Daniel (hebreo) 12:10 - Qullan Arunaca

¹⁰ Cuna t'akhesïwinacatejj yatiyatäqui ucanac toksti waljaniw pasapjjañaparaqui, uca t'akhesïwitsti k'omachata, uqhamaraqui asquiru tucuyataw mistjjapjjaraquini. Ñankha jakenacasti ñankhanacapjja lurasipcaquiniwa, cunatejj pasasqui ucanacjja jan amuyt'asa, ucampisa yatiñani jakenacasti take acanacjja amuyt'apjjaraquiniwa.

Aymar Bibliia 1986

¹⁰ Cuna t'akhesïwinacatejj yatiyatäqui ucanac toksti waljaniw pasapjjañaparaqui, uca t'akhesïwitsti k'omachata, uqhamaraqui asquiru tucuyataw mistjjapjjaraquini. Ñankha jakenacasti ñankhanacapjja lurasipcaquiniwa, cunatejj pasasqui ucanacjja jan amuyt'asa, ucampisa yatiñani jakenacasti take acanacjja amuyt'apjjaraquiniwa.

Qullan Arunaka DC

¹⁰ Waljaniw taqi kunanaktix yatiyksma ukanak t'aqhisipxani, ukampis uka t'aqhisïwi qhipat aski jaqinakäpxaniwa. Ñanqha jaqinakasti ñanqhanakap lurasipkakiniwa, kunatix utjki ukanakat jan amuyt'asa, ukampis yatiñan jaqinakax taqi akanak amuyt'apxani.

Daniel (hebreo) 12:10 Jak'a apnaqawi uñst'ayäwi

Salmos 107:43

Ch'iqhi jakejj ucanac amuypan, Tatitun qhuyapayasiñap amuyt'aracpan.

Salmos 51:7

Hisopo alimp ch'ajjch'uquipita: nayasti k'omachataw uñjasï; jarekt'itaya, nayasti qhunut juc'amp jank'ow tucjjä.

Proverbios 1:5

Qhititejj yatiñani, ch'iqhïqui ucawa aca arunacjja ist'ejja, ucatsti jicjjatiwa juc'amp yatiñ cancaña, uqhamarac juc'amp suma ewjja arunaca,

Isaías 1:18

Tatitojj siwa: “Jutapjjam, uca jan wali luratanacamat parlapjjañäni. Juchanacamajj wila colorar uñtatäcchinisa, nayajj qhunjam jank'ow tucuyäjja; ch'iyar wila isir uñtatäcchinisa, nayajj jank'o t'arwaru uñtata tucuyäjja.

Ezequiel 36:25

K'oma umampiw jarekjjapjjaraquïma, take k'añunacamatsa k'omachjjapjjaraquïmawa.

Ezequiel 47:11

Ucampisa jokho chekanacana uqhamaraqui ñek'enacansa janiw suma mojjsa umajj utjcaraquiniti; c'ara umaquiw utjani, ucasti jayu apsuñataquiquiw waliraquïni.

Daniel (hebreo) 11:33

Uca marcanquiri jach'a yatiñani jakenacasti walja jakenacaruw yatichapjjani, ucampisa janc'aquiraquiw jupanacarojj jiwarayapjjani, ninaruw naqhantayapjjaraquini, uqhamaraqui take cunanacapatejj utjcän ucanacsa lunthatjapjjaraquiniwa, jaya marcanacaru apasin esclavo tucuyapjjaraquini. Ucasti mä kawkha urunacataquiquiw lurasiraquini.

Daniel (hebreo) 11:35

Qhitinacatejj marcaru yatichapcän ucanacasa, uñisitaw uñjasipjjaraquini, jupanacasti yant'ataw uñjasipjjaraquini, k'omachataraqui, chekaparu tucuyataraqui, cuna tucuy horasatejj puriniñapäcäna ucacama.

Daniel (hebreo) 12:3

Wali amuyt'ani jakenacasti, qhitinacatejj waljaniru cheka thaquinjam irpapcäna ucanacasti, alajjpach khanjamaw c'ajapjjaraquini; ¡warawaranacjamaw wiñayataqui c'ajapjjaraquini!

Oseas 14:9

Yatiñani, uqhamaraqui ch'iqhi jakenacajj aca arunacjja amuyt'apjjpan: Tatitun thaquipajj chekapawa, cheka jakenacaquiraquiw ucanjamjja sarapjje; ucampis ñankha jakenacajj uca thaquinjja liwisipjjewa.

Zacarías 13:9

Uca jilt'iri parterusti nina tokeracwa pasayäjja, cunjämatejj kollkejj k'omachañäqui uqhamaracwa k'omachäjja, Cunjämatejj korejj k'oma tucuyañäqui uqhamaracwa k'oma tucuyäjja. Ucqhaw jupanacajj nayar art'asipjjetanejja, nayasti jaysaraquïwa. Saraquïwa: ‘Nayan marcajja’ sasa. Jupanacasti sapjjaraquiniwa: ‘Tatituw jiwasan Diosasajja’ sasa. Naya Tatituw ucjja arsta.”

Malaquías 3:3

Ucatsti jupajj Leví tribur k'omachañataquiw kont'asini, cunjämatï maynejj kollksa, korsa ninampi k'omachqui uqhama. Ucatsti jupanacajj ofrendanacapjja Diosarojj loktapjjaraquiniwa cunjämtï jupanacajj loktapjjerïqui uqhama.

Marcos 4:11

Jesusasti jupanacarojj sänwa: —Jumanacarupï khanpach yatiyatajja jan amuyt'caya Diosan reinopatjja, ucampis mayninacarojj take cunas uñtasïwinac tokwa yatiyasi,

Lucas 24:25

Ucapachaw Jesusajj jupanacarojj saraquïna: —¡Cunja jan amuyt'irïpjjaracta jumanacasti, kala chuymaninaca cunatarac profetanacan arsutanacapar jan iyawsapjjtasti!

Juan 18:37

Pilatojj ucjjarojj sänwa: —¿Uqhamajj jumajj Reyïtati? —sasa. Jesusasti sänwa: —Reyïtwa nayajja, cunjämtï jumajj siscta uqhama. Nayajj ucataquiw nasta, acapacharusti juttwa cunatejj chekäqui uc yatiyiri. Take qhitinacatejj chekan sarnakapqui ucanacajja, ist'apjjewa nayajj cuntejj siscta uca —sasa.

Juan 7:17

Maynitejj Diosan munañap lurañ munchi ucajja, uñt'aniwa Diosan yatichäwipächi jan ucajj naya pachpan yatichäwejjaquïchi ucjja.

Juan 8:47

Qhititejj Diosanquirïqui ucajja, Diosan arunacapjja ist'iwa, ucampis jumanacajj janiw Diosanquirïpctati, ucatpï Diosan arupjja jan ist'añ munapctatejja —sasa.

1 Corintios 6:11

Jumanacatjja yakhepanacajj uqhamäpjjaraquïyätawa, ucampis jichhajj k'omachatäjjapjjtawa, Diosarus catuyatäjjapjjaractawa, Tatit Jesucriston sutiparu, uqhamarac Diosan Kollan Ajayup tokeraqui.

2 Corintios 7:1

Uqhamapï munat jilatanaca, Diosan take aca arsutanacapajj jiwasataquiwa. Ucatpï take cunatejj k'añuchquistaspa ucatjja jithektañasajja, ucatsti k'oma sarnakañasawa janchisansa, uqhamaraqui ajayusansa. Diosar ajjsarasaraquiw juparojj take catuyasjjañasajja.

Tito 2:14

Jupawa jiwas laycu jiwawayi jan walinacat jiwasar khespiyañataqui, k'omachañataqui, uqhamata jupancañataqui jan karjasisa asqui lurañasataqui.

Hebreos 12:10

Janchi awquinacasajj juc'a tiempotaquiquiw chekachawayistu cunjämtejj amuyupanjj walïquejj uqhamaru, ucampis Diosajj jiwasan asquisataqui, kollan tucuñasataqui, cunjämatejj jupajj kollanäqui uqhamaruw chekachistu.

1 Pedro 1:22

Jichhajj jumanacajja, Kollan Ajayu toke Tatitun arunacap ist'asinjja, almanacamjja k'omachasjjapjjtawa jilatanacaru chekpachan munañataqui. Uqhamajj maynit maynicamaw munasipjjañama take chuyma, uqhamarac take ch'amampi.

1 Pedro 1:7

Jumanacan iyawsañanacamasti mä korir uñtataw ninampi yant'atäñaparaqui. Cawquïri iyawsañatï uca yant'anaca pasqui ucasti uca tucusir korit sipansa juc'ampi jila alaniwa. Uqhamatpï jumanacan iyawsañanacamajja, yant'atäsinjja sumat uñt'atänejja, jach'aru aptataraquïniwa cunapachatejj Tatit Jesucristojj jutcani ucapachajja.

1 Juan 5:20

Yatiractanwa Diosan Yokapan jutatapa, uqhamarac amuyt'ayistu chekpach Diosar uñt'añataqui. Uca chekpach Jesucristo Yokapampejj mayanacwa jacaractanjja. Aca Diosajj chekawa, wiñay jacañaraquiwa.

Apocalipsis 16:11

ucampis janiraquiw uqhamatsa arrepientisipcänti jan wali luratanacapatjja, jan ucasti jan wali k'añu arunacacwa alajjpach Dios toke parlapjjäna, t'akhesitanacapatsa uqhamarac llejjti usunacapatsa.

Apocalipsis 19:14

“Khepapsti take alajjpachanquirinacaraquiw arcapjjäna suma lino jank'o k'oma isimpi isthapitcama takenisa jank'o caballor lat'jjatatcamaraqui.

Apocalipsis 19:8

Juparuwa suma lino lliphipquir k'oma isinacampi isthapisim satajja. Uca suma lino isisti Diosar ajjsartasa sarnakapqui ucanacan cheka jacatanacaparuw uñtasi” sasa.

Apocalipsis 22:11

Uccañcamasti jan wali jakejja jan walinac lurascacpan, k'añusa k'añunac lurascacpan, ucampis Dios chuyma jakejj asquinac lurascacpan, take chuyma arcascacpan” sasa.

Apocalipsis 3:18

Ucatpï nayajj amtt'aysmajja ninar nacsuyata suma kori puro nayat alt'asiñamataqui, uqhamat chekpacha kamirïñamataqui, nayataraqui jank'o isi alasiñamataqui uca p'enka k'alal sarnakatamaru isjjatasiñamataqui, uqhamarac colirio sat kollsa nayramar ch'akt'ayasiñataqui, uqhamata uñjañamataqui.

1 Samuel 24:13

Nayra tiempo mä säwisti saraquiwa: ‘Ñankha lurañajj ñankha jakenacatwa juti’ sasa. Uca laycu nayajj janipuniw jach'a reyi contrajj amparajj aytcäti.