Daniel (hebreo) 5:2 - Qullan Arunaca

² Umatäjjasinsti, reyejj mayiraquïnwa, cuna korit lurata jarronaca, uqhamaraqui kori copanactejj Nabucodonosor awquipajj Jerusalén templota apsuwaycataynajj ucanac aptanipjjañapataqui.

Aymar Bibliia 1986

² Umatäjjasinsti, reyejj mayiraquïnwa, cuna korit lurata jarronaca, uqhamaraqui kori copanactejj Nabucodonosor awquipajj Jerusalén templota apsuwaycataynajj ucanac aptanipjjañapataqui.

Qullan Arunaka DC

^2-3 Umatäxasinsti, Belsasar reyix mayirakïnwa kuna qurita, qullqita lurat qirunaktix Nabucodonosor awkipax Jerusalenat Tatitun utapat apsuwaykatayna ukanak aptanipxañapataki. Aptayanisinsti, uka qurit qullqit lurat qirunakat reyisa, warminakapasa, uñt'atanakapasa, taqi jawsayatanakapasa vino umapxäna.

Daniel (hebreo) 5:2 Jak'a apnaqawi uñst'ayäwi

2 Samuel 9:7

Davidasti saraquïnwa: —Jan ajjsaramti, nayajj jumarojj wali sum uñjäma, Jonatán awquimat amtasitajj laycu. Saúl achachilaman orakenacapsti takwa cuttayayjjäma, ucatsti naya chicapuniw mesajjan mank'asiraquïta.

2 Reyes 24:13

Ucatjja Nabucodonosor reyejj take imatanacwa apsüna Tatitun templopata, reyin palaciopata, cunjämtï Tatitojj yatiycäna uqhamaruwa phokhasiscäna, Israelana Salomón reyipajj cuna yänactejj korita luraycäna Tatitun templopataqui ucanacwa tucjäna.

2 Reyes 25:15

Uqhamaraquiw capitanajj apasïna korita, kollketa lurata take yänacajj utjcäna ucanaca: brasero, uqhamarac tazonanaca.

2 Crónicas 11:20

Ucjjarusti jupajj Absalón chachan Maaca phuchapampiw casarasïna, ucatsti wawanacapajj acanacänwa: Abiam, Atai, Ziza, Selomit ucanacaraqui.

2 Crónicas 15:16

Ucjjarusti Asa reyejj Maaca sat awichapatjja apakayänwa reinanacan taycapa sat sutipa, jupajj Asera diosan mä lantipa lurayatap laycu. Asa reyisti uca idoljja jisc'a jisc'wa t'unjayäna, ucatsti Cedrón jawiranwa phuchcatayäna.

2 Crónicas 36:10

Nabucodonosor reyisti uca pachpa marana jallupachawa qhitanïna Babiloniaru jupar apañapataqui, Tatitun templopan jila alani yänacampi chica. Ucatsti Judá, Jerusalén ucanacjjarusti Sedequías chacharuw reyit utt'äyawayäna, jupasti Joaquín reyin familiapänwa.

2 Crónicas 36:18

Diosan templopanquiri take yänacsa, jach'sa, jisc'sa takwa apasïna, uqhamarac templona imatäcäna ucanacsa, reyinquïrsa, uqhamarac yanapirinacapanquïrsa takwa apasïna Babiloniaru caldeonacan reyipajja.

Esdras 5:14

“Ucjjarusti sapjjaraquituwa: ‘Ciro reyiraquiwa Babilonianquir templota apsuraquïna, korita, kollketa lurata yänaca, cuntï Nabucodonosor reyejj Jerusalenan Diosan templopata apcäna Babilonianquiri temploru ucanaca. Ucatsti jupajj Sesbasar chacharuwa ucanacjja churaraqui, uqhamarac juparojj gobernadoratwa utt'ayaraquïna.

Jeremías 27:7

Take marcanacasti juparu catuyatawa, jupaw apnakaraquini, wawapampi, allchhipampi, cunürutejj marcaparu yakha jach'a marcanacampi apnakatäñajj wact'cani uca urcama.

Jeremías 50:35

Tatitu Diosajj siwa: “¡Babilonia marcaru ucan jaquir jakenacarusa nuwjatäpan! ¡Jilïrinacaparusa, yatiñani jakenacaparusa!

Jeremías 52:19

Uqhamaraquiwa uca guardianacan comandantepajj take korit lurat yänacsa apasjjäna: Palanganas sata korit luratäcänsa uca, braseronaca, jach'a tazanaca, khella uscuñataqui luratäcänsa uca, candelabronaca, cucharonanaca, vino ofrenda churañataqui uscutäcänsa uca copanacsa apasjjapjjaraquïnwa.

Daniel (hebreo) 1:2

Tatitusti Joacim reyirojj Nabucodonosor reyimpiw catuntayäna, cuna yänacatejj templon utjcäna ucanacsa Nabucodonosor reyiruw catuyaraquïna. Nabucodonosor reyisti jakenacjja preso apasjjäna Babilonia marcaru, Diosan templopata apsuta kollana yänacsa diosanacapan yänacapampi chicwa uscjjaraquïna;

Daniel (hebreo) 5:11

jupan reinopansti mayni jakew utji kollan Diosan ajayupampi irpata. Cunapachatejj jach'a reyin awquipajj reyïcan ucapachajj uca jakejj wali suma khana amuyunïtapwa uñacht'ayäna, ch'iqhïtapa, yatiñanïtapa diosanacjama yatiñanïcaspas uqhama. Ucatpï juma jach'a reyin Nabucodonosor rey awquimajj uca jakerojj take yatiri, mago, yatiñani, uqhamaraqui warawaranaca uñch'uquiri jakenacan jilïripat utt'ayänjja.

Daniel (hebreo) 5:13

Daniel chachasti reyin nayrakataparu irpataw uñjasïna, reyisti juparojj jisct'araquïnwa: —¿Jumajj Danielätati, cawquïrirutejj rey Nabucodonosor awquejjajj Judea oraket judionacampi chica preso apanqui ucajja?

Daniel (hebreo) 5:18

“Alajjpachanquir jach'a Diosajj Nabucodonosor awquimarojj churänwa reino, jach'a cancaña, kamir cancaña, uqhamaraqui take jach'añchäwinacsa.

Daniel (hebreo) 5:23

Jan ucasti alajjpachanquiri Tatitutjja larustawa, uca copanaca, jarronaca, cunatejj templot apanitäcäna, ucanac apayanisajja, jawsayata jakenacamampi chicaraquiw uca copanacata, jarronacatsa vino umtajja; uqhamarusa korita, kollketa, bronceta, hierrota, lawata, kalata lurat diosanacamaruw yupaychapjjaractajja; uca diosanacasti janiw uñjapquiti, janiw ist'apcaraquisa, janiw cunsa yatipcaraquiti. Ucampisa janiw Diosarojj yupaychctati, uca Diosan amparapancaraquiw jacañamajja, take cuntejj lurcta ucasa jupatwa jutaraqui.

Daniel (hebreo) 5:3

Uca kori copanacasa, kori jarronacasa aptanitänwa, ucatsti reyisa, warminacapasa, uñt'atanacapasa, take jawsayatanacapasa uca copanacatwa vinjja umapjjäna.

Daniel (hebreo) 5:30

Uca arumpacharaquiw Belsasar reyirojj jiwayjjapjjäna, jupasti caldeo jakenacan reyipänwa. Media marcanquiri Darioraquiw uca reino catuntasjjäna. Darío reyisti ucapachajj sojjta tunca payani maraniraquïnwa.

Daniel (hebreo) 5:4

Takeniw vino umapjjäna ucatsti korita, kollketa, bronceta, hierrota, lawata, kalata lurat diosanacaparuw yupaychapjjaraquïna.

Números 7:79

ucatsti quipca ofrendanacwa nayrïrinacjama churaraquïna.