Daniel (hebreo) 8:8 - Qullan Arunaca

⁸ “Uca cabritosti wali ch'amanipuniw tucjjäna, uqhamäquipanwa uca jach'a wajjrapajj p'aquisjjäna, uca p'aquita wajjra lantisti pusi wajjranacaw jilsuranïna, uca pusi wajjranacasti amstaru, aynacharu, inti jalanta, inti jalsu tokeru uñtatänwa.

Aymar Bibliia 1986

⁸ “Uca cabritosti wali ch'amanipuniw tucjjäna, uqhamäquipanwa uca jach'a wajjrapajj p'aquisjjäna, uca p'aquita wajjra lantisti pusi wajjranacaw jilsuranïna, uca pusi wajjranacasti amstaru, aynacharu, inti jalanta, inti jalsu tokeru uñtatänwa.

Qullan Arunaka DC

⁸ Uka chivosti wali ch'amanipuniw tukxäna, ch'amapax juk'amp jilxatkxäna ukapachaw uka jach'a waxrapax p'akisxäna, uka p'akit waxra lantisti pusi waxraw jilsunïna, mayax amsta tuqir uñtata, mayasti aynach tuqir uñtata, mayasti inti jalanta tuqir uñtata, mayasti inti jalsu tuqir uñtataraki.

Daniel (hebreo) 8:8 Jak'a apnaqawi uñst'ayäwi

2 Crónicas 26:16

Ucatsti cunapachatï reinopana wali ch'amani tucjjäna ucqhajja, jach'a jach'aw tucjjäna, uca laycusti aynacht'añaruwa purjjäna. Jupasti Tatit Diosaparojj janiw sum arcjjänti, jupasti Tatitun temploparojja incienso altarana naqhayañataquiw mantäna.

Ester (hebreo) 9:4

Mardoqueosti reyin palaciopanjja mä jach'a jilïrïnwa, uqhamätapsti take provincianacanwa yatipjjäna, ucampis jupajja uruta urunjamaw ch'amani munañani tucüna.

Jeremías 49:36

Pusi toketpachwa aca marcataquejj thaya thayt'ayanï, uqhamat take tokeru ananucuñataqui, jan marcanacajj juc'ampi utjcjjañapcama, cawqharutejj imantasiñ muniri jakenacajj purinipcaspa uca.

Jeremías 5:27

Utanacapasti lunthatata yänacampi phokhantatawa, cunjämatejj jaulanacarojj jamach'inacajj phokhantatäqui uqhama. Uqhamatwa jupanacajj kamiri, ch'amani tucupjjaraqui,

Ezequiel 16:7

Pampanquir korar uñtatwa jumarojj jilsuysma. Jumasti sumwa jilsuwayaracta, jach'aw tukowayaracta, mä warmiw tucuwayaracta. Ñuñunacamasti suma kalaquiraquiw jilakantam, ñic'utanacas misturactamwa; ucampisa k'alalaquipunïscäyätawa.

Ezequiel 28:9

Jichhasti ¿mä diosäcasmas uqham amuyasiscaquïtati, jumar jiwayiri jakenaca nayrakatancasasa? ¡Qhitinacatejj jiwarayapcätam uca nayrakatanjja, janiw jumajj cunäctasa, mä jisc'a jakequïtawa!

Daniel (hebreo) 11:4

Cunapachatejj jupajj suma utjnokatäjjani, ucapachaw jupan reinopajj t'unjata uqhamaraqui pusiru t'akjata uñjasiraquini. Uca reyin munañanïñapasti janiraquiw wawanacaparu churatäcaniti, uqhamarusa reinopajj janiw nayrjama wali ch'amanïcjjaniti, niyaquejjay t'akanokata uñjaschinejja, ucatsti yakhanacaraquiw jupa lanti apnakjjapjjaraquini.

Daniel (hebreo) 4:31

Uqhamaw reyejj parlascäna, ucat acatjamat mä arojj alajjpachat ist'asini aqham sasa: “Nabucodonosor rey, aca arunac ist'am: Reinomajj janiw jumancjjeti;

Daniel (hebreo) 5:20

Ucampisa cunapachatejj sinti munañani tucjjäna, uqhamaraqui jach'a jach'a tucuñampi phokhantayasïna, ucapachaw Diosajj apakjjäna, take ch'amapsa uqhamaraqui jach'a cancañapsa reyïtap laycu.

Daniel (hebreo) 7:2

“Nayajj samcajjanjja uñjäyätwa, pusi toket thayajj thayt'asinquiri ucatsti jach'a kotjjaru wali mathapinaca sartayasquiri.

Daniel (hebreo) 7:6

“Quimsïri animalasti, leopardo sat animalaru uñtataraquïnwa, jiqhanipjjarojj pusi chhekhani cuna, uqhamarusa pusi p'ekeni cunänwa, uca animalarusti take munañanïñaw churataraquïna.

Daniel (hebreo) 8:22

Cawquïri pusi wajjranacatejj mistuncaraquïna nayrïri wajjran p'aquisitapata, ucasti sañ munaraqui aca reinotjja pusi yakha reinonacaw misturaquini, ucampisa janiw kalltiri reinocänjja uqhama ch'amanïcaraquiniti.

Daniel (hebreo) 8:5

“Nayasti cuntejj uñjcäyät uca tokenacatwa lup'iscäyäta, ucat amuyasta inti jalanta toket mä cabrito jutasquiri, walpun jalanïna, uqham jalanisasti cayunacapajj janjamaquiw orakerus tact'cänti. Uca cabritosti pä nayrapa taypirojj mä jach'a wajjraniraqui,

Daniel (hebreo) 8:7

Ucatsti uca pä wajjrapsa p'aquiränwa, uca ovejasti jan ch'amaniw uñjasïna uca cabritompi mokentasiñataqui. Uca khepatsti cabritojj mokentasin orakeruw liwinucüna, ucaruw tacjaraquïna, janiraquiw qhitis uca ovejat arjjatirejj utjcänti.

Mateo 24:31

Angelanacaparusti qhitaniraquiniw wali jach'at trompetanac phust'aniñapataqui, ucampiraquiw ajllitanacaparojj pusi toketpacha jawsthapini aca orakena, maysa thiyat maysacama.

Marcos 13:27

Jupasti angelanacaparuw qhitanini, ajllitanacapar take toket anthapiyasa, acapach thiyatpacha, alajjpach thiycama.

Deuteronomio 31:20

Cunapachatejj nayajja, cawquïri oraktejj awquinacaparu juramentompi churañatac arscta ucar puriycä ucapachajj, cawquïri orakentï lechesa, misq'isa umjam jalasqui, uqhamaraqui cunapachatï jupanacajj sist'asiñcam mank'antapjjani, liq'intapjjaraquini, ucapachajj jupanacajj yakha diosanacaruw arcapjjani, yupaychapjjaraquini, nayarusti janiraquiw muncjjapjjetaniti, suma arust'äwejjsti p'aquintapjjaraquiniwa.

Apocalipsis 7:1

Ucatsti uñjaractwa pusi angelanacaru. Jupanacasti aca orakena pusi esquinapjjaru sayt'atäsipcänwa, uqhamarac uca pusi esquinat thayanaca jarc'asipcäna jan cuna thayas aca orakjjaru thayt'aniñapataqui, ni jach'a kotanacjjarusa ni kokanacjjarusa.