajj juchanïscäyätan ucapachaw Cristojj jiwasanac laycu jiwawayi.

Romanos 8:2

Ajayun jacañanjja, Cristo Jesús tokew nayarojj juchan munañaparjam sarnakañatjja khespiyitu, uqhamarac jiwañatsa.

2 Corintios 13:14

Jesucriston bendicionapasa, Diosan munasiñapasa, Kollan Ajayun jiwasampïñapasa jumanacampipunïpan.

Efesios 2:1

Diosajj Cristomp chicaw jumanacar jacañ churapjjtam, jan wali luräwinacamana uqhamarac juchanacaman jiwatäsipcäyätas ucqha.

Efesios 2:8

Diosan munasiñapatwa jumanacajj khespiyatäpjjtajja iyawsañ laycu. Acasti janiw jumanacan luräwinacamäquiti, jan ucasti Diosaw jumanacar churapjjtam.

Efesios 5:14

Ucatpï aqham sejja: “P'arjjtasim, juma iquirejja; jiwatanac taypit sarthapim, Cristow khant'ätam” sasa.

Colosenses 2:13

Qhä urunacansti jumanacan ajayunacamanjja jiwaratäsipcäyätaw juchanacam laycu, uqhamarac jan circuncidatäpjjatam laycu. Ucampis jichhajj Diosajj jacañwa churjjapjjtam Cristompi chica, take juchanacamatsa perdonasaraqui.

Tito 2:11

Diosasti uñachayistuwa qhuyapayasiñapjja khespiyasiñap apanisa take jaketaqui.

Tito 3:5

janiw cuna asqui luratas laycuti, jan ucasti qhuyapayasiñap laycuwa khespiyistu jarekäwi toke. Kollan Ajayu toke machakat naciyaraquistu machak jacañ churasa.

Apocalipsis 22:21

Tatit Jesucristoy take jumanacaru qhuyapayasiñapa churanpan.