Daniel (hebreo) 8:3 - Qullan Arunaca

³ Nayajj jayaruw uñtta, ucatsti uca jawira thiyat mä orko oveja mistusinquir uñjta. Uca ovejasti pä jach'a wajjranïnwa, maynïri wajjrajj khepaquiw mistutayna, ucampisa uca khepa misturi wajjrasti, juc'ampi jach'araquïnwa.

Aymar Bibliia 1986

³ Nayajj jayaruw uñtta, ucatsti uca jawira thiyat mä orko oveja mistusinquir uñjta. Uca ovejasti pä jach'a wajjranïnwa, maynïri wajjrajj khepaquiw mistutayna, ucampisa uca khepa misturi wajjrasti, juc'ampi jach'araquïnwa.

Qullan Arunaka DC

³ Nayax jayaruw uñtta, ukatsti uka jawir thiyat mä urqu oveja mistusinkir uñjta. Uka ovejax pä jach'a waxranïnwa, uka waxranakat mayax qhipakiw mistutayna, ukampis uka waxrax mayäkis ukat juk'amp jach'änwa.

Daniel (hebreo) 8:3 Jak'a apnaqawi uñst'ayäwi

1 Crónicas 21:16

Davidasti Tatitun angelaparu uñtasinjja uñjänwa sayt'atäsquiri alajjpachampi, aca orakempi taypina amparaparusti espadapa apt'atäsquiri, uqhamaraqui Jerusalén toker ayt'asquiriraqui. Ucatsti Davidampi chuyman awquinacampejja luto isimpi isthapitcamaquïpjjänwa, orakeru ajanupsa puriyañcamaw liwirtapjjäna,

Esdras 1:2

“Persianquiri Ciro reyejj acanacwa arsu: ‘Alajjpachanquiri Tatitu Diosawa amparajjaru aca orakenquir take marcanaca catuyitu, ucatsti saraquituwa Jerusalenan mä templo lurayañajjataqui, ucasti Judá orakenwa jicjjatasi.

Esdras 4:5

Ucjjarusti marca apnakerinacan yakhep yanapirinacaparusti kollke chilltapjjäna, uqhamatwa jupanacan amtanacapjja aynacht'ayapjjäna Persia marcanquir Ciro reyejj apnakascäna uca maranacana, ucatsti Persia marcanquir Darío reyejj apnakcäna uca maranaccamaraqui.

Ester (hebreo) 1:3

Rey Asuerosti quimsa mara apnakjjasinjja, mä fiesta luräna take ministronacaparu, yanapiri jilïrinacaparu, Persa, Medo ucanquir ejerciton jilïrinacapampiru, uqhamarac provincianacan jilïrinacapampiru.

Isaías 13:17

Jupanacataquisti Medo jakenacwa sartayaraquëjja, uca jakenacasti janiw kollketjja llaquisipquiti, janiraquiw jupanacataquejj koris jila alanïcaraquiti.

Isaías 21:2

Diosajj cuntejj uñacht'ayquitu ucasti ajjsarcañawa; lunthatirejj lunthatiwa, t'unjiristi t'unjaraquiwa. ¡Elam, sartasim! ¡Medo jakenaca, nuwantapjjam! ¡Janiw juc'ampi cunsa ist'añ muncti!

Isaías 44:28

Ciro reyirusti nayaw saracta: ‘Jumaw awatirïtajja, cuntejj nayajj muncä ucwa jumajj luraraquïta.’ Jerusalenarusti saractwa: ‘Jumajj wasitat sayt'ayatäjjätawa.’ Templorusti saractwa: ‘Cimientonacamajj uscutäjjaniwa sasa.’ ”

Jeremías 51:11

Tatitojj Babilonia marca t'unjañ muni, Media orakenquir reyinacan chuymaparusti uca pachpa t'unjaña amtäwinacwa uscuraqui. Ucaw Tatitun phoksusïwipajja, jupan temploparu cuntejj lurapqui ucanacatjja. ¡Jichhajj flechanacam waquichasipjjam! ¡Escudonacamsa sum catjjarupjjaraquim!

Daniel (hebreo) 10:5

Acatjamat uñtta mä jake sayasquiri, linot lurat isinacampi isthapita, uqhamaraqui korit lurat mä cinturonampi muytata.

Daniel (hebreo) 2:39

Juma, jach'a reyejj, apnakañ tucuyjjäta uca khepatsti, juman reinomat menost'ata reinoquiw utj-jjani, ucjjarusti quimsïri reinow utjaraquini cawquïritejj broncet luratäqui uca, jupasti take aca orakpachwa apnakaraquini.

Daniel (hebreo) 6:28

Daniel chachasti Darío reyin take marcanac apnakañapcamajj mä jach'a jilïri jaket uñt'ataquipunïscänwa, uqhamaraqui Ciro reyejj Persia orake apnakcän ucapachasa.

Daniel (hebreo) 7:5

“Payïri animalasti mä osor uñtatjamaraquïnwa, maysa toketjja juc'ampi waytata, maysa toketsti janiraqui, uca animalasti quimsa jaraphi ch'aqhanaca acht'atänwa; ucatsti ist'aractwa aqham siri: ‘¡Saram, ucatsti kawkha aychtejj muncta uca mank'antaniraquim!’ sasa.

Daniel (hebreo) 8:2

Uca uñjäwinsti nayajj Susa marcanjamac jicjjatasïyätjja, Elam sisqui uca provinciana, Ulai sisqui uca jawira thiyana.

Daniel (hebreo) 8:20

“Uca pä wajjrani orko oveja uñjctas ucajj Media, uqhamaraqui Persia sisqui ucanacan reyinacapawa.

Zacarías 1:18

Yakha unañchäwimp uñjaracta, ucansti uñjtwa pusi wajjranaca uñstaniri.

Zacarías 2:1

Yakha unañchäwimp uñjta. Uñstituwa mä jake amparapansti mä cinta tupuñataqui apt'ata.

Zacarías 5:1

Yakha unañchäwimp uñjaracta. Uñjtwa mä rollor kellkata alton tuyusquiri.

Zacarías 5:5

Ucatsti nayamp parlcäna uca angelajj mistjjasajja, saraquituwa: —Amuyt'am cunatejj uñstanqui ucjjata.

Zacarías 5:9

Wasitata uñtta pä warmi uñstaniri. Chhekhanacanïnwa, thayaraquiw jalayascäna. Cigüeña jamach'in chhekhanacapjamänwa, altokatanjamaraquiw tupuñjja apapjjäna.

Zacarías 6:1

Yakha unañchäwimp uñjta. Uñjtwa pusi guerra carronac pä bronce kollunac taypit uñstasinquiri.

Números 24:2

Balaamajj israelitanacarojj tribunacapatcama utjnokatwa uñjäna, uqhamaruw Diosan ajayupajj jupjjaru juti.

Josué 5:13

Mä urojj Josué chachajj Jericó marca jac'ancasina, jupan nayräjjaparojj mä jakew uñstäna mä espada ayt'ata. Josué chachasti uc uñjasajj mäquiw uca jake jac'aru maqhatäna aqham jisct'asa: —¿Jumasti nanac castätati jan ucajj timajjätacha? —sasa.

Apocalipsis 13:11

Ucatsti yakha jach'a ajjsarcañ animalracwa oraket mistur uñjta. Acasti pä wajjranïnwa, wajjranacapasti mä ovejan wajjranacapjamänwa, parlapasti dragonan parlapjamaraquïnwa.

Apocalipsis 5:6

Ucatsti trono taypinjja cawqhantejj uca pusi jacasquirinacajj utjapcänsa ucqhana, uqhamarac cawqhancapcaraquïntejj jilïrinacajj, uca taypinwa uñjta mä Cordero sayt'ata. Uca Corderosti jiwayatjamaraquïnwa. Jupasti pakallko wajjranacanïnwa, uqhamarac nayranacapas pakallkoraquïnwa. Uca pakallko nayranacasti Diosan pakallko ajayuparaquïnwa, cawquïrinacatejj take aca oraker qhitanitäqui ucanaca.