Eclesiastés 5:13 - Qullan Arunaca

¹³ Aca orakenjja chekpachansa uñjtwa wali llaquiscaya, kamirejj yänacapjja jupan jan walt'añapataquiquiw imasi;

Aymar Bibliia 1986

¹³ Aca orakenjja chekpachansa uñjtwa wali llaquiscaya, kamirejj yänacapjja jupan jan walt'añapataquiquiw imasi;

Qullan Arunaka DC

¹³ 13 (12) Akapachan sinti llakiskay uñjta: qamir yänak juk'uchañax uywiriparuw jan walt'aykiti;

Eclesiastés 5:13 Jak'a apnaqawi uñst'ayäwi

Génesis 14:16

ucatsti take cuntejj apapcatayna ucanacwa aparanipjjäna. Uqhamwa Abramajj Lot sobrinoparojj khespiyanïna, ucatsti take cunatejj sobrinopancqui ucanacwa cuttayanjjäna. Uqhamaraqui warminacarusa, yakha jakenacarusa khespiyanjjäna.

Génesis 19:14

Lot chachasti tollkanacapan ucaruw saräna, ucanacasti phuchanacapampi casarasiñataqui parlatäpjjänwa, ucatsti jupanacarojj saraquïnwa: —¡Sartasipjjam, ucatsti aca marcat jayar sarjjapjjam, Tatitu Diosaw aca marcjja t'unjani! —sasa. Ucampisa tollkanacapajj janiw Lot chachan aruparojj yäkapcänti,

Génesis 19:26

Ucampisa Lot chachan warmipajja khepatwa jutascäna, ucatsti jupajj khepa uñtäna, ucatsti uca pachparuw jayu kala tucjjaraquïna.

Job 20:20

Janipuniw take cunampis sisthapcänti, janiraquiw juc'ampi munatapampis sisthapcänti;

Proverbios 1:19

Uqhamawa lunthatanacan tucuyäwipajja: jan wali luririnacarojja, pachpa jan wali luratapawa jupar jiwayani.

Proverbios 1:32

Jan yatiñan jakenacarusti jan wali luratanacapaw tucjani, pisi amuyt'an jakenacarusti jan amuyt'asitanacapaw aynacht'ayani.

Proverbios 11:4

Taripäwi urun kamir cancañajj maynirojj janiw yanapcaniti, ucampis cheka cancañajja jiwañatwa khespiyani.

Proverbios 23:4

Jan ch'amañchasimti kamiriptañataqui; ucjjat llaquisiñjja apanucum.

Proverbios 27:24

kamir cancañasa, reyïñasa janiw wiñayäquiti.

Eclesiastés 4:8

Mä sapa chacha, jan amigoni, jan wawanacani, jan jilanacani, janirac cunapachas mä juc'sa samart'quiti, kamir cancañapa uñjañsa karjascaraquiti, jisct'ascaraquisa: “¿Qhititaquis take acanac lurtjja? ¿Cunataquis cusisiñajjsa imt'astjja?” sasajja. Ucampis take acanacajj inamayaquiwa, mä jathi k'epïcaspas uqhama.

Eclesiastés 5:14

mä jan wali alaquip lurirejja tucjaspawa uca kamir yänacapjja, ucatsti mä wawanïchini ucasa, janiw jupar cuna jaytañas utjcjjaniti.

Eclesiastés 8:9

Take acanacwa uñjta aca orakena cunanacatejj lurasqui ucanac uñt'añaru uchasta ucqhajja, uqhamarac jaken ch'amanïtapsa masinacaparu jan walinac lurañataquisa.

Isaías 2:20

Uca urunsti jakenacajj yakha diosanacjja apanucjjapjjaniwa, achacunacaru, uqhamaraqui ch'iñinacaruw churjjapjjani, korit, kollket jupa pachpan lurasit diosanacjja, yupaychañataquiw lurasipjjaraquïna.

Sofonías 1:18

“Tatitun colerasïwi urupanjja, janiw jakerojj khespiycaniti, kollkepasa, koripasa, Diosan ninar uñtat colerasïwipaw takpach marcaru naqhantani uca laycu. ¡Take acapachan jaquir jakenacaraquiwa jan mayani, janc'ac tucjatäni!”

Lucas 16:19

“Mä kamir jakew utjäna, ucasti wali suma lliphipquir isimpiw isthapisirïna, sapüruraquiw jach'a mank'añanaca waquichirïna, jach'a cancañampi.

Lucas 19:8

Ucapachaw Zaqueojj sayt'asi, ucat Tatituru saraqui: —Uñtam tata, take cunatejj utjquitu ucatjja pobrenacaruw chicat churjjä; maynirutejj lunthatsta ucarojja, pusi ucqhampiw cuttayjjä —sasa.