Apocalipsis 6:8 - Qullan Arunaca

⁸ Uñtasinsti uñjaractwa mä k'ellu caballo. Lat'jjatatäcän ucan sutipasti “Jiwaña” satänwa, khepäjjapsti qhititejj jiwatanacajj cawqhanquis uc uñjquejj ucaraquiw jutäna. Aca orakensti chicatan chicatapjjaru munañanïñawa churataraquïna, nuwasiñanacampi, mach'anacampi, usunacampi, cunayman jan wali animalanacampi jake tucjañapataqui.

Aymar Bibliia 1986

⁸ Uñtasinsti uñjaractwa mä k'ellu caballo. Lat'jjatatäcän ucan sutipasti “Jiwaña” satänwa, khepäjjapsti qhititejj jiwatanacajj cawqhanquis uc uñjquejj ucaraquiw jutäna. Aca orakensti chicatan chicatapjjaru munañanïñawa churataraquïna, nuwasiñanacampi, mach'anacampi, usunacampi, cunayman jan wali animalanacampi jake tucjañapataqui.

Qullan Arunaka DC

⁸ Uñtasinsti mä q'illu caballo uñjarakta. Uka caballor lat'xatatäkän ukan sutipasti “Jiwaña” satänwa, jupan qhipapsti manqha pachan jilïripaw arkäna. Ukatsti panpachaniw munañanïñ kankañ katuqapxäna, akapach uraqin jaqinakar chikatan chikatapar jiwayañataki, nuwasiñanak tuqi, mach'anak tuqi, usunak tuqi, qhuru animalanak tuqi.

Apocalipsis 6:8 Jak'a apnaqawi uñst'ayäwi

Proverbios 5:5

Uca warmimpi sarnakañajj jiwañaruwa irpi; sarnakäwinacapasti jiwañaru chekacwa puriyaraqui.

Isaías 25:8

Tatitojj wiñayataquiw jiwañarojj t'unjani, take jakenacana nayranacapatsti jachanacapsa pichararaquiniwa, marcapan aynacht'atapsti take aca orakpachatjja chhaktayjjaraquiniwa. Tatituw uqham arsu.

Jeremías 14:12

Kawkhas ayunasipcpan, janiw mayisitanacapjja ist'cäti; kawkhas naqhantayat grano ofrendanacapsa apasinipcpan, janiraquiw ucjja take chuymampi uñtcäti. Guerrampi, mach'ampi, cunayman casta usunacampiw ucanacjja tucjaraquï.”

Jeremías 16:16

Tatitusti saraquiwa: “Walja caturinacwa nayajj qhitanï, israelitanacaru caturapjjañapataqui. Walja jiwarayirinacwa qhitaniraquï israelitanacaru caturapjjañapataqui, take kollunac toketsa, uqhamaraqui karka p'iyanacatsa wayuraniñapataqui take israelitanacaru.

Jeremías 16:4

Jan kollcaña usunacampiw jiwarapjjani, janiw qhitis jupanacatjja jachcaraquiniti ni imirisa utjcaraquiniti; oraken liwirtataw uñjasipjjani, wanüpcaspas uqhama. Guerrampi, mank'at jiwarañampiw jupanacarojj tucjani, janchinacapasti siwek'aranacana, montenquir animalanacampi tucjatäniwa, mank'antataraquïniwa” sasa.

Jeremías 24:10

Jupanacjjarusti guerranacampi, mach'anacampi, cunayman usunacampwa apayaniraquëjja, cawquïri oraktejj jupanacaru nayra awquinacaparusa churcta ucanjja jan maynisa kheparañapcama.”

Jeremías 29:17

‘Take ch'amani Tatitusti siwa: Jumanacarojj guerranacampi, mach'ampi, cunayman usunacampwa apayanipjjäma. Jumanacarojj ñusantata higonacjamwa tucuyapjjäma, uqham ñusantatätapatjja jan mank'cañjamaraqui tucuyapjjäma.

Jeremías 43:11

Jupasti jutasinjja aca Egipto marca t'unjaraquini. Qhitinacatejj jiwañataqui catuyatäpqui ucanacasti jiwarapjjaraquiniwa; cawquïrinacatejj yakha marcaru apatäpjjañapataqui catuyatäpqui ucanacasti jaya marcaru apatäpjjaraquiniwa; cawquïrinacatejj guerran jiwaratäñataqui catuyatäpqui ucanacasti guerran jiwarapjjaraquini.

Ezequiel 29:5

Ucatsti jawiramanquir chawllanacampi chicwa wasararu, jakonucuraquïma, ch'usa pamparuw puriraquïta, janiraquiw qhitis ucatjja jumar imt'jjañataqui aptcätamti. Montenquir animalanacampi, alajjpacha jamach'inacampiwa mank'antayaraquïma.

Ezequiel 5:12

Jakenacamatsti mä chicatajj usunacampiw jiwarapjjani, aca pachpa marca mankhanwa mank'atjama jiwarapjjaraquini, chicata jakenacasti cawquïri uñisirinacatejj muyuntapctam ucanacan jiwarayataw uñjasipjjaraquini, ucat jilt'iri chicatasti take tokeru ananucutaraquïniwa. Ucanacan khepapsti nayaw sararaquï mä espadas ayt'ata.

Oseas 13:14

¿Sepulturatjja jupanacar khespiyaraquïti? ¿Jiwañatsa khespiyaraquïti? ¿Jiwaña, cawquincarac t'unjiri jach'a ch'amamasti? ¿Sepulcro, cawquincaraqui jan wali lurañanacamasti? ¡Janiw aca jakenacatjja juc'ampi qhuyapayascjjäti!”

Habacuc 2:5

“Jach'a jach'a tucuri jakenacajj ch'amanïñwa munapjje; jan samart'asaw thakapjje, ucatsti juc'amp munasipcaquiwa, ch'amanïñajj jan walirus puriychi ucasa. Lacapsti sepulturjamaw jist'arapjje, jiwaru uñtataw jan ist'asipquiti, ucatwa sarapjje catuntañataqui marcat, marcaru.

Zacarías 6:3

Quimsïrirusti jank'o caballonaca, pusïrirusti allka caballonaca.

Mateo 11:23

Uqhamaraqui jumajj Capernaum marca, ¿amuyastati alajjpachcama jach'aru aptatäña? Infierncam apakatäyätawa. Sodomantejj acan lurasqui uca milagronacajj lurasisapänjja, uca marcajj jichhürcamaw utjascasapäna.

Mateo 24:7

Mä jach'a marcajj yakha jach'a marca contraw nuwasini, mä marcasti yakha marca contraraquiw sartani, ucapachaw mank'at pist'añajj utjani, usuñanacasa, orak qhatatinacas walja chekanacana.

1 Corintios 15:55

Jiwa, ¿cawquincaraqui atipjir ch'amamasti? ¿Cawquincaraqui mich'imasti?” sasa.

Apocalipsis 1:18

Nayajj jacasctwa jiwatäcchïyäta ucasa. Jichhasti wiñayataquiw jacascta. Jiwañan llavepsa nayaw catta, jiwatanacan utjäwipan llavepsa nayaw catta.

Apocalipsis 12:4

Wich'inqhapampisti quimsïri partwa alajjpach warawaranacjja onjjtayäna, ucatsti orakeruraquiw willirtayanïna. Aca dragonasti uca wawachasiri warmin nayräjjaparuw sayt'asi, uca wawar ucspacha mank'antañataqui.

Apocalipsis 9:15

Uqhamawa uca pusi angelanacajj jaranucutäjjapjjäna, quimsïri parte jakenacaru jiwarayañataqui, jupanacasti uca horasataqui, uca urutaqui, phajjsitaqui, uqhamaraqui uca marataqui waquichatäpjjataynawa.

Apocalipsis 9:18

Quimsïri parte jakenacasti jiwarayatäpjjänwa, uca quimsa t'akhesïwejj caballonacan lacanacapat mistcän ucanacampi. Ucanacasti nina, asufre uqhamarac jek'e ucanacänwa.