Apocalipsis 4:10 - Qullan Arunaca

¹⁰ uca pä tunca pusini jilïrinacajj jupa nayrakataruw quillt'asipjjäna, ucat yupaychapjjaraquïna qhititejj wiñayan wiñayapataqui jacasqui ucaru. Coronanacapsti jupa nayrakataruw asakasipjjäna, sapjjaraquïnwa:

Aymar Bibliia 1986

¹⁰ uca pä tunca pusini jilïrinacajj jupa nayrakataruw quillt'asipjjäna, ucat yupaychapjjaraquïna qhititejj wiñayan wiñayapataqui jacasqui ucaru. Coronanacapsti jupa nayrakataruw asakasipjjäna, sapjjaraquïnwa:

Apocalipsis 4:10 Jak'a apnaqawi uñst'ayäwi

1 Crónicas 29:20

Ucjjarusti Davidajj take tantachäwi jakenacaruwa saraquïna: “Jichhasti Tatit Diosamaru yupaychapjjam” sasa. Ucatjja take tantachäwi jakenacawa nayra awquinacapana Tatit Diosaparu yupaychapjjäna, ucatsti quillt'asisaraquiwa Tatitutaquisa, reyitaquisa alt'asipjjäna.

2 Crónicas 7:3

Israelit jakenacasti ninampi, Tatitun jach'a cancañapampi templor sarakaniri uñjapjjatap laycujja, jupanacajj quillt'asisinjja orakcamawa alt'asipjjäna p'eke parapampi orakeru puriyañcama, ucatsti jupanacajj Tatiturojj yupaychapjjänwa, uqhamarac yuspagarapjjaraquïnwa, aqham sasa: “Jupasti suma Diosawa, munasiñapasa wiñayataquiraquiwa” sasa.

Job 1:20

Ucatsti Job chachajja sartasinjja wali llaquin phokt'ataw isinacapa ch'iyanokasïna, ñic'utapsa mururasisaw quillt'asisa yupaycharaquïna.

Salmos 115:1

Tatay, khapak sutimarojj jach'añchasimaya, janis nanacarojj jach'añchapquita; munasiñam laycu, chekapätam laycuy jach'añchasim.

Salmos 47:8

Diosajj marcanacaruw apnake, ¡Diosajj kollan konuñapjjan kont'atäsquiwa!

Salmos 72:11

Takpach reyinacajj jupa nayrakatar quillt'asipjjpan, takpach marcanacarac juparojj loktapjjpan.

Salmos 95:6

Jutapjjam, orakcam konkort'asipjjañäni; Tatitun nayrakatapar quillt'asipjjañäni, jupaw jiwasanacarojj irnokestu.

Isaías 6:1

Rey Uziasajj jiwjjän uca marajja, Tatituruw uñjta mä jach'a alto tronon kont'ata; mantopan puntanacapaquiraquiw templorojj phokhantäna.

Daniel (hebreo) 12:7

Lino isimpi isthapitäcän uca jakesti, alajjpacharuw amparap lokti ucatsti jacquiri Diosan sutipjjaruw juramentompi arsuraqui aqham sasa: ‘Quimsa pacha chicatani, cunapachatejj Diosan marcapajj jan juc'ampi t'akhesiyatäjjani, ucapachaw take acanacajj tucusjjani’ sasa.

Daniel (hebreo) 4:34

“Cunapachatejj uca juchañchäwi urunacajj phokhasjjäna ucapachasti, naya Nabucodonosor reyejj alajjpacha uñtta, ucatsti lokhe cancañajjatjja kollatätajjwa amuyasjjaracta, ucat nayajj alajjpachanquiri Diosaru jach'añchta, aca arunacampiw juparojj yupaycharacta, qhititejj wiñayataqui jacqui ucaru: ‘Ch'amapajj wiñayataquipuniwa; munañapasa wawanacapans wawanacapataquiraquïniwa.

Mateo 2:11

Utar mantasinsti wawampiru, María taycapampiruw jicjjatapjjäna. Ucatwa quillt'asisina yupaychapjjäna. Cajanacapat apsusisinjja, kori, incienso, mirra ucanacwa juparojj churapjjäna.

Lucas 24:52

Jupanacasti yupaychasinjja wali cusisitaw Jerusalenar cutt'awayjjapjjäna.

1 Corintios 15:10

Ucampis Diosan munasiñap laycuquiw cunäctejj ucätjja, munasiñapasti nayataquejj janipuniw inamayäquiti. Take apostolonacat sipan jilaracwa irnakawaytjja; ucsti janiw nayat irnakctjja jan ucasti Diosaw qhuyapayasiñapanjja nayamp chicäscaraquïna.

Deuteronomio 32:40

Amparajja alajjpacharu lokatatta, nayan wiñayataquïtajj laycuw juramento luraraquï.

Apocalipsis 10:6

Ucatsti mä juramento luraraquïna, qhititejj wiñayataqui jacqui, qhitiraquitï alajjpachsa, acapachsa, kotsa, take cunsa lurqui ucan sutipjjaru: “Janiw jichhajj juc'ampi suyascjjaniti.

Apocalipsis 11:16

Ucatsti uca pä tunca pusini jilïrinacajj, qhitinacatejj trononacapan Dios nayräjjana kont'atäsipcän ucanacajj ajanunacap orakcama alintasaw quillt'asipjjäna, ucatsti Diosaruw yupaychapjjäna,

Apocalipsis 15:4

Tata, ¿qhitiraqui jan ajjsariristamsti? ¿Qhitiraqui jan yupaychiristamsti? Juma sapaquïtaw kollanajja. Take marcanacaw jutasina jumarojj yupaychapjjaraquïtam, cheka asqui luratanacam uñjapjjatap laycu” sasa.

Apocalipsis 15:7

Ucatsti ucspacharaquiw maynïrejja uca pusi jacasquirinacatjja sapa mayni angelaruw mä kori copa churäna. Uca copanacasti Diosan jach'a ajjsarcañ colerasiñapawa phokhantatäna, cawquïri Diosatejj wiñayataqui jacqui ucana.

Apocalipsis 19:4

Ucatsti uca pä tunca pusini jilïrinacajja, uqhamarac uca pusi jacasquirinacasa oraker alt'asinwa tronon kont'atäcäns uca Diosaru yupaychapjjäna, aqham sasa: “¡Uqhamäpan! ¡Aleluya!”

Apocalipsis 4:2

Uca horasasti Kollan Ajayun apnakataw nayajj uñjasta, alajjpachansti mä trono uñjaracta, ucansti mayniw kont'atäscäna.

Apocalipsis 4:4

Uca trono muyuntatasti yakha trononacaw utjaraquïna, ucanacasti pä tunca pusinïnwa. Uca trononacansti pä tunca pusini ancianonacaw jank'ot ist'ata uqhamarac kori coronanacan asjjatata kont'atäsipcaraquïna.

Apocalipsis 4:9

Sapa cuti uca pusi jacasquirinacajj, qhititejj tronon kont'atäqui, uqhamarac wiñayataquis jacasqui ucar yupaychapqui, yuspagarapcaraqui ucqhajja,

Apocalipsis 5:14

Uca pusi jacasquirinacasti sapjjaraquïnwa: “Uqhamapunïpan” sasa. Uca pä tunca pusini chuyman jakenacasti quillt'asisinwa yupaychapjjaraquïna, qhititejj wiñayan wiñayapataqui jacqui ucaru.

Apocalipsis 5:8

Libro apakcäna ucqhasti uca pusi jacasquirinacasa, uqhamarac uca pä tunca pusini jilïrinacasa uca Cordero nayrakataruw quillt'asipjjäna. Sapa mayni jilïrinacasti mä arpa apt'atäpjjänwa, uqhamarac mä kori copa ast'atcama. Uca kori copanacasti incienson phokhantatänwa, uca inciensosti Diosan wawanacapan oracionanacapänwa.

Apocalipsis 7:11

Take angelanacasti trono muytata sayaratäpjjaraquïnwa, uca jilïrinacaru, uca pusi jacasquirinacarusa muytata. Ucatsti orakcama alintasaw quillt'asipjjäna tronon nayrakatapana, Diosarusti yupaychapjjaraquïnwa