Eclesiastés 1:14 - Qullan Arunaca

¹⁴ Ucatsti nayajj amuytwa cunanacatejj aca oraken lurasqui ucanacajja inamayaquiwa, thayarusa catthapï siscsna uqhamaquiwa.

Aymar Bibliia 1986

¹⁴ Ucatsti nayajj amuytwa cunanacatejj aca oraken lurasqui ucanacajja inamayaquiwa, thayarusa catthapï siscsna uqhamaquiwa.

Qullan Arunaka DC

¹⁴ Ukat nayax amuyta, akapachan kunanakatix lurañäki ukanakax inamayakïtapa, thayarus katthapiñ munksna ukhama.

Eclesiastés 1:14 Jak'a apnaqawi uñst'ayäwi

Eclesiastés 12:8

Naya, yatiyirejj, wastatampiw sista: “¡Inamayaquiwa, inamayaquiwa! ¡Take cunas inamayaquiwa!” sasa.

Eclesiastés 2:11

Ucat nayajj lup'ista take luratanacajjata, uqhamarac kawkha ch'amatejj apsutäqui ucanacatsa, ucatsti amuyasiractwa take ucanacajj inamayaquiwa, thayarusa catthapï siscsna uqhamaquiwa, ucatjja janiw cuna asquis aca orakenjja utjquiti.

Eclesiastés 2:17

Nayajj jacañarojj uñisïyätwa, take cunatejj aca oraken lurasqui ucan naya toke sayt'asitap laycu. Take cunasa chekpachanjja inamayaquiwa, ¡thayarusa catthapï siscsna uqhamaquiwa!

Eclesiastés 2:26

Chekpachansa Diosaw churi yatiña, uñt'aña, uqhamarac cusisiña qhititejj jupatacjamäqui ucaru; ucampis jucharar jakerojja lurañwa churi apthapiñataqui, uqhamarac imasitanaca montonañapataqui, ucatsti qhititejj jupatacjamäqui ucar churjjañataqui. ¡Acasti inamayaquiraquiwa, thayarus catthapï siscsna uqhamaquiwa!

Eclesiastés 3:19

Chekpachansa jakenacasa animalanacasa pachpa tucuyaniquïpjjewa: maynis maynisa pachpaw jiwapjjani, takenitaquisa pachpa samsuñaquiw utji. Jakesti animalatjja janiw cunans jilancquiti; take cunas inamayaquiwa.

Eclesiastés 4:16

Jupajj walja jan jact'caya jakenacarusa apnakcchini ucasa, janiw uca jakenacasa, wawanacapasa jupampejj cusisitäpcaniti khepürunjja. Ucasti inamayaraquiquiwa, thayarusa catthapï siscsna uqhama.

Eclesiastés 4:4

Uñjaractwa irnakañanacansa, uqhamarac suma lurañanacansa envidiasiñaquiw utji mayninac toke, ucasti inamayawa, thayarusa catthapï siscsna uqhama.

Eclesiastés 4:6

Ucampis nayajj sistwa: “Mä juc'a samart'añajja asquiwa, pä ch'ama karitat sipansa, thayaru catthapiñ munasa” sasa.

Eclesiastés 6:9

Asquiwa nayrampi uñjañajja, uñjaña munañata sipansa. Ucampis ucajja inamayaraquiquiwa, thayarusa catthapï siscsna uqhamawa.

Eclesiastés 8:16

Aca orakena take cunatejj lurasqui ucanaca yatekañaru, yatiñaru, uñjañaru uchasta ucqhajja juc'ampiwa amuyasta, jakejj janiw amuyt'caspati Diosajj lurqui ucatjja, aca oraken cunanacatejj lurasqui ucatsa, maynejja uruy arumasa jan icthapisa thakascpan. Jakejj wali ch'amanacsa tucchini ucasa, janiw yatjjatcaspati; yatiñan jakejj “Yattwa” sischinisa, chekpachansa janiw jicjjatañataqui ch'amanïcänti.