Eclesiastés 2:4 - Qullan Arunaca

⁴ Jach'a luräwinacwa lurta; palacionacwa sayt'ayta; uvas yapunacajjas utjaraquituwa.

Aymar Bibliia 1986

⁴ Jach'a luräwinacwa lurta; palacionacwa sayt'ayta; uvas yapunacajjas utjaraquituwa.

Qullan Arunaka DC

⁴ Jach'a lurañanak lurta; reyi utanak utachasta; uva yapunakaw utjitäna.

Eclesiastés 2:4 Jak'a apnaqawi uñst'ayäwi

Génesis 11:4

Ucatsti sapjjaraquïnwa: “Jutapjjam, jichhajj mä jach'a marca sayt'ayañäni, uqhamarac torrepas alajjpachar puriñcama lurasipjjañäni. Uqhamatwa takeninsa uñt'atäñäni, ucatsti janiraquiw take aca orakpacharu aywitatcañäniti” sasa.

2 Samuel 18:18

Jaccasinsti Absalonajj mä jach'a kala perka sayt'ayasiraquïna, ucasti Reyin Vallepanwa jicjjatasiraqui, uca perkarusti sutipwa kellkantaraquitaynajja, jani wawanïtap laycu, uqhamat sutipajj jan chhakhañapataqui. Jichhacamas uca perkajj “Absalonan perkapa” satäscapuniwa.

1 Reyes 15:19

“Jumamp nayampejja mä suma amtäwiru mantañäni, cunjämatï awquinacasajj lurapcäna uqhama. Acajj nayajj apayansmawa kori, kollke jumar wajjt'añataqui. Jichhajja jumajj apanucjjam Israelan Baasa reyimpi suma amtäwir mantatama, uqhamatwa nayarojj samarata jacayitani” sasa.

1 Reyes 9:1

Cunapachatï Salomonajj lurañ tucuyjjäna Tatitun templopa, reyin palaciopa, uqhamarac cuntï jupajj lurañ muncäna ucanaca ucqhajja,

1 Crónicas 27:27

Uva yapuchirinacatjja utt'ayatänwa, Ramat chekanquiri Simei chacha, uqhamarac vinonaca imañanacar apthapiyañataquejja utt'ayatänwa Sefam chekanquir Zabdi chacha.

2 Crónicas 26:10

Ucjjarusti wasaranjja torrenacwa lurayäna, walja uywanacapa jupan utjatap laycusti walja uma phujunacwa jist'arayäna, pamparusa, uqhamarac kollurusa. Jupansti irnakeri jakenacapawa utjäna pampansa, uva yapunacansa. Ucanacasti jupanjja utjänwa kolluna, uqhamarac frutanac achuri alinacasa, jupajj yapu lurañaru munirïtap laycu.

2 Crónicas 8:11

Salomonasti faraonan phuchaparojja Davidana marcapatjja aptayjjaraquïnwa, jupataqui palacio luraycäna ucaru, jupajj amuyänwa Israelanquir David reyin palaciopanjja, warmipan ucan jacañapajj jan asquïtapa, cawqha chekanacarutejj Tatitun arust'äwi arcapajj mantcäna ucqhanacajja kollanätap laycu.

Salmos 49:11

Amay imäwiw wiñay utjäwipajja, ucaw wiñay utapajja, marcanacar sutip churcchi ucasa.

Cantar de los cantares 1:14

Munatajjasti nayataquejj utjir alheña sat pankarjamawa, En-gadi sat uva yapunacana.

Cantar de los cantares 7:12

Arumanthi alwasti uva yapunacaruw sarañäni, inacha ch'ojjñatatjjpacha, pankaranacapasa amuchrantjjpacha, uqhamarac granada achu alinacasa pankarjjpacha. ¡Qhayanwa nayajj munasiñajj catuyäma!

Isaías 5:1

Amigojjan sutipjjaruw k'ocht'asï, uva yapupataquiw mä k'ochu k'ocht'asiraquï. Amigojjajj mä uva yapunïnwa, mä suma achuri orakeniraqui.

Daniel (hebreo) 4:30

ucapachaw jupajj säna: “Uñjapjjam, cunja jach'as Babilonia marcajja. Nayaw jach'a munañajjampi reinojjan jach'a marcapäñapataqui uqham lurayta, uqhamat nayan jach'a cancañajjat yatipjjañapataqui” sasa.