Eclesiastés 9:12 - Qullan Arunaca

¹² Maya toketjja, janipuniw qhitis yatisquiti cuna horasas jupar wact'ani ucjja; cunjämatejj chawllanacajj känan catuntatäpjjejja, jamach'inacas sipitaru jalt'apjjejja, uqhamaraquiw jakejj jan amuycay horasaw mä jan walt'añan catuntat uñjasi.

Aymar Bibliia 1986

¹² Maya toketjja, janipuniw qhitis yatisquiti cuna horasas jupar wact'ani ucjja; cunjämatejj chawllanacajj känan catuntatäpjjejja, jamach'inacas sipitaru jalt'apjjejja, uqhamaraquiw jakejj jan amuycay horasaw mä jan walt'añan catuntat uñjasi.

Qullan Arunaka DC

¹² Mä tuqitxa, jaqix janiw jan walt'añan uñjasiñap yatiskiti: kunjämatix chawllanakax qänan katuntatäpki, jamach'inakas sipitar jalt'apki, ukhamarakiw jaqix jan amuyaski ukkhax jan walt'añampi katuntat uñjasi.

Eclesiastés 9:12 Jak'a apnaqawi uñst'ayäwi

Salmos 11:6

Tatitojj ñankha lurir jakenacjjarojj nina sanc'ampi, asufremp jalluyanini; ch'aman thayampiw jupanacarojj naqhantayani. ¡Tatitojj lurataparjamaw mutuyani!

Proverbios 24:22

Jupanacan tucusiñapajj acatjamatwa purinini, ucatsti Diosampi, reyimpi mutuycani ucjja janiw qhitis yatquiti.

Proverbios 29:6

Ñankha lurir jaken sipitapajja, jupan pachpa jucha luratapawa, ucampis cheka lurir jakesti cusisitaw c'uchiqui jacasi.

Proverbios 6:15

Ucatsti juparojj jan walt'añajj acatjamatwa catuntani; jupajj mä nayra ch'ipjjtanac tucjatäni, jan cutjcay tucjataw uñjasini.

Eclesiastés 3:19

Chekpachansa jakenacasa animalanacasa pachpa tucuyaniquïpjjewa: maynis maynisa pachpaw jiwapjjani, takenitaquisa pachpa samsuñaquiw utji. Jakesti animalatjja janiw cunans jilancquiti; take cunas inamayaquiwa.

Eclesiastés 8:11

Jan wali luratanacapata jan jucha uñt'ayatajja, jakenacarojj jan walinaca luraña juc'amp yatichi.

Eclesiastés 8:8

Jacaña catjjäsiñataquejja janiw qhiti ch'amanis utjquiti, jiwañjjarus janiw qhiti ch'amanis utjcaraquiti. Janiw qhitis jaltcaspati uca nuwasïwitjja. Ñankha jakerusti janiraquiw jan wali luratapasa khespiycaspati.

Eclesiastés 9:13

Aca orakenjja uqhamaraquiw uñjaracta, ucasti amuyatajjatjja jach'a yatichäwiniwa.

Isaías 24:18

Jiwayirinacat jaltirejja, p'iyaruw jalantani, uca p'iyat misturisti sipitaruraquiw jalt'ani. Alajjpachatsti walipuniw jallojj purinini, aca oraken cimientonacapas qhathatipjjaraquiniwa.

Isaías 30:13

ucatpï jumanacajj juchanïpjjtajja. Mä jach'a alto c'ac'at perkar uñtatäpjjtawa, uca perkasti jan amtat horasaruraquiw liwisi;

Ezequiel 32:3

‘Aqham siw Tatitojja: Walja marcanac taypincascamsa, nayajj känajjwa jumjjarojj jakjjatanëjja, ucampiw catuntaraquïma.

Oseas 7:12

Ucampis cunapachatejj ucar sarapcani ucqhajja, känajjwa jupanacjjaru jacjjatäjja: Alajjpach jamach'inacjamwa willirpayaraquï, ñankha lurapjjatanacap laycuw jupanacarojj catjäjja.

Oseas 9:8

Diosasti profetaparojj Efrainar uñjañapataquiw uscusi, ucampis jumanacajj sarnakañanacaparojj sipitanac uscupjjtajja; Diosan templopansa uñisisipcactawa.

Lucas 12:20

Diosasti juparojj siwa: ‘Pisi amuyt'an jake, jichha arumpachaw jiwjjäta; cuntejj imasiscta ucasti ¿qhititaquiraquïni?’ sasa.

Lucas 12:39

Ac yatipjjaraquim: Mä utanitejj cuna horasa lunthatan jutañapa yatispa ucqhajja, janiw iccaspati, ni lunthatarus utaparojj cun lunthatsuñataquis mantaycaspati.

2 Corintios 6:2

Arunacapansti saraquiwa: “Mä suma asqui horasanwa ist'sma, khespiyasiñ urunwa yanapt'aracsma” sasa. Jichhapï uca asqui horasajja; jichharaquipï uca khespiyasiñ urojja.

1 Tesalonicenses 5:3

Cunapachatejj jakejj aqham siscani: “Take cunas sumaquïsquiwa, janiw cunas pascaniti” sasa, ucqhawa acatjamata jupanacjjaru t'unjäwejj jutani, cunjämtejj mä usur warmerojj parto usojj catuntqui uqhama; ucatjja janiw jaltapcaniti.

2 Timoteo 2:26

Uqhamata p'arjjtapjjañapataqui, ucatsti Supayan sipitapatsa jaltapjjañapataqui, cawquïritejj preso catjjäsqui uqhamarac cuntejj juparojj lurañ munqui ucata.

1 Pedro 2:12

Diosar jan uñt'ir jakenac taypinsti sum sarnakapjjam. Jupanacajj jichhajj jan wali jakenacatjamsa jumanac toke parlapcchi ucasa, jumanacan asqui luratanacam uñjasasti, Diosaruw yupaychapjjaraquini cunürutejj jupajj luräwinacat wayt'ir jutcani ucürojja.

2 Pedro 2:12

Ucampis uca jakenacajj animalanacjam jan amuyt'asirïpjjewa, alekaquiraquiw jacasipqui catusin jiwayatäñataqui. Jan amuyt'asisaquiraquiw cuns parlapjje, ucampis animalanacar uñtataquiraquiw jiwarapjjani,