Apocalipsis 8:1 - Qullan Arunaca

¹ Cunapachatejj Corderojj libron pakallköri sello sellt'atäcän uca ch'iyjcän ucqhajja, alajjpachanjja take cunaw amuct'äna mä quimsa tunca minutonacjama.

Aymar Bibliia 1986

¹ Cunapachatejj Corderojj libron pakallköri sello sellt'atäcän uca ch'iyjcän ucqhajja, alajjpachanjja take cunaw amuct'äna mä quimsa tunca minutonacjama.

Qullan Arunaka DC

¹ Corderox qillqatan paqallqüri sello jist'arkän ukkhasti, alaxpachanxa taqi kunaw amukt'äna niya kimsa tunka k'atanakjama.

Apocalipsis 8:1 Jak'a apnaqawi uñst'ayäwi

Job 4:16

Mayniw ucancascäna, sayatapsti uñjaractwa, ucampis janiw ajanupjja uñcatcti. Take cunas amuct'atänwa. . . Ucat mä aru ist'aracta:

Salmos 37:7

Tatitun nayrakatapan amuct'am; jupan yanapap llamp'u chuymamp suyam, ñankha lurir jaken atipjatapat jan k'apisimti; ñankhanac amtir jakets janirac mayjt'asimti.

Salmos 62:1

Dios sapanac ajayojjajj samarañ jicjjati, khespiyasiñajjajj jupat juti.

Habacuc 2:20

Ucampis Dios Tatitojj kollan templopancasquiwa: ¡Jupa nayrakatanjja amuquïpjjam take acapachan jaquir jakenaca!”

Zacarías 2:13

¡Take acapachanquir jakenaca amuct'apjjam Tatitun nayrakatapana, jupasti kollana jacäwipatpachwa jiwasanac taypiru jutasqui!

Mateo 27:66

Jupanacajj sarasinjja uqhamwa lurapjjäna. Mä sellompiraquiw uca jach'a kaljjarojj sellt'apjjäna. Soldadonacarusti uñjapjjañapataquiw jaytanipjjaraquïna.

Apocalipsis 5:1

Qhititejj tronon kont'atäcän ucan cupi amparapansti mä rollor uñtata libro uñjaracta, patatsa mankhatsa kellksuta, uqhamarac pakallko sellonacampi jist'antata.

Apocalipsis 5:9

Mä machak k'ochu k'ochupjjaraquïna: “Jumajj asquïtawa uca libro catuñataqui, sellonacap ch'iyarañataquisa; jumarojj jiwayapjjäyätamwa, ucatsti wilamampiw Diosataqui alapjjestajja, take casta jakenacaru, cunayman parlani jakenacaru jisc'a marcaru, jach'a marcaru.

Apocalipsis 6:1

Ucatsti uñjaractwa Corderorojja uca pakallko sellonacatjja nayrirïqui uca ch'iyjiri. Uca pusi jacasquirinacatsti ist'aractwa maynïriru wali jach'ata art'iri mä khejjokhejjor uñtata: “¡Jutam, uñjaraquim!” sasa.

Apocalipsis 6:12

Cunapachatejj Corderojj sojjtïri sello ch'iyjqui ucqhajja, uñjaractwa mä jach'a orak qhathati. Intisti luto isjamawa ch'iyart'awayjjäna, phajjsisa wilaraquiw tucuwayjjäna.

Apocalipsis 6:3

Cunapachatejj uca Corderojj payïri sello ch'iyjcän ucqhajja, ist'twa maynïri jacasquiriru aqham siri: “¡Jutam, uñjaraquim!” sasa.

Apocalipsis 6:5

Cunapachatejj Corderojj quimsïri sello ch'iyjcän ucqhajja, quimsïri jacasquiriruw aqham siri ist'ta: “¡Jutam, uñjaraquim!” sasa. Uñtasinsti uñjaractwa mä ch'iyar caballo. Lat'jjatatäcän ucasti mä balanza apt'atänwa.

Apocalipsis 6:7

Corderojj pusïri sello ch'iyjcän ucqhasti, ist'twa pusïri jacasquiriru aqham siri: “¡Jutam, uñjaraquim!” sasa.

Apocalipsis 6:9

Cunapachatejj Corderojj pheskëri sello ch'iyjcän ucqhasti, altar mankhansti, qhitinacatejj Tatit laycu, uqhamarac arunacap laycu jiwarapcänsa ucanacan almanacapwa uñjta.