Efesios 1:14 - Qullan Arunaca

¹⁴ Kollan Ajayuwa jiwasanacan arjjatirisajja cawquïr wajjt'asïwtejj Diosajj churquistani uc catokañasataquejja. Ucsti catokañäniwa cunapachatejj jupanquirinacan khespiyasiñapajj phokhatäjjani ucqha, jupajj jach'a Diosätap laycu yupaychatäñapataqui.

Aymar Bibliia 1986

¹⁴ Kollan Ajayuwa jiwasanacan arjjatirisajja cawquïr wajjt'asïwtejj Diosajj churquistani uc catokañasataquejja. Ucsti catokañäniwa cunapachatejj jupanquirinacan khespiyasiñapajj phokhatäjjani ucqha, jupajj jach'a Diosätap laycu yupaychatäñapataqui.

Qullan Arunaka DC

¹⁴ Qullan Ajayuwa jiwasanakan arxatirisaxa, Diosax waxt'äwip jiwasar churkistani uk katuqañasataki, uksti kunapachatix jupankirinakan qhispiyasiñapax phuqhatäxani ukkhaw katuqañäni, taqpachani jupan jach'a muspharkañ ch'amapat jach'añchañasataki.

Efesios 1:14 Jak'a apnaqawi uñst'ayäwi

Salmos 74:2

Nayra pachatpach jicjjatasit marcamat amtasim, jumancañapatac khespiyat marcamat qhuyapayasim, utjäwim uchasit Sión kollut amtasiraquim.

Salmos 78:54

Diosaw marcaparojj kollan oraker irpantäna, jupan cutsuyasit kollunacaruw puriyäna.

Lucas 21:28

Cunapachatï acanacajj pasañ kalltani ucqhajja, ch'amachasipjjam, uqhamarac suyapjjam janc'aquiraquiw khespiyatäjjapjjäta.”

Hechos 20:28

Uqhamasti jumanac quicpa amuyasipjjam, take iyawsirinacarus uñjapjjaraquim. Ucataquiw Kollan Ajayojj Tatitun iglesiap uñjapjjañamataqui ajllipjjtamjja. Tatitusti wilapampiw uca iglesiap alasiwayi.

Hechos 20:32

“Jichhasti jilatanaca, Diosaruw catuyapjjsma, uqhamarac jupan munasiñ arunacaparu. Jupasti wali ch'amaniw jumanacar ch'amañchañataqui, uqhamarac mä herencia jumanacar churañataqui, take ajllitanacapamp chica.

Romanos 8:23

Janiw aca orake sapaqui t'akhesquiti, jan ucasti jiwasanacas uca quipcaraquiw t'akhestanjja, Ajayojj niyaw jiwasjjancjje, cunatï walja catokañäquis ucan kalltapawa utj-jjestu. Jiwasanacasti aykopjjaractanwa cunürutejj Diosajj wawanacapjama tucuyquistani uca uru suyt'añana cunapachatejj janchinacasajj khespiyat uñjascani uca uru.

1 Corintios 1:30

Jumanacarusti Dios quipcaw Jesucristompi mayaruqui tucuyapjjtam uqhamaraquiw Diosajj jiwasan yatiñ cancañasjja Jesucristompi utjayi. Uca Jesucristo tokeracwa khespiyistu, jupar catuyata tucuyaraquistu.

2 Corintios 1:22

Mä sellompjamaraquiw jiwasanacarojj chimpt'istu, chuymasarusti Kollan Ajayu ucharaquistu, cuntejj churapjjämaw sisquistu uc catokañajj phokhasiñapataqui.

2 Corintios 5:5

Acataquisti Dios pachparaquiw waquichistu, Kollan Ajayu churaraquistu cuntejj catokcañäni uca chekpachan catokañasataqui.

Gálatas 4:6

Uqhamajj jupan wawapätasa uñacht'ayañataquejja, Diosajj Yokapan Ajayupwa chuymanacasar qhitaniraqui, uca Ajayusti arsuwa: “¡Awquejja!” sasa.

Efesios 1:11

Cristompïtas laycuwa Diosajj nayratpacha ajlliwayistu, cuntejj jupajj jiwasanacar churañapäcän uc catokañasataqui. Take acanacasti Diosan amtäwiparjamawa, cawquïritejj take cuns lurqui cunatejj jupataquejj asquïqui uqhamarjama.

Efesios 1:12

Ucjj luriwa jiwasanacajj Cristoru nayrakat iyawsapjjtan ucanacajj Diosatac jacañasataqui, jach'a ch'amanïtapat jupar yupaychañasataqui.

Efesios 4:30

Diosan Kollan Ajayuparojj jan llaquisiyapjjamti, Diosanquirinacajj uca Ajayump sellatäpjjtawa uqhamat uñt'atäpjjañamataqui cunürutejj jupajj phokhat khespiyasiñ churapcätam ucürcama.

1 Pedro 2:9

Ucampis jumanacajj ajllit jakenacäpjjtawa, reyir sirviri tucuyat sacerdotenacäpjjaractawa; mä k'oma marcäpjjtawa; Diosan ajllisit marcapäpjjaractawa. Acasti lurasiwa, jumanacajj Diosan muspharcañ luräwinacap yatiyapjjañamataqui. Uca Diosaraquiw jumanacarojj ch'amacat irpsusinjjapjjtam, suma muspharcañ khanapar mantjjapjjañamataqui.