Daniel (hebreo) 9:9 - Qullan Arunaca

⁹ Ucampisa nanacan Diosajja, jumanquiwa qhuyapayasiñasa, juchat perdonañasa. Nanacasti juma nayrakatan jumataquiw sayt'asipjjta,

Aymar Bibliia 1986

⁹ Ucampisa nanacan Diosajja, jumanquiwa qhuyapayasiñasa, juchat perdonañasa. Nanacasti juma nayrakatan jumataquiw sayt'asipjjta,

Qullan Arunaka DC

⁹ Ukampis nanakan Tatituxay, jumankiw khuyapayasiñasa, juchanak pampachañasa. Nanakax nayraqataman jumatakiw sayt'asipxta,

Daniel (hebreo) 9:9 Jak'a apnaqawi uñst'ayäwi

2 Samuel 24:14

Davidasti Gad profetarojj saraquïnwa: —Janiw cun lurt'irjamäctsa. Jichhajj waliquïspaw Tatitun amparaparu catuyasjjañasajja, qhuyapayasiñapasti wali jach'awa, janiw waquisquiti jakenacan amparanacaparu jalt'añasajja —sasa.

1 Reyes 8:30

Ist'itaya mayisitanacajjaru, uqhamarac Israel marcamarusa cunapachatejj aca chekana oración lurapcan ucqhasa. Jumajj ist'amaya alajjpachatpacha cawqhantejj jactajja ucqhatpacha ucatsti perdonanipjjeta.

Nehemías 9:31

Ucampis jach'a qhuyapayasiñama laycusti janiw take tucjctati, ni jaytanuccaractasa; jumajja suma qhuyapayasiri Diosätam laycu.

Salmos 130:4

Ucampis jumaw juchanacat pampachapjjesta, uqhämat jumar wakaychañ yatichapjjesta.

Salmos 130:7

Israel marca, Tatituruy suyt'am, qhuyapayasiñajj Tatitut juti, khespiyäwipajj jilarquiriw jutaraqui.

Salmos 86:15

Jumasti, Tatay, qhuyapayasir Diosätawa, llamp'u chuymani, munasiñani, asqui Diosätawa.

Salmos 86:5

Tatay, jumajj munasiñanïtawa, juch pampachiriraquïtawa, jumar art'asirinacataquejj qhuyapayasirïtawa.

Isaías 55:7

Khoru jakejj sarnakäwipjja apanucpan, ñankha amtañan jakesti amtañanacapjja apanucpan; Tatitun ucar cuttanjjapjjam, jupasti jumanacatjja qhuyapayasipjjätamwa; Diosasar maqhatjjapjjam, jupasti perdonañataquejj janc'aquiwa.

Isaías 63:7

Nayajj Tatitun munasiñapatwa parlañ munta, yupaychaña k'ochunacap k'ochuña, take cuntejj jupajj jiwasanacatac lurqui ucanacata, Israelan wawanacapataquejj qhuyapayasiñapajj jach'ätapata, cuntejj qhuyapayasiñapanjja lurqui, uqhamaraqui jach'a munasiñapansa, take ucanacata.

Jeremías 14:7

¡Tata, juchanacajjajj nanacatac sayt'cchi ucasa, sutim laycusay nanacat sayt'amjja! Walja cutiw nanacajj jan jumatacjam sarnakapcti, juma nayrakatan jucha lurapjjaracta.

Ezequiel 20:13

Ucampisa jupanacajj wasara tokenjja naya tokew sayt'asjjapjji, leyinacajjarusti janiraquiw jaysapquisa; cuna camachi arunactejj nayajj jupanacaru churcäyät ucanacsa apanucupjjaraquiwa, jupanacasti uca camachi arunacar phokhasajj jacañwa catokapjjasapänjja, uqhamaraqui samaraña urojjsa k'alwa taquisipjjaraqui. Ucatwa nayajj jupanacjjaru colerajj wartaniñ munayäta, pachpa wasaran jupanacar tucjañataqui.

Daniel (hebreo) 9:5

Nanacajj juma nayrakatan jucha lurapjjta, ñankhanacsa lurapjjaracta; cunatejj jan walïqui ucacwa lurapjjtjja, jumaru apanucusaw jacapjjaracta; camachi arunacamsa, arsutanacamsa apanucupjjaractwa.

Daniel (hebreo) 9:6

Jumar sirviri profetanacamarusti jan ist'asaw sarnakapjjaracta, jupanacasti juman sutimjjaruw nanacan reyinacajjaru parlapjjaraquïna, jilïrinacajjarusa, nayra awquinacajjarusa, take Israel marcarusa.

Daniel (hebreo) 9:7

Jumajj, Tata, chekapapunïtawa, ucampisa nanaca judionacajj wali p'enkasipjjta; cawquïrinacatejj Jerusalén marcan jacapqui ucanacjamaraqui, uqhamaraqui yakha israelitanacjamaraqui, uca quipcaraqui cawquïrinacatejj jacapqui yakha marcanacana, uqhamaraqui jumaw ucanacarojj uqham ananucuracta juma nayrakatan sayt'asipjjatap laycu.

Daniel (hebreo) 9:8

Nanacajj, Tata, reyinacaj-jjam, jilïri jakenacaj-jjama uca quipcaraqui nayra awquinacaj-jjama p'enkachjatäpjjtwa, juma nayrakatan sayt'asipjjatajj laycu.

Jonás 4:2

Ucatsti, oracionapanjja Tatitumpiw parläna aqham sasa: — Uñtam, Tata, nayajj cunapachatï orakejjancascäyäta ucqhajj aqham pasañapjja yatipuniyätwa. Ucatwa Tarsis marcaru jaltjjayätjja, ucampis nayajj yattwa jumajj qhuyapayasiri Diosätama, janirac janc'a colerasirïtamsa, wali munasiñanïtam laycojja; mä mutuyäwi apayaniñataquisa yatiycta ucasa amthapisjjtawa uca mutuyäwejj jan lurasjjañapataqui.