Eclesiastés 6:11 - Qullan Arunaca

¹¹ Chekpachansa walja parlañanacanjja, jan wali arunacaquiwa utji; ucampisti janiw cuna asqui jicjjatañas utjquiti.

Aymar Bibliia 1986

¹¹ Chekpachansa walja parlañanacanjja, jan wali arunacaquiwa utji; ucampisti janiw cuna asqui jicjjatañas utjquiti.

Qullan Arunaka DC

¹¹ Mayakiw chiqaxa: walja arunak parlañanxa, axtañ arunakaw utji; ukampix janiw kuna asksa jikxatksnati.

Eclesiastés 6:11 Jak'a apnaqawi uñst'ayäwi

Salmos 73:6

Ucat jach'achasiñajj collarapar tucu, nuwasiñasti isipar tucuraqui;

Eclesiastés 2:15

ucatwa sista: “Cunatejj pisi amuyt'aniru suyt'asquejja ucaraquiw nayarojj suyt'araquitu, uqhamasti wali yatiñanïñajjajja janiw nayataquejj cuna asquïquisa.” ¡Ucasa inamayaquiwa!

Eclesiastés 3:19

Chekpachansa jakenacasa animalanacasa pachpa tucuyaniquïpjjewa: maynis maynisa pachpaw jiwapjjani, takenitaquisa pachpa samsuñaquiw utji. Jakesti animalatjja janiw cunans jilancquiti; take cunas inamayaquiwa.

Eclesiastés 4:16

Jupajj walja jan jact'caya jakenacarusa apnakcchini ucasa, janiw uca jakenacasa, wawanacapasa jupampejj cusisitäpcaniti khepürunjja. Ucasti inamayaraquiquiwa, thayarusa catthapï siscsna uqhama.

Eclesiastés 4:8

Mä sapa chacha, jan amigoni, jan wawanacani, jan jilanacani, janirac cunapachas mä juc'sa samart'quiti, kamir cancañapa uñjañsa karjascaraquiti, jisct'ascaraquisa: “¿Qhititaquis take acanac lurtjja? ¿Cunataquis cusisiñajjsa imt'astjja?” sasajja. Ucampis take acanacajj inamayaquiwa, mä jathi k'epïcaspas uqhama.

Eclesiastés 5:7

Uca laycu, wali lup'iñanacanjja utjiwa cunayman arunaca, uqhamarac jan wali amtañanaca, ucampis jumajj Diosar ajjsaram.

Eclesiastés 6:10

Cunatejj jichhajj utjqui ucajja, uqhampunïnwa, ucasti yatisiwa cunäquitejj uca. Janiw qhitis nuwascaspati jupat sipana jila ch'amanimpejja.

Eclesiastés 6:12

Uqhamasti, janiw qhitis yatquiti cunatejj jaketaqui asquïqui uca inamaya sallkjjata jact'ata jacañapa urunacapana ucjja. Urunacapasti mä ch'iwjamaquiw pasjjani, ucatjja, ¿qhitiraqui yatiyaspasti cunatejj aca oraken pascani, jiwjjani uca khepatsti?

Oseas 12:1

“Efrainajj thaya pitaquiw sarnake; sapürusa inti jalsu toket jutiri thayaruquiw arcasqui. C'arisiñanacapampi, nuwasiñanacapampisti waliw jiljjattaraqui, Asiriampisti arust'asiraquiwa, Egiptorusti aceitenacrac apayi.”