Daniel (hebreo) 8:9 - Qullan Arunaca

⁹ Uca maynïri wajjratsti yakha jisc'a wajjraw misturaquïna, uca wajjrasti aynach tokeruw sinti jilaraquïna, inti jalsu tokerus uca quipcaraqui suma orake satäqui ucsaru.

Aymar Bibliia 1986

⁹ Uca maynïri wajjratsti yakha jisc'a wajjraw misturaquïna, uca wajjrasti aynach tokeruw sinti jilaraquïna, inti jalsu tokerus uca quipcaraqui suma orake satäqui ucsaru.

Qullan Arunaka DC

⁹ Uka waxranakat mayïritxa, yaqha jisk'a waxraw misturakïna, uka waxrasti aynach tuqiruw sinti jilarakïna, ukhamaraki inti jalsu tuqiru, Suma Uraqi satäki uksa tuqiru.

Daniel (hebreo) 8:9 Jak'a apnaqawi uñst'ayäwi

Salmos 105:24

Diosajj marcaparojj waljaniptayänwa, uñisirinacapat juc'amp ch'aman tucuyäna.

Salmos 48:2

Kollan kollun amstapajj muncayawa, take acapachan cusisiñapawa: Sión kollojj alajjpachan thiyapawa, jach'a ch'aman reyin marcapawa.

Jeremías 3:19

“Israel, nayajj jumarojj wawajjat catokañataquiw amtasta, mä suma muncañ orake churañaraqui amtta, take aca orakenacat sipansa juc'ampi suma orake. Nayasti saraquïyätwa: ‘Jichhajj awqui sisjjchitanïya’ sasa. Ucatsti janiraquiy nayatjja jayar sarcjjchiniti saraquïyätwa.

Ezequiel 20:15

“Wasaransti jupanacarojj juramentompiw arsta, cawquïri oraktejj jupanacaru churcta ucar jan mantayañataquejja; uca orakesti yakha orakenacat sipansa wali sumawa, leches, misq'is umjamaw jalascaraqui.

Ezequiel 20:6

Uca urusti nayajj jupanacarojj arsuraquïyätwa, uca Egipto oraket apsjjañataqui, cawquïri marctejj nayajj jupanacataqui thakcäyät ucaru irpsjjañataqui, cawqui marcantejj leches misq'is umjam jalasqui ucaru. ¡Take marcanacat sipansa juc'ampi suma marcäquejj ucaru!

Daniel (hebreo) 11:16

Uca t'unjiri jutiristi, atipjatanacampejj cuntejj jupajj muncani ucwa luraraquini, janiw qhitisa jupampi nuwasirejj utjcaraquiniti, ucasti uca Suma Orakenwa kheparapjjani, cunanactejj jupajj jicjjatcani take ucanaca t'unjasa.

Daniel (hebreo) 11:21

“Uca khepatsti yakharaquiw apnakani. Uca jakerusti janiraquiw reyïñapas waquiscasapänti, sinti jisc'achcaya jakeraquïniwa, jan wali amtäwinacapa imantasaw sallkjañanacampi reyit utt'asini.

Daniel (hebreo) 7:8

“Uca wajjranac uñch'ucquipansti, uca wajjranac taypitjja yakha jisc'a wajjraw mistuniraquïna, uca khepa wajjrajj mistuncänsa ucaru mä cheka churañataquejja quimsa wajjranacwa jiq'irapjjäna, uca khepïri wajjrasti jake nayrat nayranacanïnwa, mä lacaw utjaraquïna, uca lacasti wali jach'a jach'a tucusaraquiw parläna.

Zacarías 7:14

Ucatpï ucsar acsar tucjtjja mä jach'a tutuca thayampjama jan uñt'apcänti uca marcanac taypiru, uca pasatatjja orakepajj mä wasararu tucutaw kheparawayi, ucansti janiw qhitis jaccjjeti. ¡Mä suma marcjja jupanacajj k'alwa tucjawayapjje!”