Apocalipsis 9:16 - Qullan Arunaca

¹⁶ Ucatsti caballjjat sarapcäna uca soldadonacjjatwa ist'ta, ucanacasti pä patac millonänwa.

Aymar Bibliia 1986

¹⁶ Ucatsti caballjjat sarapcäna uca soldadonacjjatwa ist'ta, ucanacasti pä patac millonänwa.

Qullan Arunaka DC

¹⁶ Ukatsti ist'araktwa, caballot sarir soldadonakan pä patak waranqätapa.

Apocalipsis 9:16 Jak'a apnaqawi uñst'ayäwi

Salmos 68:17

Diosan nuwasiñ carronacapajj warank warankawa: Sinaí kollutpach Diosajj kollan chekawjarojj jutanti.

Ezequiel 23:6

qhitinacatejj suma púrpura isinacampi isthapitäpqui ucanacawa, take jupanacasti jilïrinacäpjjewa, marca apnakerinaca, wali suma waynanaca, caballonacaru lat'jjatata jakenacäpjjaraquiwa.

Ezequiel 38:4

Jichhajj nayajj jumarojj cuttayanïmawa, lacamarusti ganchonacampiw uscuntäma, jumarusa, uqhamaraqui suma isthapita caballeriamarusa, takpach jakenacamampi chica apsuniraquïma, uca jach'a ejército cawquïritejj espadanacampi, cunayman casta escudonacampi suma armantatäqui uca ejercitjja apsunïwa.

Daniel (hebreo) 11:40

“Cunapachatejj tucuyan horasapajj purinjjani ucapachasti, aynachanquir reyejj amstanquir reyirojj nuwantaraquiniwa; ucampisa uca amstanquir reyejj mistunisinjja, mä jach'a thayäcaspas uqhamaw aynachanquir reyi tokejj sartaraquini, uca marcsti guerran nuwasiñ carronacampi, caballeriampi, walja soldadonacampi, walja barconacampiw chhaktayaraquini.

Daniel (hebreo) 7:10

Jupa nayrakatatsti mä nina jawirjamaw misturaquïna. Waranka warankanacaraquiw juparojj sirvipjjäna, millón millonanacaraquiw jupa nayräjjan sayt'atäpjjäna. Tribunalasti uca tantachasïwin parlañanacjja kalltayjjaraquïnwa, libronacasti jist'arasiraquïnwa.

Apocalipsis 5:11

Ucatsti mäquiw uñtta, walja angelanacan arunacapracwa ist'ta. Uca angelanacasti tronoru, uca jacasquirinacaru, uca jilïrinacaru muyuntatänwa. Waranka, warankanacäpjjaraquïnwa.

Apocalipsis 7:4

Ucatsti ist'aractwa qhitinacatï chimpt'äpcäna ucanacajja, pataca pusi tunca pusini waranka jakenacätapa, Israel marcanquir jakenaccamaqui.