Eclesiastés 5:11 - Qullan Arunaca

¹¹ Ucampis juc'ampi kamirïñanjja, juc'ampiraquiw mank'erinacajj uñsti. Utjirinejja, ¿cuna asquiraqui apsusti nayra mayampi uñjasasti?

Aymar Bibliia 1986

¹¹ Ucampis juc'ampi kamirïñanjja, juc'ampiraquiw mank'erinacajj uñsti. Utjirinejja, ¿cuna asquiraqui apsusti nayra mayampi uñjasasti?

Qullan Arunaka DC

¹¹ 11 (10) ukampis, yänakax juk'ampi utjki ukkhaxa, mäkiw tukusxi. ¿Kuna askirak apsusti nayra mayamp uñxatasasti?

Eclesiastés 5:11 Jak'a apnaqawi uñst'ayäwi

Génesis 12:16

Sarai laycusti faraonajj Abramarojj wali sumwa uñjäna. Ucatsti ovejanaca, vacanaca, esclavonaca, esclavanaca, asnonaca, camellonaca cunwa Abramarojj churaraquïna.

Génesis 13:2

Abramajj wali kamirïnwa, jupansti utjänwa kori, kollke, uqhamarac walja uywanaca.

Proverbios 23:5

Kamir cancañajj mä juc'ataquiquiwa; mäquiraquiwa tucusjje, cunjämatejj pacajj chhekhanëjjasin mäqui thoktawayjjejja uqhama.

Eclesiastés 11:9

Jumajj wayna cusisim, wayna cancañamana; c'uchiqui sarnakaraquim waynäcasina. Chuymamajj cawquirutejj sarañ munqui, nayramas cuntï uñjqui ucar sararaquim; ucampis amtasim take ucanacatjja Diosar cuenta churañamäniwa.

Eclesiastés 2:9

Nayajj jach'apuniw tucjjäyäta, uqhamarac qhitinacatejj nayat nayra Jerusalenan jacapcäna ucanacat sipansa, juc'amp yänacanïyätwa. Ucjjarusti take yatiñjja janiw chhaktaycäyätti.

Eclesiastés 5:12

Qhititejj irnakqui, juc'sa waljsa mank'chi ucajja, sumaw ict'asi; ucampis kamirirojja janiw iquiyquiti kamir yänacapajja.

Eclesiastés 6:9

Asquiwa nayrampi uñjañajja, uñjaña munañata sipansa. Ucampis ucajja inamayaraquiquiwa, thayarusa catthapï siscsna uqhamawa.

Jeremías 17:11

Jan chekapa lurasa kamiriptiristi, yakha c'awnanacjjaru tokori p'isakjamawa. Walt'casinwa kamir cancañapjja apanucuwayani, tucuyarusti take ucanacjjarojj mä lokhequiraquïniwa.

Habacuc 2:13

Take ch'aman Diosajj inamayaruw luratanacamjja tucuyani, jan inact'atanacamsa, take luratanacamaw ninampi tucjatänejja.

1 Juan 2:16

Take cuntejj acapachajj churañatac uñacht'ayqui ucajja, janiw Dios Awquit jutquiti, jan ucasti acapachatwa juti. Janchin jan wali munañanacapa, cuntejj nayrajj uñjquis ucansa munañanaca, jach'a jach'a tucuñanaca, take ucanacwa acapachajj churañ muni.