Apocalipsis 22:8 - Qullan Arunaca

⁸ Naya, Juanaw, ist'ta, uñjaracta take aca lurasïwinaca. Ist'asin, uñjasinsti, cawquïri angelatejj uñacht'ayquitu ucan cayunacaparu yupaychañataquiw quillt'asta.

Aymar Bibliia 1986

⁸ Naya, Juanaw, ist'ta, uñjaracta take aca lurasïwinaca. Ist'asin, uñjasinsti, cawquïri angelatejj uñacht'ayquitu ucan cayunacaparu yupaychañataquiw quillt'asta.

Qullan Arunaka DC

⁸ Naya, Juanaw, ist'ta, taqi ukanak uñjarakta. Ukanak ist'asa, uñjasasti, uñacht'aykitu uka angelan nayraqataparuw jupar yupaychañatak killt'asta.

Apocalipsis 22:8 Jak'a apnaqawi uñst'ayäwi

Daniel (hebreo) 2:46

Uqhamasti Nabucodonosor reyejj Daniel waynan nayrakataparuw quillt'asïna, p'ekepajj orakeru puriñcama, ucatsti sacrificionaca uqhamaraqui inciensonaca loktayañataquiw arsuraquïna.

Hechos 10:26

Ucampis Pedrojj aqham sasaw juparojj wayti: —Sayt'asim, tata. Nayajj jumjam jakequiraquïtwa —sasa.

Apocalipsis 1:1

Acajja cuntejj Diosajj Jesucristor uñacht'aycäna ucawa, uqhamat jupajj sirvirinacaparu yatiyañapataqui, cunatejj janc'aqui lurascani ucjjata. Jesucristojj aca uñacht'äwjja mä angelap tokwa Juan sirviriparu yatiyi.

Apocalipsis 1:4

Naya, Juan, aca cartanac kellkasin apayta Asia tokenquir pakallko iglesianacaru. Catokapjjam jumanacajj Diosan bendicionapa, uqhamarac Diosan asquipsa. Uca Diosasti utjascapunïnwa, utjascaquiwa, jichhas utjascaquiniwa. Uca pachparaqui catokapjjam Diosan tronopan nayrakatapanquir uca pakallko ajayunacatsa.

Apocalipsis 19:10

Nayasti angelan cayunacaparuw quillt'asta yupaychañataqui, ucampis jupajj saraquituwa: “Jan ucjj luramti. Nayajj jumjama, uqhamarac qhitinacatejj Jesucriston khanañchataparu take chuymampi arcapqui, ucanacjam sirviriquiraquïtwa. Ucampis Diosar yupaycham” sasa. Uca Jesucriston khanañchatapasti Diosat parlirinacaruw amuyt'ayi.

Apocalipsis 19:19

Ucatsti uñjaractwa uca jach'a ajjsarcañ animalaru, uqhamarac acapach reyinacaru ejercitonacapampiru. Jupanacasti caballor lat'jjatatäcän uca toke, uqhamarac ejercitop toke nuwasiñataquiw tantasipjjatayna.