Daniel (hebreo) 7:1 - Qullan Arunaca

¹ Mä arumajja, cunapachatejj Belsasar reyejj Babilonia marca niya mä mara apnakcän ucapachajj, Daniel chachajj mä samcanacampi, unañchäwinacampwa uñjäna. Cunapachatejj iquit uñatatän ucapachasti cunanactejj uca samcana, uqhamaraqui uca unañchäwin uñjcatayna take ucanacwa kellksüna, ucanacasti aqhamawa:

Aymar Bibliia 1986

¹ Mä arumajja, cunapachatejj Belsasar reyejj Babilonia marca niya mä mara apnakcän ucapachajj, Daniel chachajj mä samcanacampi, unañchäwinacampwa uñjäna. Cunapachatejj iquit uñatatän ucapachasti cunanactejj uca samcana, uqhamaraqui uca unañchäwin uñjcatayna take ucanacwa kellksüna, ucanacasti aqhamawa:

Qullan Arunaka DC

¹ Mä arumaxa, Belsasar reyix, mä mara Babilonia marka apnaqaskäna ukkhasti, Danielax mä samka samkasitayna, unañchäwinak uñjarakitayna. Ikit uñatatasinsti, kuntix samkan uñjkatayna taqi ukanak qillqsüna:

Daniel (hebreo) 7:1 Jak'a apnaqawi uñst'ayäwi

Génesis 15:1

Ucanac khepatsti Tatitu Diosajj Abramarojj mä visionan uñstäna ucatsti saraquïnwa: —Jan ajjsaramti, Abram, nayätwa jumar arjjatirimajja, jumar churañasti wali jach'apunïniwa —sasa.

Génesis 46:2

Uca arumasti Diosajj Israelarojj mä visionan uñstäna, Jacob sutipat jawsasa. Ucat Jacobojj saraquïna: —Acancasctwa, Tata —sasa.

Job 4:13

Arumajj cunapachatejj jakejj iquirasqui, ucapachasti nayarojj mayaw jan iquiyquituti.

Isaías 30:8

Jutam, jichhajj mä tablar kellkaraquim, mä kellka uscuraquim, ucasti khepa urunacataqui kheparpan, wiñay ucancañapataqui amtascañataquiraqui.

Isaías 8:1

Tatitusti saraquituwa: “Mä jach'a tabla aptasim ucatsti suma khana letranacampi kellkantaraquim: ‘Maher-salal-hasbaz’ sasa.

Jeremías 23:28

¡Mä profetatejj mä samca samcaschi ucapachajja khana sispan mä samcaquïtapa, ucampisa arunacajjtejj catokchejja, ucapachasti khana, chekaparu yatiyapjjpan! Janiw trigo jipimpi trigompejj mayaquïcaspati. Arunacajjajj ninjamawa, karkanac ch'iyjiri martilljamawa. Naya Tatituw ucjja arsta.

Jeremías 27:7

Take marcanacasti juparu catuyatawa, jupaw apnakaraquini, wawapampi, allchhipampi, cunürutejj marcaparu yakha jach'a marcanacampi apnakatäñajj wact'cani uca urcama.

Jeremías 36:32

Uqhamasti Jeremiasajj yakha rollo aptasinjja Baruc kellkeriparuw churaraqui. Ucatsti cuntejj Jeremiasajj siscäna take uca arunacwa kellkaraquïnjja, cunanacatejj kellkatäcäna cawquïri rolltejj Joacim reyejj naqhantayqui uca. Uqhamarusa Jeremiasajj ucar uñtasita yakha arunacampwa yapjjataraquïna.

Jeremías 36:4

Jeremiasasti Nerías jaken Baruc sat yokaparuw jawsäna, ucatsti take cuntejj Tatitojj siscäna uca arunacwa saraquïna kellkañapataqui, Baruc chachasti mä rolloruw take uca arunacjja kellkaraquïna.

Ezequiel 1:1

Naya, sacerdote Ezequiel, Buzi sat jaken yokapa, mä uruw nayajj Quebar sisqui uca jawira thiyan sayt'ata, ucancascäyäta, Babilonia orakena, cawquïrinacatejj uca jaya marcaru preso apatäpcäna ucanacampi chica. Uqhamäquiriruw alajjpachajj jist'artäna ucatsti Diosarojj tronopjjan kont'ata uñjaracta. Uca urojj pheska uru sarakatänwa pusïri phajjsita, quimsa tunca mararaquïnwa Joaquín reyejj preso apatäcän ucatjja niya pheska mararaquejjänwa. Tatitusti nayjjaruw amparapjja lokjjatitu.

Daniel (hebreo) 1:17

Aca pusi waynanacarusti Diosajj ch'iqhi chuyma, amuyt'a churaraquïna, take casta libronacsa jupanacajj amuyt'apjjañapataqui, take casta yatiñanacsa yatipjjañapataqui. Uqhamarusa Daniel waynajj yatiraquïnwa take casta samcanaca, uqhamaraqui unañchanacan cun saña munatapsa.

Daniel (hebreo) 2:1

Nabucodonosor reyejj niya pä mara apnakcäna ucapachasti jupajj walja samcanacwa samcasitayna, uqham samcasitapatsti wali llaquisjjaraquïna, janiraquiw iquisa purcjjaraquitaynati.

Daniel (hebreo) 2:26

Ucatwa reyejj Daniel waynarojj saraquïna, qhitirutejj Beltsasar, sasa sutichcäna ucaru: —¿Jumajj sitasmati cuntejj samcascta uca, uqhamaraqui uca samcajj cuntejj sañ munqui ucsa khanañcharaquitasmati? —sasa.

Daniel (hebreo) 4:13

“Ucat acatjamatwa samcajjanjja alajjpachat mä angela sarakasinquir uñjta.

Daniel (hebreo) 4:5

Ucampisa mä arumawa iquiñancjjasina, mä samca samcasta ucasti walpun warariyitu, cunaymani casta lup'ïwinaca, unañchäwi uñjaracta, take ucanacaw ajjsarañampi phokhantitu.

Daniel (hebreo) 5:1

Babilonianquiri Belsasar reyejj mä jach'a mank'äwi luräna, ucatsti jach'a jilïri jakenacapatjja waranka jakenacaruw jawsayäna, uca mank'äwinsti reyimpi uca jawsayata jakenacapampejj walpun vino umapjjäna.

Daniel (hebreo) 5:22

Jumasti, Belsasar, uca reyin yokapätawa, asquiraquiw yatisctajja cunatejj awquimaru pascäna ucsa, ucampisa janiw alt'at chuymampi sarnakctati.

Daniel (hebreo) 5:30

Uca arumpacharaquiw Belsasar reyirojj jiwayjjapjjäna, jupasti caldeo jakenacan reyipänwa. Media marcanquiri Darioraquiw uca reino catuntasjjäna. Darío reyisti ucapachajj sojjta tunca payani maraniraquïnwa.

Daniel (hebreo) 7:13

“Nayajj uca unañchäwinacjja arumajj uñjascaquïyätwa. Ucat acatjamat uñjta: “Kenayanac taypin jutasquiri mayniru uñjta jaken yokapäcaspas uqhama, jupasti, cawqhantejj kont'atäcän uca chuymani Jilïri jakejj ucaruw sararaquïna, juparuw jac'achayapjjaraquïna.

Daniel (hebreo) 7:15

“Naya, Daniel, amuyasiraquïyätwa ajjsarañajj nayar wali muyuntatapa; llaquisiraquïyätwa take cunanactejj uñjcäyätsa ucanacata.

Daniel (hebreo) 7:7

“Unañchäwejjan pusïri animal uñjcta ucasti sinti ajjsarcañapunïnwa, sustjascaña, uqhamarusa wali ch'amaniraqui. Laca ch'aqhanacapasti hierrocamaquïnwa, wali jach'anacaraqui; take cunwa mank'antäna, tucjaraquïna, jilt'anacsti taquisiraquïnwa. Take uca mayni animalanac uñjcta ucanacat sipansa mayjapunïnwa, p'ekepansti tunca wajjranacaniraquïnwa.

Daniel (hebreo) 8:1

“Cunapachatejj Belsasar reyejj quimsa mara reyïcän ucapachaw naya, Daniel, yakha unañchäwi uñjaracta, nayra yakha unañchäwinacat sipansa yakhapuni.

Joel 2:28

“Take acanaca khepatsti, nayajj take jakenacjjaruwa ajayojj qhitanï; yokanacamasa, phuchanacamasa nayjjatwa parlapjjani, chuymani jakenacasti samcanacwa samcapjjani, waynanacasti unañchäwinacwa uñjapjjaraquini.

Amós 3:7

Tatitojj janipuniw cuns lurcaspati profeta servirinacaparu jan yatiyasajja.

Habacuc 2:2

Dios Tatitojj saraquituwa: “Kellkam ñek'e tablanacaru cuntejj uñacht'aycäma uca, ucasti mäqhi leet'cañaraquïñapawa.

Números 12:6

Tatitusti jupanacarojj sänwa: “Ist'apjjam cuntejj sapcäma uca arunaca. Jumanac taypintejj mä profetajj nayat parliri utjani ucqhajj nayaw jupampi parlasï; visionanac toke, uqhamarac samcanac toke jupampejj parlasiraquï.

Romanos 15:4

Take cunatejj nayratpach Kellkatan uchatäcän ucanacajj jiwasanacaruw yatichistu, llamp'u chuyma toke suyt'añasataqui, ucanracwa mä samarañsa jicjjattanjja.

2 Corintios 12:1

Naya pachpat jach'achasiñajjajj janiw waquisquiti, cuna unañchäwinäctï uñjcta uqhamaraqui cuna yatiyäwinactï Tatitojj churquitu, ucanacatwa parläjja.

Apocalipsis 1:19

Kellkam cuntejj uñjctas ucjja, cunatejj acat kheparojj utjqui ucsa, cunatejj acat kheparojj utjcani ucanacsa.

Apocalipsis 10:4

Cunapachatï uca pakallko k'ejjok'ejjonacajj pasjjäna ucqhasti, nayajj kellkañajjänwa, ucampis mä aru alajjpachat ist'ta aqham sasa: “Amuqui imjjäsim cuntejj uca pakallko khejjokhejjonacajj parlqui ucjja, janiraqui kellkamti” sasa.