Daniel (hebreo) 8:2 - Qullan Arunaca

² Uca uñjäwinsti nayajj Susa marcanjamac jicjjatasïyätjja, Elam sisqui uca provinciana, Ulai sisqui uca jawira thiyana.

Aymar Bibliia 1986

² Uca uñjäwinsti nayajj Susa marcanjamac jicjjatasïyätjja, Elam sisqui uca provinciana, Ulai sisqui uca jawira thiyana.

Qullan Arunaka DC

² Uka unañchäwinsti nayax Susa markanjamak jikxatasïyäta Elam sat suyuna, Ulai siski uka jawir thiyana.

Daniel (hebreo) 8:2 Jak'a apnaqawi uñst'ayäwi

Génesis 10:22

Sem chachan wawanacapasti Elam, Asur, Arfaxad, Lud, uqhamarac Aram ucanacänwa.

Génesis 14:1

Uca tiemposti Amrafel sisqui ucasti Sinar sisqui ucan reyipänwa; Arioc sisqui ucasti Elasar sisqui ucan reyiparaqui; Quedorlaomer sisqui ucasti Elam sisqui ucan reyiparaqui; Tidal sisqui ucasti Goim sisqui ucan reyiparaqui.

Nehemías 1:1

Acawa Nehemías chachan luräwinacapajja, jupasti Hacalías chachan yokapänwa. Artajerjes sat reyis pä tunca mara marcar apnakcäna ucqha, Quisleu phajjsina, naya Nehemiasasti Susa marcancascäyätwa.

Ester (hebreo) 1:2

Rey Asueron apnakañapasti Susa sat suma sayt'at marcan utt'atänwa.

Ester (hebreo) 2:8

Cunapachatejj reyejj mä amtäwi ley mistsuyäna ucapachajja walja tawakonacaw tantachatäna suma palaciopanjja Susa sat suma sayt'at marcapana, Hegai sat chachan uñjatäñapataqui, ucampis uca taypincaraquïnwa Ester sat tawakojja.

Ester (hebreo) 3:15

Carta apirinacajja janc'aquiw apapjjäna reyin mayitajja. Ucatsti uca amtawejja Susa sat suma sayt'at marcanwa yatiyasïna. Uccañcamasti reyimpi Amán chachampisti kont'asipjjänwa umañataqui. Ucampisa Susa sat marcansti uqham yatisinjja wali pejjtusiñanwa jicjjatasipjjäna.

Ester (hebreo) 7:6

Ucampis Ester warmejj sänwa —¡uca jan wali uñisiristi aca uñisir Amán chachawa! —sasa. Uqham arunaca ist'asinsti Amán chachajja wali sustjata, ajjsarayasitaw jicjjatasïna reyina, uqhamarac reinana nayrakatapanjja.

Ester (hebreo) 8:15

Mardoqueosti reyin palaciopatjja mistuwayänwa laramampit jank'ompit lurat túnica isin isintata, ucat p'ekerojj mä kori coronampi asjjatata, uqhamarac lino sat wila k'ellu manto capani. Uqham uñjasinsti Susa marcan take jaquirinacaw wali cusisita arnakasipjjäna.

Ester (hebreo) 9:11

Ucampis uca urpachaw reyejj yatitäna Susa marcanjja walja jiwatanaca utjatapata.

Ester (hebreo) 9:15

Susa marcan jacapqui uca judionacajj wasitat tantasipjjäna tunca pusin uru sarakatanjja, Adar sat phajjsina quimsa pataca jakenacampwa jiwarayapjjäna, ucampis janiw yänacapjja llamct'apcänsa.

Isaías 11:11

Uca urunacanjja Tatitojj wasitatwa ch'amap uñacht'ayani, marcapat jilt'irinacaru wasitat jicjjatjjasa, Asiriatsa, Egiptotsa, Patrosatsa, Etiopiatsa, Elamatsa, Sinaratsa, Hamatatsa, kota tokenquir marcanacatsa cuttayanjjaraquiniwa marcaparojja.

Isaías 21:2

Diosajj cuntejj uñacht'ayquitu ucasti ajjsarcañawa; lunthatirejj lunthatiwa, t'unjiristi t'unjaraquiwa. ¡Elam, sartasim! ¡Medo jakenaca, nuwantapjjam! ¡Janiw juc'ampi cunsa ist'añ muncti!

Jeremías 25:25

Zimri, Elam, Media sisqui uca marcan reyinacaparusa;

Ezequiel 1:1

Naya, sacerdote Ezequiel, Buzi sat jaken yokapa, mä uruw nayajj Quebar sisqui uca jawira thiyan sayt'ata, ucancascäyäta, Babilonia orakena, cawquïrinacatejj uca jaya marcaru preso apatäpcäna ucanacampi chica. Uqhamäquiriruw alajjpachajj jist'artäna ucatsti Diosarojj tronopjjan kont'ata uñjaracta. Uca urojj pheska uru sarakatänwa pusïri phajjsita, quimsa tunca mararaquïnwa Joaquín reyejj preso apatäcän ucatjja niya pheska mararaquejjänwa. Tatitusti nayjjaruw amparapjja lokjjatitu.

Ezequiel 32:24

“Ucancaraquiwa Elam marcasa, take soldadonacapampi, sepulturaparu muyuntata. Take jupanacasti guerranwa jiwarapjjaraquïnjja, Diosar jan uñt'iri jakenaca, mankhapacharuw sarapjjaraquïnjja. Cawquïrinacatejj jacasipqui ucanac taypinsti ajjsarcañanacwa sartayapjjaraquïna, ucampisa jichhajj jan yäkatawa cawquïrinacatejj sepulturaru imantatäpqui ucanaca chicaraquejja.

Daniel (hebreo) 10:4

Uca pachpa marana, kalltiri phajjsina pä tunca pusini urunaca sarakatarusti, nayajj Tigris sat jach'a jawira thiyancascäyätwa.

Daniel (hebreo) 7:15

“Naya, Daniel, amuyasiraquïyätwa ajjsarañajj nayar wali muyuntatapa; llaquisiraquïyätwa take cunanactejj uñjcäyätsa ucanacata.

Daniel (hebreo) 7:2

“Nayajj samcajjanjja uñjäyätwa, pusi toket thayajj thayt'asinquiri ucatsti jach'a kotjjaru wali mathapinaca sartayasquiri.

Daniel (hebreo) 8:1

“Cunapachatejj Belsasar reyejj quimsa mara reyïcän ucapachaw naya, Daniel, yakha unañchäwi uñjaracta, nayra yakha unañchäwinacat sipansa yakhapuni.

Daniel (hebreo) 8:3

Nayajj jayaruw uñtta, ucatsti uca jawira thiyat mä orko oveja mistusinquir uñjta. Uca ovejasti pä jach'a wajjranïnwa, maynïri wajjrajj khepaquiw mistutayna, ucampisa uca khepa misturi wajjrasti, juc'ampi jach'araquïnwa.

Números 12:6

Tatitusti jupanacarojj sänwa: “Ist'apjjam cuntejj sapcäma uca arunaca. Jumanac taypintejj mä profetajj nayat parliri utjani ucqhajj nayaw jupampi parlasï; visionanac toke, uqhamarac samcanac toke jupampejj parlasiraquï.

Hebreos 1:1

Nayra urunacanjj Diosajj awquinacasarojj walja cutiwa parläna cunayman toketa profetanac toke.

Apocalipsis 9:17

Uqhamwa uca caballonacjja unañchäwinjja uñjta. Uca caballjjat saririnacasti pechonacaparojj mä guerra isi apapjjäna, ucasti wilampita, asulampita k'ellumpitänwa. Uca caballonacan p'ekenacapasti león p'ekenacaru uñtatänwa, lacanacapatsti ninampi jek'empi asufrempiraquiw mistüna.