Efesios 2:1 - Qullan Arunaca

¹ Diosajj Cristomp chicaw jumanacar jacañ churapjjtam, jan wali luräwinacamana uqhamarac juchanacaman jiwatäsipcäyätas ucqha.

Aymar Bibliia 1986

¹ Diosajj Cristomp chicaw jumanacar jacañ churapjjtam, jan wali luräwinacamana uqhamarac juchanacaman jiwatäsipcäyätas ucqha.

Qullan Arunaka DC

¹ Jumanakax nayrax ñanqha lurañanakana, jucha lurañanakan jakasax

Efesios 2:1 Jak'a apnaqawi uñst'ayäwi

Génesis 8:21

Cunapachatejj Tatituru ucqha suma k'aphejj purïna ucqhajj Tatitojj aqham sänwa: “Janipuniw mayampsa aca orakerojj maldiscjjäti jaken juchap laycojja, jakesti waynatpacha ñankha lurañacpunwa amtasquejja. Janiraquiw animalanacarojj mayampsa tucj-jjäti, cunjämtejj jichhajj lurcta uqhama.

Mateo 8:22

Jesusasti saraquïnwa: —Arquita, jiwatanacajj jiwat masiparojj imascpan sam —sasa.

Lucas 15:24

Aca wawajjasti jiwatänwa, jichhasti jactanjjewa; chhakatänwa, jichhasti jicjjatatäjjewa’ sasa. Ucat fiesta lurañ kalltapjjäna.

Lucas 15:32

Ucampis jichhajj waquisiw fiesta lurañajja, cusisiñasasa, jilamasti jiwatänwa, jichhasti jactanjjewa: chhakatänwa, jichhasti jicjjatatäjjewa’ ” sasa.

Juan 10:10

“Lunthatajj jutiwa lunthatasiñataqui, jiwayañataqui, tucjañataqui, ucampis nayajj juttwa jacañanïpjjañamataqui, uqhamarac jilarquir jacañanïpjjañamataquiraqui.

Juan 14:6

Jesusajj saraquïnwa: —Nayätwa thaquejja, chekasa, jacañasa. Naya tokequiw Awquin ucar puriñajj utji.

Juan 5:21

Cunjämtejj Awquejj jiwatanacar jactayejja, uqhamarac jacañ churi, Yokapajj qhitinacarutejj munqui ucanacarojj jacañjja churaraquiwa.

Juan 5:25

Khanacwa sapjjsma, horasajj puriniwa, jichhpacharaquiwa, jiwatanacajj Diosan Yokapan arupjja ist'apjjani, qhitinacatejj ist'apcani ucanacajja jacapjjaniwa.

Romanos 8:2

Ajayun jacañanjja, Cristo Jesús tokew nayarojj juchan munañaparjam sarnakañatjja khespiyitu, uqhamarac jiwañatsa.

1 Corintios 15:45

Diosan Arunacapasti saraquiwa: “Nayrïri Adán jakejj mä jacquir jakewa tucuwayjje” sasa, ucampis khepa Adanasti jacañ churir ajayuruw tucuraqui.

2 Corintios 5:14

Criston munasiñaparaquiw jariyapjjetu, maynin takenitaqui jiwatap yatjjasina, ucataracwa takenisa jiwapjjaraqui.

Efesios 4:18

Uca amuyunacapasti ch'amact'atawa, chuymanacap kalarayasipjjatap laycusti janiw cuns yatipquiti, ucatwa Diosat jutqui uca jacañsa jan catokapquiti.

Efesios 5:14

Ucatpï aqham sejja: “P'arjjtasim, juma iquirejja; jiwatanac taypit sarthapim, Cristow khant'ätam” sasa.

Colosenses 2:13

Qhä urunacansti jumanacan ajayunacamanjja jiwaratäsipcäyätaw juchanacam laycu, uqhamarac jan circuncidatäpjjatam laycu. Ucampis jichhajj Diosajj jacañwa churjjapjjtam Cristompi chica, take juchanacamatsa perdonasaraqui.

1 Timoteo 5:6

Ucampis cawquïri ijmatejj jaccasinjja janchin munañaparjamac sarnakchi uquïrejja, jiwatäcaspas uqhamawa.

1 Juan 3:14

Jiwasajj jiwañat jacañaruw pasawayjjtan, acsti yatiwaytanwa jilanacasaru munatas laycu. Qhititejj jake masipar jan munqui ucajja jiwataquïsquiwa.

Apocalipsis 3:1

“Sardis iglesiancquis uca angelaru kellkasin apayaraquim: ‘Aqham siw Diosan pakallko ajayupanïqui, uqhamarac pakallko warawaranïqui ucajja: ‘Take luratanacamwa nayajj yatta; yatiractwa jiwatäjjatamsa, yakhanacajj jacasquirita uñt'apcstam ucasa.