Daniel (hebreo) 5:1 - Qullan Arunaca

¹ Babilonianquiri Belsasar reyejj mä jach'a mank'äwi luräna, ucatsti jach'a jilïri jakenacapatjja waranka jakenacaruw jawsayäna, uca mank'äwinsti reyimpi uca jawsayata jakenacapampejj walpun vino umapjjäna.

Aymar Bibliia 1986

¹ Babilonianquiri Belsasar reyejj mä jach'a mank'äwi luräna, ucatsti jach'a jilïri jakenacapatjja waranka jakenacaruw jawsayäna, uca mank'äwinsti reyimpi uca jawsayata jakenacapampejj walpun vino umapjjäna.

Qullan Arunaka DC

¹ Babilonia marka apnaqir Belsasar reyix mä jach'a manq'äwi luräna, ukarusti jach'a jilïri jaqinakapat waranqaniruw jawsayäna, uka manq'äwinsti reyimpi uka jawsayata jaqinakapampix walpun vino umapxäna.

Daniel (hebreo) 5:1 Jak'a apnaqawi uñst'ayäwi

Génesis 40:20

Quimsa uru pasatatsti faraonan urupänwa, ucatsti jupajj mä jach'a fiesta luräna jakenacapataquejja. Jawsayata jakenac nayrakatatwa faraonajj coperonacan jilïriparojj carcelat irpsuyanjjäna, uqhamarac panaderonacan jilïriparusa.

Ester (hebreo) 1:3

Rey Asuerosti quimsa mara apnakjjasinjja, mä fiesta luräna take ministronacaparu, yanapiri jilïrinacaparu, Persa, Medo ucanquir ejerciton jilïrinacapampiru, uqhamarac provincianacan jilïrinacapampiru.

Isaías 22:12

Uca urojj take ch'amani Tatitojj jumanacaruw jawsapjjtam, jachapjjañamataqui, wararipjjañamataqui, ñic'utanacamsa k'ararasipjjañamataqui, aykoña uñacht'ayañataquisti chhanqha isinaca uscusipjjam.

Isaías 22:14

Ucampisa take ch'amani Tatitojj nayaruw uñstitu, ucatsti saraquituwa: “Janipuniw aca jucha luratanacapjja perdoncäti; jan ucasti jumanacajj jiwarapjjätawa” sasa. Aca arunacajj take ch'amani Tatitun arunacapawa.

Jeremías 50:35

Tatitu Diosajj siwa: “¡Babilonia marcaru ucan jaquir jakenacarusa nuwjatäpan! ¡Jilïrinacaparusa, yatiñani jakenacaparusa!

Jeremías 51:39

Cunapachatejj jupanacaru calorajj khatt'ani ucapachasti nayaw machjayiri umanac churaraquï, ucasti jupanacarojj p'eke muytayaraquini. Uqhamat jupanacajj mä wiñaya samcaru puripjjaraquini, janiraquiw ucatjja mayampsa sartcjjapjjaniti. Naya Tatituw ucjja arsta.

Jeremías 51:57

Reyi, take ch'amani Tatitusti siwa: “Babilonianquiri jilïrinacarojj machjayäwa, yatiñani jakenacaparusa, marca apnakerinacaparusa, jilïrinacaparusa, soldadonacaparusa, wiñayataquiw ict'jjapjjaraquini, janiraquiw mayampsa ucatjja sartcjjapjjaniti.

Daniel (hebreo) 5:30

Uca arumpacharaquiw Belsasar reyirojj jiwayjjapjjäna, jupasti caldeo jakenacan reyipänwa. Media marcanquiri Darioraquiw uca reino catuntasjjäna. Darío reyisti ucapachajj sojjta tunca payani maraniraquïnwa.

Nahúm 1:10

Q'ithuntat ch'aphinacjama, uqhamarac waña jichhur uñtata k'ala naqhantatäpjjätawa.