Daniel (hebreo) 9:5 - Qullan Arunaca

⁵ Nanacajj juma nayrakatan jucha lurapjjta, ñankhanacsa lurapjjaracta; cunatejj jan walïqui ucacwa lurapjjtjja, jumaru apanucusaw jacapjjaracta; camachi arunacamsa, arsutanacamsa apanucupjjaractwa.

Aymar Bibliia 1986

⁵ Nanacajj juma nayrakatan jucha lurapjjta, ñankhanacsa lurapjjaracta; cunatejj jan walïqui ucacwa lurapjjtjja, jumaru apanucusaw jacapjjaracta; camachi arunacamsa, arsutanacamsa apanucupjjaractwa.

Qullan Arunaka DC

⁵ Nanakax juchachasipxtwa, ñanqhanak lurapxarakta; kunatix jan walïki uk lurapxta; jumar jan yäqasaw jakapxta; kamachi arunakamsa, arsutanakamsa apanukupxaraktwa.

Daniel (hebreo) 9:5 Jak'a apnaqawi uñst'ayäwi

2 Reyes 18:12

Ucasti lurasïnwa jan Tatit Diosapar ist'apjjatap laycu, jan ucasti sumancäwiru mantatäqui ucjja p'aquintapjjänwa. Janiw ist'añ munapcänti cuntï Tatitun sirviripa Moisesajj arsuwaycäna lurapjjañapataqui ucaru, ni phokhapcaraquïnsa.

2 Reyes 21:15

Jupanacan luratanacapasti nayrakatajjanjja jan walinacätap laycu; ucatsti colerayapjjetuwa cunürutejj nayra awquinacapajj Egiptot mistunipcäna ucürut jichhacama” sasa.

Esdras 9:6

aqham sasa: “Nayan Diosajja, Diosajja, nayajj wali p'enkasitätwa, uqhamarac chuymaw chhactaraquitu, janiw cunsa jumarojj oracionan parlquirismati. Nanacan jucha luratanacajjajja sintipuniwa utjapjjetu, alajjpachcamaraquiwa juchanacajjajj purt'araqui.

Salmos 106:6

Nayra awquinacajjar uñtataw jucha lurapjjta, cunayman ñankhanaca, juchanac lurapjjta.

Salmos 119:102

Janiw camächit arunacamat sarakcti, jumaw nayarojj yatichasista.

Salmos 119:176

Chhaker ovejar uñtataw payinucta, nayar thakerejj jutaquimaya, janiw arunacamat armascti.

Salmos 18:21

Nayajj Tatitun thaquipan sarnakta, janipuniw Diosajjarojj armanuccti;

Isaías 53:6

Take jiwasanacaw ovejanacar uñtat saranuctan, chhakharactan, sapa maynis pachpa thaquipa sarasa, ucampis Tatitojj juparuw apjjaruyi jiwasan ñankha luratanacasjja.

Isaías 59:13

Tatitutaquiw sayt'astanjja, chuymanacasansti janiraquiw jupatacjamäctanti, Diosasarusti janiraquiw arcañ muncayätanti, jaker nuwañampita jan wali lurañampitacpunwa parlascayätanjja, mayninacar sallkjañataquiquiw take cunsa amtascäyätanjja.

Isaías 64:4

Janipuniw cunapachas ist'asquiti ni uñjascaraquisa, jumat sipana yakha diosan utjatapajja, qhititejj take ucanac lurcaspa, qhitinacatejj jupar iyawsqui ucanacataquejja.

Jeremías 14:20

Tata, nanacajj juchanacajj-jja uñt'asipjjtwa, uqhamaraqui nayra awquinacajjan juchanacapsa; juma nayrakatan juchjja lurapjjaracta.

Jeremías 14:7

¡Tata, juchanacajjajj nanacatac sayt'cchi ucasa, sutim laycusay nanacat sayt'amjja! Walja cutiw nanacajj jan jumatacjam sarnakapcti, juma nayrakatan jucha lurapjjaracta.

Jeremías 3:25

Jichhajj amuqui p'enkasiñatsa alt'asipjjañäni, mä p'enkan imjjatatjama, jiwasasti wawatpacha jichhacamajja, awquinacasasa juchanacacwa Dios Tatitutaquejj lurtanjja, janiraquiw juparojj jaysctanti.”

Jeremías 30:14

Take munirinacamasti apanucuwayjjapjjtamwa, janiw jumat amtascjjapjjaraquiti. Nayaw jumarojj uqham chhojjriñchsmajja, uñisirimäquiristsa uqhama jan qhuyapt'ayasisaw mutuyämajja, walja jach'a juchanac luratam laycuw uqham lursmajja.

Jeremías 44:3

cunayman casta ñankhanac lurapjjatanacap laycu. Yakha diosanacaru quillt'asisa, ucanacaru inciensonaca loktasisaw nayarojj ñankhachapjjetu; uca diosanacampisti janiwa jumanacasa, ni nayra awquinacamasa cuna lurañanacamasa utjcänti.

Lamentaciones 1:18

Tatitojj lurañapwa lurasqui, nayan camachi arunacapataqui sayt'asitajj laycu. ¡Take marcanaca, ist'apjjeta; t'akhesitajjsa uñjapjjaraquim! ¡Marcajjanquiri waynanacasa, tawakonacasa, preso apataw uñjasipjjaraqui!

Lamentaciones 1:20

¡Tatay, nayan t'akhesitajj uñtanimaya! ¡Chuymajjasa waystañwa munitu! T'akhesiñaw chuymajjar llupt'itu; cunapachatejj juchajjata amthapista ucapachajja. Qhaya ankansti wawanacajjarojj espadampiw jiwarayapjje, aca mankhansa jiwañaquiw utjaraqui.

Lamentaciones 3:42

Juchanacajjsa, uqhamarac jumataqui sayt'asitanacajjsa ¿janit jumasti p'amp'achcasma?

Ezequiel 5:6

Ucampisa jupajj nayan leyinacajja uqhamaraqui arunacajjataquiw sayt'i, ucatsti cawquïri marcanacatejj juparu muyuntatäqui uca marcanacat sipansa juc'ampi jan waliw tucuraqui, jan leyinacajjaru uqhamaraqui arunacajjaru ist'apjjatapata.”

Ezequiel 6:9

Uca jilt'irinacasti, uca jaya marcanacanjja nayatwa amtasipjjaraquini; cunjämtejj nayajj jupanacaru t'akhesiycäyätjja, jan nayaru take chuymampi arcapjjatapata, uqhamaraqui nayatsa jayarst'awayapjjatapata yakha diosanacar yupaychañ laycojja, take ucanacwa amtasipjjani. Jupanacasti take ñankha luräwinacapa amthapisisajja, jupanacpachaw ajjtasipjjani, take uca ajjtascaña luräwinacapatsa.

Daniel (hebreo) 9:11

Take Israel jakenacaw yatichäwinacamjja jan ist'apcti, juman arsutanacamarusa janiw jaysapcaractti, ucatpï nanacjjarojj purinejja take ñankhachäwi arunacajja, uqhamaraqui cuna juramentotejj Moisesan leyipan kellkatäqui ucarjama, nanacasti juma tokew jucha lurapjjta.

Daniel (hebreo) 9:15

“Nanacan Diosajja, jumaw jach'a ch'amam uñacht'ayapjjesta, marcamaru Egiptot apsusajja, uqhamat juman jach'a sutimjja uca urunacatpachwa wali jach'aru tucuyaractajja, jichhürcama; ucampisa nanacajj juchanacaqui lurasipctjja, jan walinacaqui lurasipcaractjja.

Daniel (hebreo) 9:9

Ucampisa nanacan Diosajja, jumanquiwa qhuyapayasiñasa, juchat perdonañasa. Nanacasti juma nayrakatan jumataquiw sayt'asipjjta,

Oseas 1:2

Tatitojj aqhamwa kalltäna cuntejj Oseas toke sañ muncän uca arunacjja: “Israel marcajj yakhampiw sarnakjje nayar apanucusajja. Uqhamarac jichhajj jumajj saram ucatsti yakha chachanacampi sarnaker warmi catusim, jupampisti wawanacanïpjjaraquim; uqhamatwa uca wawanacajj yakha chachanacampi sarnaker warmin wawanacapäpjjani”.

Malaquías 3:7

Jumanacasti awquinacamatpachwa nayan camachi arunacajjat saranucupjjtajja, janiraquiw phokhapcaractati. Naya take ch'amani Diosaw sapjjsma: ‘¡Nayaru cuttanjjapjjam ucatsti nayajj jumanacaru cuttanjjaraquïwa!’ Ucampisa jumanacajj sapjjtawa: ‘¿Cunatsa nanacajj jumaru cuttanipjjämajja?’ sasa.

Hebreos 3:12

Jilatanaca, amuyasipjjam, jan jumanacatjja qhitis jan wali chuymanïpati uqhamat jacquir Diosat jithektañapataqui jupar jan iyawsatapata.