Apocalipsis 3:11 - Qullan Arunaca

¹¹ Acajj janc'aquiw jutä. Sum catjjäsim cunatejj utjctam ucjja, uqhamat jan qhitisa juman wajjt'asiñamjja apakañapataqui.

Aymar Bibliia 1986

¹¹ Acajj janc'aquiw jutä. Sum catjjäsim cunatejj utjctam ucjja, uqhamat jan qhitisa juman wajjt'asiñamjja apakañapataqui.

Qullan Arunaka DC

¹¹ Jank'akiw jutä. Nayar iyawsañ chuyma katxäsiskakim, ukhamat janiw khitis churäwim apaqkätamti.

Apocalipsis 3:11 Jak'a apnaqawi uñst'ayäwi

Sofonías 1:14

“Jac'anquiwa Tatitun qhä jach'a urupajja. ¡Jac'anquiwa uca urojj, janc'aquiw puriniraquini! Tatitun jutäwip urusti wali jachañ urüniwa, jach'a ch'aman jakenacas ajjsarañat wararipjjaniwa.

1 Corintios 9:25

Qhitinacatejj mä anatañan anatapqui ucanacajj chekpachansa cunanacatejj jan walt'aycaspan ucanacjja k'al apanucupjje. Ucampis jupanacajj ch'am tucupjje mä laurel corona catokañataqui cawquïritejj mäqui pharsuwayjje; jiwasasti wiñayataqui jan pharsur corona catokañataquiw jaltanjja.

Filipenses 4:5

Suma chuymanïpjjatamajj take jakenacan uñt'atäpan. Tatitojja jac'anquiwa.

2 Timoteo 2:5

Uca pachparaqui, qhititejj anatañaru uscusqui ucajja, janiw premio catokcaspati camachinacarjama jan phokhasajja.

2 Timoteo 4:8

Jichhajj suma coronaw suyasquitu, qhä urunwa chekapar uñjir Tatitojj churitani, cawquïritejj chekap taripirïqui ucajja. Janiw naya saparuquiti churquitani, jan ucasti take qhitinacatejj munasiñampi Tatitun jutañap suyt'asipqui ucanacarojj churaraquiniwa.

Santiago 1:12

Cusisiñaniwa qhititejj yant'anacjja llamp'u chuymampi catokqui ucanacajja. Uca yant'ar atipjas misturinacasti churäwi catokapjjani mä coronar uñtata, uca churäwisti cuntejj Diosajj jupar munirinacaru jacañ churaña arscänjja ucawa.

Santiago 5:9

Jilatanaca, janirac jumanaccamajja jan walinacsa parlasipjjamti, Tatitun jan juchañchatäscañataqui. Diosasti, qhititejj taripcani ucajj jac'ancjjewa.

Apocalipsis 1:3

Wali cusisiñaniwa qhititejj aca arunac leequi ucajja. Wali cusisiñanïpjjaraquiw qhitinacatejj Diosat catokat aca arunaca ist'apqui, uqhamarac uca arunacarjam sarnakapqui ucanacajja, uca urusti niya jac'äjjaraquiwa.

Apocalipsis 16:15

“Amuyasipjjam, nayajj acatjamatwa lunthatar uñtata jutä. Cusisiñanïniw qhititejj suyasqui, uqhamarac isipsa jan k'añuchasquiti ucajja, uqhamata jan k'alala sarnakañapataqui janiraqui jakes uñch'uquiñapataqui mä p'enka k'alalätapjja.”

Apocalipsis 2:10

Cuna t'akhesiñanacatï jumjjaru jutcani ucanacatjja jan ajjsaramti. Supayasti jumanacat mä yakhepanacarojj carcelaruw apayani, take jumanacasti wali yant'atäpjjaraquïtawa. Tunca ururaquiw t'akhesipjjäta. Ucampis jiwañcamatejj arcascaquïta ucapachasti, nayasti jacañ corona churäma.

Apocalipsis 2:13

‘Nayajj yattwa take luratanacamjja. Cawqhantejj Supayajj munañanïqui ucqhan jacatamsa yatiractwa, ucampis nayarojj take chuymampiw arcasquistajja. Nayar iyawsatamjja janipuniw jaytctati, ni Antipas sat sirvirejjaru Supayajj utjqui ucqhana jiwayapquïpansa.

Apocalipsis 2:25

Ucampis catjjäsipjjam cuntejj yatipcta ucjja, nayan jutañajjcama.

Apocalipsis 22:12

“Nayasti janc'aquiw jutä. Sapa maynitaquiraquiw churäwi apanï luratanacaparjama churañataqui.

Apocalipsis 22:20

Acanac khanañchiristi siwa: “Nayasti janc'aquiw jutä” sasa. Uqhamäpan. ¡Jutascaquim, Tatit Jesús!

Apocalipsis 22:7

“¡Janc'aquiw jutä! ¡Cusisiñaniw qhititejj Diosan arunacap aca libron kellkatäqui uc ist'qui ucajja!”

Apocalipsis 3:3

Amtasimay cuna yatichäwtï catokcta ucjja, ucarjamaraqui arcam, ucatsti arrepientisiraquim. Janitejj p'arjjtascätajja, jan amtat horasaruw mä lunthatjama acatjamat jutä.

Apocalipsis 4:10

uca pä tunca pusini jilïrinacajj jupa nayrakataruw quillt'asipjjäna, ucat yupaychapjjaraquïna qhititejj wiñayan wiñayapataqui jacasqui ucaru. Coronanacapsti jupa nayrakataruw asakasipjjäna, sapjjaraquïnwa:

Apocalipsis 4:4

Uca trono muyuntatasti yakha trononacaw utjaraquïna, ucanacasti pä tunca pusinïnwa. Uca trononacansti pä tunca pusini ancianonacaw jank'ot ist'ata uqhamarac kori coronanacan asjjatata kont'atäsipcaraquïna.