Eclesiastés 12:5 - Qullan Arunaca

⁵ kollu patanacasti ajjsarayaniwa, ucatsti thaquinjja jan walt'añanacaw utjani. Almendrojj pankarañ kalltani, t'ijut'ijusti jathiw tucjjani, alcaparrasti janiw cunataquis asquïcjjaniti. Ucampis jakejj wiñay utjasïwiparuw sarjjani, callenjja niyaw jiwatat jachatanacajja ist'asjje.

Aymar Bibliia 1986

⁵ kollu patanacasti ajjsarayaniwa, ucatsti thaquinjja jan walt'añanacaw utjani. Almendrojj pankarañ kalltani, t'ijut'ijusti jathiw tucjjani, alcaparrasti janiw cunataquis asquïcjjaniti. Ucampis jakejj wiñay utjasïwiparuw sarjjani, callenjja niyaw jiwatat jachatanacajja ist'asjje.

Qullan Arunaka DC

⁵ amsta chiqanakax axsarañ churani, thakhinsti chijinakaw utjani. Almendro alix panqarañ qalltani, t'iju t'ijusti jan walt'añ utjayani, alcaparra alix janiw kunatakis askïkxaniti. Ukampis jaqix wiñay utjasïwiparuw sarxani, jiwatat jachirinakax niyaw marka thakhinakan ist'asi.

Eclesiastés 12:5 Jak'a apnaqawi uñst'ayäwi

Génesis 42:38

Jacobosti saraquïnwa: —Wawajjajj janiw jumanacampi sarcaniti. José jilapajj jiwjjewa, jichhasti jupa sapaquiw jacjjaraquejja. Cuna jan walt'añasa thaquin utjaspajja, jumanacaw juchanïpjjasma aca awquin llaquisiñat jiwañapataquejja —sasa.

Génesis 44:29

Jichhajj mayni wawajjtejj thiyajjat irpasjjapjjaraquiquïtajja, ucat mä cuna jan walis pasascani ucqhasti, jumanacaw juchanïpjjätajja aca awquin llaquiscäwi jiwañapataquejja’ sasa.

Job 15:10

¡Nanacajj jilïri jakenacäjjapjjtwa, awquimat sipansa juc'ampi yatiñanïpjjaractwa!

Job 17:13

Jichhasti jiwañacwa suyt'jjeristjja, ucatsti ch'amacanacan liwitattasina ict'awayjjaña.

Job 30:23

Yatiractwa jumajj nayarojj jiwañaru apañ munatama, cawqharutejj take jakejj puriñapäqui ucaru.

Salmos 71:18

Diosajjay, ch'ama karit pachan uñjascasasa, jank'o ñic'utan pachanccasasa, janiquiy jaytanuct'asistati, jutir mita jakenacar ch'amamat yatiyañajjaw wact'asquitu.

Proverbios 16:31

Jank'o ñic'utanëjjañajja mä suma coronjamawa, cheka thaquin sarnakatata jicjjatatajja.

Proverbios 20:29

Jach'a jach'a tucuñasti waynanacanjja ch'amanacapanquiwa; chuyman awquinacanjja jank'o ñic'utanacapawa mä jach'añchäwejja.

Eclesiastés 9:10

Cuna lurañatejj jumataqui utjcani ucjja ch'amamarjam luram, jumajj sepulcror sarcätas ucanjja janiw cuna lurañas utjquiti, cuna lup'iñasa, uñt'añasa, janiraquiw yatiñanïñasa utjquiti.

Isaías 46:4

Chuymani jakenacäjjapjjät ucqhajj nayajj pachpaquïscäwa; kaka p'ekëjjapjjät ucqhasa uñjasipcaquïmawa. Nayaw jumanacarojj uscusipjjsma, nayaraquiw uñjasipcäma, nayaw uywasipcäma, khespiyapjjaraquïma.

Jeremías 1:11

Tatitu Diosasti saraquituwa: “Jeremías, ¿cunsa uñjta?” sasa. “Mä almendro rama uñjta” sasaw nayajj saracta.

Jeremías 9:16

Cawquïr marcanactejj awquinacapasa ni jupanacasa uñt'apqui uca marcanac tokeruw ananucuraquï; espada ayt'ataraquiw jupanacarojj arcnakayä, jan maynis kheparañapcama.”

Levítico 19:32

“Jilïri jakenac nayrakatansti sayt'asisina jupanacarojj mä suma ajjsart'aña uñacht'ayaraquim. Tatitu Diosamaru ajjsartatamsa uñacht'ayaraquim. Nayätwa Tatitojja.

Hebreos 9:27

Cunjämatejj take maynins mä cuti jiwañapäquejja, ucjjarusti taripäwiw jutaraqui.