Daniel (hebreo) 7:2 - Qullan Arunaca

² “Nayajj samcajjanjja uñjäyätwa, pusi toket thayajj thayt'asinquiri ucatsti jach'a kotjjaru wali mathapinaca sartayasquiri.

Aymar Bibliia 1986

² “Nayajj samcajjanjja uñjäyätwa, pusi toket thayajj thayt'asinquiri ucatsti jach'a kotjjaru wali mathapinaca sartayasquiri.

Qullan Arunaka DC

² “Nayax samkaxan pusi tuqit thayax thayt'asinkiri, jach'a qutan umanakap wal unxtayaskir uñch'ukiskäyäta.

Daniel (hebreo) 7:2 Jak'a apnaqawi uñst'ayäwi

Isaías 17:12

¡Ist'apjjam walja jakenacan ch'ajjwatapa! ¡Jach'a kotan khothutitapjamawa! Marcanacaw khothutipjje mä jach'a jawiran khothutitapjama.

Jeremías 49:36

Pusi toketpachwa aca marcataquejj thaya thayt'ayanï, uqhamat take tokeru ananucuñataqui, jan marcanacajj juc'ampi utjcjjañapcama, cawqharutejj imantasiñ muniri jakenacajj purinipcaspa uca.

Jeremías 51:42

Jach'a kotasti Babiloniarojj k'alwa chhaktayi, jach'a mathapinacapampiw chhaktayaraqui.

Daniel (hebreo) 11:4

Cunapachatejj jupajj suma utjnokatäjjani, ucapachaw jupan reinopajj t'unjata uqhamaraqui pusiru t'akjata uñjasiraquini. Uca reyin munañanïñapasti janiraquiw wawanacaparu churatäcaniti, uqhamarusa reinopajj janiw nayrjama wali ch'amanïcjjaniti, niyaquejjay t'akanokata uñjaschinejja, ucatsti yakhanacaraquiw jupa lanti apnakjjapjjaraquini.

Daniel (hebreo) 2:19

Uca arumawa Daniel waynajj mä unañchäwi toke uñjäna uca jan khanañchañjama samca toketjja, ucatwa Daniel waynajj alajjpachanquiri Diosaru jach'añcharaquïna aqham sasa:

Daniel (hebreo) 7:13

“Nayajj uca unañchäwinacjja arumajj uñjascaquïyätwa. Ucat acatjamat uñjta: “Kenayanac taypin jutasquiri mayniru uñjta jaken yokapäcaspas uqhama, jupasti, cawqhantejj kont'atäcän uca chuymani Jilïri jakejj ucaruw sararaquïna, juparuw jac'achayapjjaraquïna.

Daniel (hebreo) 7:7

“Unañchäwejjan pusïri animal uñjcta ucasti sinti ajjsarcañapunïnwa, sustjascaña, uqhamarusa wali ch'amaniraqui. Laca ch'aqhanacapasti hierrocamaquïnwa, wali jach'anacaraqui; take cunwa mank'antäna, tucjaraquïna, jilt'anacsti taquisiraquïnwa. Take uca mayni animalanac uñjcta ucanacat sipansa mayjapunïnwa, p'ekepansti tunca wajjranacaniraquïnwa.

Daniel (hebreo) 8:2

Uca uñjäwinsti nayajj Susa marcanjamac jicjjatasïyätjja, Elam sisqui uca provinciana, Ulai sisqui uca jawira thiyana.

Daniel (hebreo) 8:8

“Uca cabritosti wali ch'amanipuniw tucjjäna, uqhamäquipanwa uca jach'a wajjrapajj p'aquisjjäna, uca p'aquita wajjra lantisti pusi wajjranacaw jilsuranïna, uca pusi wajjranacasti amstaru, aynacharu, inti jalanta, inti jalsu tokeru uñtatänwa.

Zacarías 6:5

Angelasti saraquituwa: —Acanacajja pusi thayanacawa, ucasti mistuniwa take acapachan Tatitupan nayrakatapata.

Mateo 24:31

Angelanacaparusti qhitaniraquiniw wali jach'at trompetanac phust'aniñapataqui, ucampiraquiw ajllitanacaparojj pusi toketpacha jawsthapini aca orakena, maysa thiyat maysacama.

Apocalipsis 17:15

Angelasti saraquituwa: “Uñjctas uca kotanaca, cunjjarutï uca k'añu warmejj kont'atäqui ucanacasti acapacha marcanaca, jakenaca, uqhamarac take casta parlani marcanacawa.

Apocalipsis 7:1

Ucatsti uñjaractwa pusi angelanacaru. Jupanacasti aca orakena pusi esquinapjjaru sayt'atäsipcänwa, uqhamarac uca pusi esquinat thayanaca jarc'asipcäna jan cuna thayas aca orakjjaru thayt'aniñapataqui, ni jach'a kotanacjjarusa ni kokanacjjarusa.